આજનો ઇતિહાસ 9 ઓગસ્ટ: નાગાસાકી દિવસ, વિશ્વ આદિવાસી દિવસ

Today history 9 August: આજે 9 ઓગસ્ટ 2023 છે. આજની તારીખના ઇતિહાસની વાત કરીયે તો વર્ષ 1945માં આજની તારીખે અમેરિકાએ જાપાનના નાગાસાકી શહેર પર ફેટ મેન નામનો બીજો પરમાણુ બોમ્બ ફેંક્યો હતો. જેની ત્રણ અગાઉ 6 ઓગસ્ટે હિરોશીમા શહેર પર લિટલ બોય નામનો અણુ બોમ્બ ફેંક્યો હતો. આ બંને પરમાણુ હુમલામાં જાપાનમાં લાખો લોકો માર્યા ગયા હતા. આજે વિશ્વ આદિવાસી દિવસ પણ છે. જાણો ઇતિહાસની તવારીખમાં બનેલી આજના દિવસની મહત્વપૂર્ણ ઘટનાઓ વિશે…

9 ઓગસ્ટની મહત્વપૂર્ણ ઘટનાઓ

• 1925 - ભારતમાં ક્રાંતિકારીઓએ અંગ્રેજો વિરુદ્ધ પ્રખ્યાત કાકોરી ઘટનાને અંજામ આપ્યો હતો.
• 1945 - અમેરિકાએ જાપાનના નાગાસાકી પર બીજો અણુ બોમ્બ ફેંક્યો.
• 1971 - ભારત-પાકિસ્તાન મિત્રતા સંધિ પર હસ્તાક્ષર.
• 1999 - રશિયાના રાષ્ટ્રપતિ બોરિસ યેલતસિને વડાપ્રધાન સેરગેઈ સ્ટેપાશિનને બરતરફ કર્યા અને ઇન્ટેલિજન્સ સર્વિસના વડા વ્લાદિમીર પુતિનને સંભાળ રાખનાર વડાપ્રધાન તરીકે નિયુક્ત કર્યા.
• 2000 - ઝિમ્બાબ્વેમાં વ્યાપક વિરોધ છતાં જમીન સુધારણાની પ્રક્રિયા શરૂ થઈ.
• 2002 - પાકિસ્તાનમાં મિશનરી હોસ્પિટલ પર ફિદાયીન હુમલો, પાંચ લોકો માર્યા ગયા. અફઘાનિસ્તાનના જલાલાબાદ શહેરમાં બોમ્બ વિસ્ફોટમાં 50 લોકો માર્યા ગયા.
• 2005 - નાસાનું માનવસહિત અવકાશયાન ડિસ્કવરી તેની 14 દિવસની સાહસિક અને જોખમી મુસાફરી પછી કેલિફોર્નિયાના એરબેઝ પર સુરક્ષિત રીતે ઉતર્યું.
• 2006 - નેપાળ સરકાર અને માઓવાદીઓ વચ્ચે યુએન મોનિટરિંગ મુદ્દે સમજૂતી થઈ.
• 2007 - સ્પેસક્રાફ્ટ એન્ડેવર આંતરરાષ્ટ્રીય અવકાશ સ્ટેશન પર મહત્વપૂર્ણ સમારકામ કાર્યને આગળ ધપાવવા માટે વૈજ્ઞાનિકોની એક ટીમ સાથે તેના અભિયાન પર નીકળ્યું.
• 2008 - ત્રણ જાહેર ક્ષેત્રની કંપનીઓ NTPC, NHPC અને પાવર ફાઇનાન્સ કોર્પોરેશન અને ટાટા કન્સલ્ટન્સીએ રાષ્ટ્રીય સ્તરે પાવર એક્સચેન્જની સ્થાપના અને સંચાલન માટે સંયુક્ત સાહસ રચવા માટેના કરાર પર હસ્તાક્ષર કર્યા.
• 2010 - બંગાળે પંજાબને 2-1થી હરાવીને 11 વર્ષ પછી સંતોષ ટ્રોફી રાષ્ટ્રીય ફૂટબોલ સ્પર્ધા જીતી.
• 2012 - ભારતીય સેનાએ પરમાણુ હુમલામાં સક્ષમ અગ્નિ-2 બેલેસ્ટિક મિસાઈલનું સફળ પરીક્ષણ કર્યું.

