NTPC Recruitment 2025: એન્જીનિયર ઉમેદવારો માટે સરકારી નોકરીની સુવર્ણ તક, આટલો મળશે પગાર, વાંચો માહિતી

NTPC Recruitment 2025 (સરકારી નોકરી NTPC ભરતી 2025): સરકારી નોકરીની રાહ જોઈ રહેલા એન્જીનિયર ઉમેદવારો માટે નોકરીની સુવર્ણ તક આવી ગઈ છે. નેશનલ થર્મલ પાવર કોર્પોરેશન (NTPC) લિમિટેડે એન્જિનિયરિંગ એક્ઝિક્યુટિવ ટ્રેનીની કુલ 475 જગ્યાઓ માટે ભરતીનું નોટિફિકેશન બહાર પાડ્યું છે. આ પોસ્ટ ઉપર ઉમેદવારો પસંદ કરવા માટે સંસ્થાએ રસ ધરાવતા અને લાયક ઉમેદવારો પાસે ઓનલાઈન અરજીઓ મંગાવી છે.

NTPC ભરતી 2025 માટે વિવિધ પોસ્ટની વિગતો, શૈક્ષણિક લાયકાત, પગાર ધોરણ, વય મર્યાદા, અરજી પ્રક્રિયા, પસંદી પ્રક્રિયા, અરજી કરવાની છેલ્લી તારીખ સહિતની મહત્વની માહિતી જાણવા માટે ઉમેદવારોએ આ સમાચાર છેલ્લે સુધી વાંચવા.

NTPC ભરતી 2025 અંગેની મહત્વની માહિતી

NTPC ભરતી 2025 એન્જિનિયરિંગ એક્ઝિક્યુટિવ ટ્રેઇની પોસ્ટની વિગતો

શૈક્ષણિક લાયકાત

• માન્ય સંસ્થામાંથી ઓછામાં ઓછા 65 ટકા માર્ક્સ સાથે સંબંધિત વિષયમાં પૂર્ણ સમયની એન્જિનિયરિંગ ડિગ્રી ધરાવતા ઉમેદવારો આ પોસ્ટ્સ માટે અરજી કરી શકે છે.
• ઉમેદવારે એન્જિનિયરિંગ (GATE)-2024માં ગ્રેજ્યુએટ એપ્ટિટ્યુડ ટેસ્ટમાં હાજરી આપી હોવી જોઈએ. પાત્રતા વિશે વિગતો જાણવા માટે આ લેખમાં આપેલું નોટિફિકેશન ચોક્કસ વાંચવું

ઉમેદવારની ઉંમર કેટલી હોવી જોઈએ?

• અરજી માટેની મહત્તમ વય મર્યાદા 27 વર્ષ નક્કી કરવામાં આવી છે.
• ઉંમરની ગણતરી ફેબ્રુઆરી 11, 2025ના રોજ કરવામાં આવશે.
• અનુસૂચિત જાતિ/અનુસૂચિત જનજાતિ/અન્ય પછાત વર્ગ/ભૂતપૂર્વ સૈનિક ઉમેદવારોને નિયમો મુજબ ઉપલી વય મર્યાદામાં છૂટછાટ આપવામાં આવશે.

પસંદગી પ્રક્રિયા

અરજી કરનાર ઉમેદવારોએ એન્જીનિયરિંગ (GATE) 2024 માં ગ્રેજ્યુએટ એપ્ટિટ્યુડ ટેસ્ટ માટે હાજર રહેવું અને લાયક બનવું આવશ્યક છે.
અરજી કરેલ ઉમેદવારોને GATE-2024 માં તેમના પ્રદર્શન અને સંસ્થાની જરૂરિયાતના આધારે દસ્તાવેજ ચકાસણી માટે શોર્ટલિસ્ટ કરવામાં આવશે.

પગાર

પસંદગી પામેલા ઉમેદવારોને પગાર તરીકે ₹ 40,000 આપવામાં આવશે. પસંદગી પામેલા ઉમેદવારોએ એક વર્ષની તાલીમ પૂર્ણ કરવાની રહેશે.

અરજી માટે કેટલી ફી ચૂકવવાની રહેશે?

NTPC ભરતી 2025 ભરતી અંતર્ગત અરજી કરવા માટે સામાન્ય, અન્ય પછાત વર્ગ અને આર્થિક રીતે નબળા વિભાગના ઉમેદવારોએ અરજી ફી તરીકે ₹ 300 ચૂકવવા પડશે. અનુસૂચિત જાતિ/અનુસૂચિત જનજાતિ શ્રેણીના ઉમેદવારોને અરજી ફીની ચુકવણીમાંથી મુક્તિ આપવામાં આવી છે.

ગુજરાતમાં ચાલતી ભરતીઓ અને કરિયર વિશેની વધુ માહિતી જાણવા માટે અહીં વાંચો.

નોટિફિકેશન

અરજી પ્રક્રિયા વિશે જાણો

લાયકાત ધરાવતા ઉમેદવારોએ NTPC EET-2024 માટે વેબસાઇટ career.ntpc.co.in પર ઑનલાઇન અરજી કરવાની અને GATE-2024 નોંધણી નંબર સાથે www/ntpc.co.in પર કારકિર્દી વિભાગની મુલાકાત લેવાની જરૂર છે. ઉમેદવારોએ 13 ફેબ્રુઆરી 2025 સુધીમાં ઓનલાઈન અરજી કરવાની રહેશે.