Chandra Grahan 2026: હોલિકા દહનના દિવસે થશે પૂર્ણ ચંદ્રગ્રહણ, આ 3 રાશિઓના લોકો માટે રહેશે લાભદાયી

Chandra Grahan 2026 Astrology, Lucky zodiac signs: 2026નું પહેલું ચંદ્રગ્રહણ 3 માર્ચે થશે, અને ખાસ વાત એ છે કે હોલિકા દહન પણ એ જ દિવસે થશે. આ પૂર્ણ ચંદ્રગ્રહણ હશે. ગ્રહણ બપોરે 3:21 થી 6:46 વાગ્યા સુધી શરૂ થશે. જોકે, ઉપછાયા ચંદ્રગ્રહણ બપોરે 2:16 વાગ્યે શરૂ થશે.

આ ખગોળીય ઘટના ભારત સહિત અનેક દેશોમાં દેખાશે. પૂર્વીય એશિયા, દક્ષિણ-પૂર્વ એશિયા, ઓસ્ટ્રેલિયા, પ્રશાંત મહાસાગર ક્ષેત્ર અને અમેરિકાના કેટલાક ભાગોમાં જોવા મળશે.

ભારતના મોટાભાગના ભાગોમાં આંશિક ચંદ્રગ્રહણ દેખાશે, જ્યારે પશ્ચિમી પ્રદેશોમાં ઉપછાયા ચંદ્રગ્રહણ દેખાઈ શકે છે. જ્યોતિષીય માન્યતાઓ અનુસાર, આ ગ્રહણ બધી રાશિઓને અસર કરશે, પરંતુ આ સમય ત્રણ રાશિઓ માટે ખાસ કરીને શુભ સંકેતો ધરાવે છે.

વૃષભ રાશિ

વૃષભ રાશિ માટે આ ચંદ્રગ્રહણ નાણાકીય રાહત લાવી શકે છે. લાંબા સમયથી વિલંબિત ચુકવણીઓ અથવા ફસાયેલા ભંડોળ પરત મળી શકે છે. વ્યાવસાયિકોને નવી જવાબદારીઓ અથવા પ્રમોશન મળવાની શક્યતા છે. ઉદ્યોગપતિઓને નવા ગ્રાહકો અથવા મોટા ઓર્ડર મળી શકે છે. 

રોકાણ નફાકારક રહેશે, પરંતુ સમજદારીપૂર્વક નિર્ણયો લેવાનું ભૂલશો નહીં. પરિવારમાં ખુશીની લાગણી રહેશે, અને કેટલાક સારા સમાચાર મળી શકે છે. માનસિક તણાવ ઓછો થશે, અને આત્મવિશ્વાસ વધશે.

સિંહ રાશિ

સિંહ રાશિના જાતકો માટે આ સમય પ્રગતિ માટે નવા રસ્તા ખોલી શકે છે. કારકિર્દીમાં પરિવર્તન અથવા નવી નોકરીની ઓફર શક્ય છે. પ્રમોશનની તકો પણ ઉભરી રહી છે. સમાજમાં પ્રતિષ્ઠા અને આદર વધશે. સરકારી અથવા વહીવટી બાબતોમાં સફળતા શક્ય છે. 

આવકના નવા સ્ત્રોત બનશે, અને અણધાર્યા નાણાકીય લાભ પણ સૂચવવામાં આવી રહ્યા છે. વિદેશ યાત્રા અથવા વિદેશ સંબંધિત પ્રોજેક્ટ્સમાં સફળતા મળી શકે છે. સંબંધો મધુર બનશે, અને વૈવાહિક જીવન મજબૂત બનશે.

ધન રાશિ

ધન રાશિના જાતકો માટે આ ગ્રહણ નોંધપાત્ર પરિવર્તન લાવી શકે છે. વ્યવસાયમાં વિસ્તરણની શક્યતા છે અને ભાગીદારીથી નફો મળી શકે છે. નોકરિયાત લોકોને બોશ અને ઉપરી અધિકારીઓનો સહિયોગ મળશે. રોકાણમાં ફાયદો થઈ શકે છે. 

આ પણ વાંચોઃ- Chandra Grahan 2026: ચંદ્રગ્રહણના દિવસે જરૂરથી કરો આ 5 વસ્તુઓનું દાન, ચંદ્ર દોષથી મળશે મુક્તિ

પારિવારિક જીવન સુખદ રહેશે. ઘરમાં કોઈ શુભ કાર્ય થઈ શકે છે. પ્રેમ સંબંધ મજબૂત થશે. અવિવાહિત લોકો માટે સંબંધની વાતો આગળ વધી શકે છે. યાત્રાના યોગ બની રહ્યો છે જે ભવિષ્યમાં લાભદાયક સાબિત થઈ શકે છે.