UPSC Calendar 2026 | યુનિયન પબ્લિક સર્વિસ કમિશને 2026 માટે કેલેન્ડર જાહેર કર્યું, જાણો પરીક્ષાની તારીખો

UPSC Calendar 2026, UPSC કેલેન્ડર 2026: યુનિયન પબ્લિક સર્વિસ કમિશને બુધવારે (14 મે, 2025) આ વર્ષે યોજાનારી સિવિલ સર્વિસીસ પરીક્ષા (CSE) ના પ્રિલિમ્સ માટે પ્રવેશ કાર્ડ જાહેર કર્યા હતા. આના એક દિવસ પછી, કમિશને વર્ષ 2026 માટે તેનું વાર્ષિક પરીક્ષા કેલેન્ડર બહાર પાડ્યું છે. આ UPSC પરીક્ષા કેલેન્ડરમાં સિવિલ સર્વિસીસ (પ્રિલિમ્સ અને મેન્સ), NDA અને NA, CDS, એન્જિનિયરિંગ સર્વિસીસ અને અન્ય સમાન ભરતી પરીક્ષાઓની પરીક્ષાઓની તારીખો સૂચિબદ્ધ છે.

2026 માં CSE પ્રિલિમ્સ અને મેન્સ પરીક્ષા ક્યારે યોજાશે?

UPSC 2026 કેલેન્ડરમાં સૌથી પ્રખ્યાત સિવિલ સર્વિસીસ (પ્રિલિમ્સ) પરીક્ષા 24 મે, 2026 (રવિવાર) ના રોજ યોજાશે. આ પરીક્ષા માટે સત્તાવાર સૂચના 14 જાન્યુઆરી,2026 ના રોજ બહાર પાડવામાં આવશે અને અરજી પ્રક્રિયા પણ તે જ તારીખથી શરૂ થશે. ઉમેદવારો 3 ફેબ્રુઆરી 2026 સુધી અરજીઓ સબમિટ કરી શકે છે. પ્રિલિમ્સ પાસ કરનારા ઉમેદવારો મેઇન્સમાં હાજર રહેશે અને CSE મેઇન્સની પરીક્ષા 21 ઓગસ્ટ 2026, શુક્રવારના રોજ યોજાશે.

અન્ય પરીક્ષાઓ અને ભરતી માટેની મહત્વપૂર્ણ તારીખો

કમિશનના આ કેલેન્ડર મુજબ, 2026 માં PSC NDA-I અને CDS-I ભરતી માટેની સૂચના 10 ડિસેમ્બર 2025 ના રોજ જ આવશે. સૂચના બહાર પડતાની સાથે જ અરજી પ્રક્રિયા શરૂ થશે. તેની બંને લેખિત પરીક્ષાઓ ૧૨ એપ્રિલ ૨૦૨૬ ના રોજ લેવામાં આવશે.

તે જ સમયે, એન્જિનિયરિંગ સર્વિસીસ પ્રિલિમ્સ પરીક્ષા 2026 માટે સૂચના 17 સપ્ટેમ્બર 2025 ના રોજ આવશે. અરજી પ્રક્રિયા આ તારીખથી શરૂ થશે અને 7 ઓક્ટોબર 2025 સુધી ચાલુ રહેશે. તેની પરીક્ષા 8 ફેબ્રુઆરી 2026 ના રોજ લેવામાં આવશે.

CBI (DSP) LDCE ની સૂચના 24 ડિસેમ્બર 2025 ના રોજ આવશે. તમે આ પરીક્ષા માટે 13 જાન્યુઆરી 2026 સુધી અરજી કરી શકો છો અને તેની પરીક્ષા 28 ફેબ્રુઆરી 2026 ના રોજ યોજાશે.

NDA અને NA 1 પરીક્ષા 2026 માટેનું નોટિફિકેશન 10 ડિસેમ્બર 2025 ના રોજ બહાર પાડવામાં આવશે. અરજી પ્રક્રિયા 30 ડિસેમ્બર 2025 સુધી ચાલુ રહેશે. તેની પરીક્ષા 12 એપ્રિલ 2026 ના રોજ લેવામાં આવશે.

ગુજરાતમાં ચાલતી વિવિધ ભરતીઓ અને કરિયર સંબંધી સમાચાર વિશે વધુ વાંચવા માટે અહીં ક્લિક કરો

યુનિયન પબ્લિક સર્વિસ કમિશન દર વર્ષે આ પરીક્ષાઓનું આયોજન કરે છે

• સિવિલ સર્વિસ પરીક્ષા
• એન્જિનિયરિંગ સેવા પરીક્ષા
• ભારતીય વન સેવા પરીક્ષા
• એનડીએ પરીક્ષા
• સીડીએસ પરીક્ષા
• CAPF પરીક્ષાઓ
• સીએમએસ પરીક્ષા
• સીઆઈએસએફ પરીક્ષા
• સંયુક્ત ભૂ-વૈજ્ઞાનિક પરીક્ષા
• ભારતીય આર્થિક સેવા/ભારતીય આંકડાકીય સેવા પરીક્ષા