આ પણ વાંચો | 8 ઓગસ્ટનો ઇતિહાસ : ગાંધીજી દ્વારા ભારત છોડો આંદોલનનું આહ્વાન

નાગાસાકી દિવસ (Nagasaki Day)

નાગાસાકી દિવસ (Nagasaki Day) 9 ઓગસ્ટના રોજ ઉજવાય છે. બીજી વિશ્વ યુદ્ધ દરમિયાન વર્ષ 1945માં 9 ઓગસ્ટના રોજ દક્ષિણ જાપાનના નાગાસાકીના બંદર શહેર પર અમેરિકા દ્વારા 11 વાગે 1 મિનિટે 6.4 કિ.ગ્રા. પ્લુટોનિયમ-239 ધરાવતો 'ફેટ મેન' નામનો પરમાણુ બોમ્બ ફેંકવામાં આવ્યો હતો. આ અગાઉ પહેલા 6 ઓગસ્ટના રોજ અમેરિકાએ જાપાનના હિરોશિમા શહેર પર 'લિટલ બોય' નામનો ન્યુક્લિયર બોમ્બ ફેંકવામાં આવ્યો હતો. આનાથી લગભગ એક લાખ ચાલીસ હજાર લોકો માર્યા ગયા હતા.

વર્ષ 1945માં 9 ઓગસ્ટના રોજ અમેરિકાએ જ્યારે જાપાનના નાગાસાકી શહેર પર પરમાણુ બોમ્બ ફેંક્યો હતો, ત્યારે તે જમીનથી 1,540 ફૂટની ઊંચાઈએ 43 સેકન્ડ પછી વિસ્ફોટ થયો અને 21 કિલો ટન ટી.એન.ટી જેટલો વિસ્ફોટ થયો હતો. આ પરમાણુ હુમલામાં નાગાસાકીમાં 3,900 ડિગ્રી સેલ્સિયસ ગરમી ઉત્પન્ન થઈ અને 1005ની ઝડપે પવન ફૂંકાયો હતો. નાગાસાકી પર થયેલા પરમાણુ હુમલામાં તે સમયે લગભગ 40,000 થી 75,000 લોકોના મોત થયા હોવાનો અંદાજ છે. 1945ના અંત સુધીમાં આ આંકડો 80,000 સુધી પહોંચી ગયો.

આ પણ વાંચો | 7 ઓગસ્ટનો ઇતિહાસ : નેશનલ હેન્ડલૂમ દિવસ, જ્વેલિન થ્રો ડે – નીરજ ચોપરાએ ગોલ્ડ મેડલ જીત્યો

વિશ્વ આદિવાસી દિવસ (International Day of the World's Indigenous)

