ઈદ કા ચાંદ ખુશિયાં લાયે : ઈદ ઉલ ફિત્ર પર ખાસ મેસેજ મોકલી પ્રિયજનોને કહો ઈદ મુબારક

Eid Ul Fitr 2024 Wishes, Messages and Facebook Status : ઈદ ઉલ ફિત્રનો તહેવાર મુસ્લિમ સમુદાયના લોકો માટે ખૂબ જ પવિત્ર અને ખાસ છે. તેને મીઠી ઈદ અથવા રમઝાન ઈદ તરીકે પણ ઓળખવામાં આવે છે. હકીકતમાં ઈસ્લામીક કેલેન્ડરના નવમા મહિનામાં લોકો અલ્લાહના નામે રોજા એટલે કે ઉપવાસ રાખે છે. 29 કે 30 રોજા રાખ્યા બાદ છેલ્લા દિવસે ઈફતારી પછી ચાંદ જોવા મળે છે અને બીજા દિવસે દસમાં મહિનાની પહેલી તારીખ એટલે કે શવ્વાલ પર ઈદનો તહેવાર મનાવવામાં આવે છે.

રમઝાન મહિનાના છેલ્લા દિવસે રાત્રે ચાંદ જોવા મળે તેના પછીના દિવસ ઈદ ઉલ ફિત્ર ઉજવાય છે. ઈદનો ચાંદ દેખાતા મુસ્લિમ બિરાદરો એક બીજાને ભેટી ઈદ મુબારક શુભેચ્છા પાઠવે છે.

આજનો સમય ટેકનોલોજીનો છે અને સમયની સાથે ઈદ મુબારક પાઠવવાની રીત પણ બદલાઇ છે. વર્તમાનમાં લોકો એક બીજાને ફોન પર મેસેજ મોકલીને પોતાની શુભેચ્છા પાઠવે છે.

અહીં તમારી સમક્ષ અમુક ખાસ ઈદ મુબારક અને ઈદ ઉલ ફિત્ર મુબારકના ખાસ ઈમેજ મેસેજ રજૂ કર્યા છે. આ ઈમેજ ફોટા તમારા પરિવારજનો, સંગા-સંબંધીઓ, મિત્રો અને પ્રિયજનોને વોટ્સઅપ મેસેજ કરી ઈદનો તહેવાર ખાસ બનાવી શકો છો.

રમઝાન માસની ઈદને મીઠી ઈદ કહેવામાં આવે છે. આ ઈદ પર સેવઇયા અને ખીર કુરમા ખાવાનું ખાસ મહત્વ હોય છે. મીઠી ઈદ પર ઘરે આવનાર મહેમાનો સેવઇયા કે ખીર કુરમા ખવડાવી મોં મીઠું કરાવવામાં આવે છે.

આ પણ વાંચો | ઇદ પર મહેમાનોને પીવડાવો શરબત એ બહાર, ગરમીથી બચાવશે, જાણો રેસિપિ

ઈદ પર્વ પર મુસ્લિમ ધર્મના લોકો ઉત્સાહ પૂર્વ ઉજવણી કરે છે. ઈદના દિવસે ઘરે ઘરે મીઠી ખીર તેમજ વિવિધ પ્રકારના વ્યંજન અને મીઠાઈઓ બનાવવામાં આવે છે અને લોકો સાથે બેસીને આ વાનગીઓનો આનંદ માણે છે. આ સાથે જ બાળકોથી લઈને વૃદ્ધો સુધી બધા એકબીજાને ગળે મળી આ ખાસ તહેવારને અભિનંદન પાઠવે છે.