Hanuman Jayanti 2024 Date : હિન્દુ પંચાંગ અનુસાર શ્રી રામના પરમ ભક્ત હનુમાનજીનો જન્મ ચૈત્રી પૂર્ણિમાના દિવસે થયો હતો. આ કારણે દર વર્ષે આ દિવસને હનુમાન જયંતિ તરીકે ઉજવવામાં આવે છે. શાસ્ત્રો અનુસાર હનુમાનજીનો જન્મ ચૈત્રી પૂર્ણિમાના દિવસે વાનરરાજ કેસરી અને માતા અંજનાના ઘરમાં થયો હતો. આ દિવસે હનુમાનજીની વિધિવત પૂજા કરવાથી વ્યક્તિને દરેક દુઃખ અને પીડામાંથી મુક્તિ મળે છે અને સુખ-સમૃદ્ધિ પ્રાપ્ત થાય છે. આવો જાણીએ હનુમાન જયંતીનો શુભ સમય, મંત્ર અને મહત્વ.
હનુમાન જયંતિ 2024 તારીખ અને શુભ સમય
ચૈત્ર પૂર્ણિમા તિથિ પ્રારંભ – 23 એપ્રિલને સવારે 3: 25 મિનિટથી થાય છે.
ચૈત્ર પૂર્ણિમા તિથિ સમાપ્ત – 24 એપ્રિલે સવારે 5:18 મિનિટ સુધી.
હનુમાન જયંતિ તિથિ – 23 એપ્રિલ, મંગળવાર
હનુમાન જયંતિ પૂજા શુભ મુહૂર્ત
પૂજા મુહૂર્ત – 23 એપ્રિલના રોજ સવારે 9.03થી 10.41 વાગ્યા સુધી રહેશે.બ્રહ્મ મુહૂર્ત – 23 એપ્રિલ સવારે 4:20 થી સાંજે 5:04 વાગ્યા સુધી.અભિજીત મુહૂર્ત – સવારે 11:53 થી બપોરે 12:46 સુધી.
આ પણ વાંચો – ચૈત્રી નવરાત્રી શુભ સંકેત, દુર્ગા માતા પ્રશન્ન થયા છે કે નહીં? આ પાંચ વસ્તુથી નક્કી કરો
હનુમાન જયંતિ 2024 પર વિશેષ સંયોગ
આ વર્ષે હનુમાન જયંતિ મંગળવારે આવે છે. આવી સ્થિતિમાં આ જયંતિમાં પૂજા કરવાથી અનેક ગણું વધારે ફળ પ્રાપ્ત થશે. આ સાથે સવારથી લઇને રાતના 10.32 વાગ્યા સુધી ચિત્રા નક્ષત્ર રહેશે.
હનુમાન જયંતિ 2024 મહત્વ
હિંદુ ધર્મમાં હનુમાન જયંતિનું વિશેષ મહત્વ છે. આ તહેવારને શક્તિ, ભક્તિ અને નિષ્ઠાનું પ્રતિક માનવામાં આવે છે. આ દિવસે હનુમાનજીની વિધિવત પૂજા કરવાથી વ્યક્તિને દરેક પ્રકારના અવરોધોમાંથી મુક્તિ મળે છે અને સુખ-સમૃદ્ધિ પ્રાપ્ત થાય છે. આ સાથે જ ભગવાન શ્રી રામ પણ પ્રસન્ન થાય છે.
એવું કહેવાય છે કે ભગવાન હનુમાનનો જન્મ સૂર્યોદય સમયે થયો હતો આ કારણે બ્રહ્મ મુહૂર્તમાં ઉઠીને તમામ કાર્ય, સ્નાન વગેરે કર્યા પછી હનુમાનજીની વિધિવત પૂજા કરવામાં આવે છે. આ સાથે આ દિવસે હનુમાન ચાલીસા, મંત્ર વગેરે વાંચવાથી હનુમાનજીની કૃપા રહે છે.