વિશ્વ આદિવાસી દિવસ આદિવાસી લોકોના સન્માનમાં ઉજવવામાં આવે છે. આદિવાસી શબ્દ 'આદિ' અને 'વાસી' બે શબ્દોથી બનેલો છે અને તેનો અર્થ મૂળ છે. આદિવાસી એ એબોરિજિનલ (એબોરિજિનલ) શબ્દનો અનુવાદ છે જેનો ઉપયોગ – “ભૌગોલિક વિસ્તારના રહેવાસીઓ માટે કરાયા છે, કે જેઓ તે ભૌગોલિક વિસ્તાર સાથે જૂનો સંબંધ ધરાવે છે. એટલે કે, એવું કહેવાય છે કે આદિવાસીઓ જે-તે દેશના મૂળ રહેવાસીઓ છે. 1993માં યુનાઈટેડ નેશન્સે 9 ઓગસ્ટને વિશ્વ આદિવાસી દિવસ તરીકે જાહેર કર્યો હતો. આદિવાસી ભારતીય ઉપખંડમાં વસતી વિવિધ જાતિઓનો ઉલ્લેખ કરે છે. ડિસેમ્બર 1994માં પ્રથમ વખત સંયુક્ત રાષ્ટ્ર મહાસભાએ 'વિશ્વ આદિવાસી દિવસ' ઉજવવાની જાહેરાત કરી હતી. તેનો હેતુ આદિવાસીઓના અધિકારોનું જતન-રક્ષણ કરવાનો છે. જેમાં જળ, જંગલ, જમીનનો સમાવેશ થાય છે. આ ત્રણ બાબતોને પ્રોત્સાહન આપવા ઉપરાંત તેમની સામાજિક, આર્થિક અને ન્યાયિક સુરક્ષામાં તેમને સશક્ત બનાવવાના હેતુથી પણ આદિવાસી દિવસની ઉજવણી કરવામાં આવે છે.

આ પણ વાંચો |  6 ઓગસ્ટનો ઇતિહાસ : હિરોશીમા દિવસ – અમેરિકાએ જાપાનના હિરોશીમા પર લીટલ બોમ્બ ફેંક્યો

પ્રખ્યાત વ્યક્તિઓની જન્મજયંતિ

• લોર્ડ લિટન દ્વિતીય (1876) - તે બંગાળ (વર્ષ 1922 થી 1927) અને મંચુરિયાના બ્રિટિશ ગવર્નર હતા.
• રંગનાથન, એસ. આર (1892) - જાણીતા ગ્રંથપાલ અને શિક્ષણશાસ્ત્રી.
• શિવપૂજન સહાય (1893) - નવલકથાકાર.
• ગંગાધર મેહરે (1862) - ઉડિયા ભાષાના પ્રખ્યાત કવિ હતા.
• વિનાયક કૃષ્ણ ગોકાક (1909) - 'જ્ઞાનપીઠ એવોર્ડ'થી સન્માનિત કન્નડ ભાષાના અગ્રણી લેખક.
• હિતેન્દ્ર દેસાઈ (1915) - ભારતીય રાષ્ટ્રીય કોંગ્રેસના રાજકારણી અને ગુજરાતના ત્રીજા મુખ્યમંત્રી હતા.
• એમએમ જેકબ (1926) - ભારતીય રાષ્ટ્રીય કોંગ્રેસના રાજકારણી હતા.
• અભિમન્યુ અનત (1937) - હિન્દી સાહિત્યકાર.
• મહેશ બાબુ (1974) - ભારતીય ફિલ્મ અભિનેતા.
• હંસિકા મોટવાણી (1991) - ભારતીય અભિનેત્રી.
• અશોક દીવાન (1954) - ભૂતપૂર્વ ભારતીય હોકી ખેલાડી.
• મનોહર શ્યામ જોશી (1933) - પ્રખ્યાત ગદ્ય લેખક, નવલકથાકાર, વ્યંગકાર, આધુનિક હિન્દી સાહિત્યના પત્રકાર.

આ પણ વાંચો | 5 ઓગસ્ટનો ઇતિહાસ : જમ્મુ-કાશ્મીરમાંથી કલમ-370 નાબૂદ કરવાની ચોથી વર્ષગાંઠ

પ્રખ્યાત વ્યક્તિઓની પૃણ્યતિથિ

• કાલિખો પુલ (2016) - અરુણાચલ પ્રદેશના ભૂતપૂર્વ મુખ્યમંત્રી હતા.
• રામકિંકર ઉપાધ્યાય (2002) - પ્રખ્યાત વાર્તાકાર અને હિન્દી લેખક.

આ પણ વાંચો |  4 ઓગસ્ટનો ઇતિહાસ : સિંગલ વર્કિંગ વુમન્સ દિવસ, બરાક ઓબામાનો જન્મદિન