Ganesh Chaturthi vastu tips : ગણપતિ બાપ્પાની સ્થાપના પહેલા આ વાસ્તુ નિયમોનું રાખો ધ્યાન, થઈ શકે છે નુકસાન

Ganesh Chaturthi vastu Niyam : હિંદુ ધર્મમાં ગણેશ ચતુર્થીનો તહેવાર ખૂબ જ મહત્વપૂર્ણ માનવામાં આવે છે. વૈદિક કેલેન્ડર મુજબ દર વર્ષે ભાદરવા મહિનાના સુદ પક્ષની ચતુર્થીના દિવસે દેશભરમાં આ તહેવાર ખૂબ જ ઉત્સાહ અને ભક્તિ સાથે ઉજવવામાં આવે છે. ધાર્મિક માન્યતાઓ અનુસાર, ભગવાન ગણેશનો જન્મ આ દિવસે થયો હતો. આ વર્ષે આ તહેવાર 27 ઓગસ્ટથી શરૂ થઈ રહ્યો છે અને આ દિવસે ગણેશજીની સ્થાપના કરવામાં આવશે.

આ દિવસે ભક્તો ગણપતિ બાપ્પાની મૂર્તિ પોતાના ઘરે લાવે છે અને તેની વિધિવત પૂજા કરે છે. જોકે, ગણપતિ બાપ્પાની મૂર્તિ લાવતી વખતે તમારે કેટલીક ખાસ બાબતોનું ધ્યાન રાખવું જોઈએ. વાસ્તુ શાસ્ત્ર અનુસાર આમ કરવાથી ઘરમાં સુખ-સમૃદ્ધિ રહે છે અને જીવનમાં સૌભાગ્ય આવે છે. તો ચાલો ગણેશ મૂર્તિ સ્થાપિત કરતા પહેલા મૂર્તિ સંબંધિત આ વાસ્તુ નિયમો વિશે જાણીએ.

ગણપતિ બાપ્પાની મૂર્તિ લાવતી વખતે આ વાતનું ધ્યાન રાખો

જો તમે આ ગણેશ ચતુર્થીએ તમારા ઘરે ગણપતિ બાપ્પાની મૂર્તિ લાવવાનું વિચારી રહ્યા છો, તો વાસ્તુના નિયમોનું ધ્યાન રાખો. એવું માનવામાં આવે છે કે ઘરમાં હંમેશા એવી મૂર્તિ લાવવી જોઈએ જે ન તો ખૂબ નાની હોય અને ન તો ખૂબ મોટી. એટલે કે મધ્યમ કદની મૂર્તિ લાવવી જોઈએ, કારણ કે આવી મૂર્તિ સૌથી શુભ માનવામાં આવે છે. સામાન્ય રીતે પંડાલોમાં મોટા કદની મૂર્તિઓ સ્થાપિત કરવામાં આવે છે.

ગણેશજીના સૂંઢની દિશા ધ્યાનમાં રાખો

વાસ્તુશાસ્ત્ર અનુસાર ગણેશજીની મૂર્તિ પસંદ કરતી વખતે, તેમની સૂઢની દિશાનું ખાસ ધ્યાન રાખો. એવું માનવામાં આવે છે કે ઘરમાં વાંવર્તીની મૂર્તિ રાખવી સૌથી શુભ છે, એટલે કે એવી મૂર્તિ જેમાં ગણેશજીની સૂઢ ડાબી બાજુ હોય. આવી મૂર્તિ ઘરમાં સફળતા અને સમૃદ્ધિ લાવે છે.

ભગવાન ગણેશની મુદ્રા

વાસ્તુ અનુસાર ઘરે બેઠેલી ગણેશજીની મૂર્તિ લાવવી સૌથી શુભ માનવામાં આવે છે. આનાથી ઘરમાં સુખ, સમૃદ્ધિ, સુખાકારી અને આશીર્વાદ રહે છે. જ્યારે, પંડાલો કે જાહેર સ્થળોએ, ઉભી કે નૃત્ય કરતી મૂર્તિઓ લાવવી જોઈએ.

ભગવાન ગણેશની મૂર્તિમાં મોદક અને ઉંદર હોવો જોઈએ

મોદક ગણેશને ખૂબ પ્રિય છે અને તેમનું વાહન ઉંદર માનવામાં આવે છે. તેથી, ગણપતિ બાપ્પાની મૂર્તિ લાવતી વખતે, ખાસ ધ્યાન રાખો કે મૂર્તિ સાથે મોદક અને ઉંદર પણ શામેલ હોય. વાસ્તુમાં, આવી મૂર્તિ ખૂબ જ શુભ અને લાભદાયી માનવામાં આવે છે.

મૂર્તિના રંગોનું ધ્યાન રાખો

ભગવાન ગણેશની મૂર્તિ ઘરે લાવતી વખતે, તેના રંગનું ખાસ ધ્યાન રાખો. વાસ્તુ અનુસાર, ઘરમાં સફેદ રંગની મૂર્તિ રાખવી સૌથી શુભ માનવામાં આવે છે. આ ઉપરાંત સિંદૂર રંગની મૂર્તિ પણ રાખી શકાય છે.

આ પણ વાંચોઃ- 500 વર્ષ બાદ ગણેશ ચતુર્થી પર બનશે 5 દુર્લભ સંયોગ, આ રાશિના લોકોના શરુ થશે સારા દિવસો, કરિયરમાં પ્રગતિ, ધનલાભનો યોગ

ડિસ્ક્લેમર

આ માહિતી જ્યોતિષીઓ, પંચાંગ, માન્યતાઓ અથવા ધાર્મિક ગ્રંથો જેવા વિવિધ માધ્યમોમાંથી એકત્રિત કરીને તમારા સુધી પહોંચાડવામાં આવી છે. અમારો ઉદ્દેશ્ય ફક્ત માહિતી પહોંચાડવાનો છે.કોઈપણ રીતે તેનો ઉપયોગ કરતા પહેલા, કૃપા કરીને સંબંધિત નિષ્ણાતની સલાહ લો.