Janmashtami 2024: ભગવાન શ્રીકૃષ્ણનો જન્મ દિવસ આવી રહ્યો છે. આ વખતે જન્માષ્ટમી 26 ઓગસ્ટના રોજ ઉજવવામાં આવશે. આ દિવસે ભગવાન શ્રીકૃષ્ણને અનેક પ્રકારના પકવાન ધરાવવામાં આવે છે. આમાંથી એક 56 ભોગ છે. એટલે કે એક એવી થાળી જેમાં 56 પ્રકારના ભોગ હોય છે. જોકે તેમાં શું-શું આવે છે. જેમાં કયા 4 પ્રકારના રસથી જોડાયેલી વસ્તુઓનો સમાવેશ કરાય છે. આવો આ વિશે વિગતવાર જાણો.
છપ્પન ભોગનો અર્થ શું છે?
છપ્પન ભોગ પાછળની કહાની એ છે કે માતા યશોદા પોતાના કાન્હાને 7 દિવસ 8 પ્રહર જુદી જુદી વાનગીઓ ખવડાવતા હતા. એટલે કે કુલ મળીને 56 ભોગ થયા એટલે તેને છપ્પન ભોગ ચડાવવામાં આવે છે.
કૃષ્ણ માટે છપ્પન ભોગ એ 56 પ્રસાદ વસ્તુઓનું મિશ્રણ છે જે તેમને જન્માષ્ટમી પર ચડાવવામાં આવે છે. આ ભોગ ભગવાન પ્રત્યે ભાવનાઓ અને પ્રેમથી બનાવવામાં આવે છે અને તેમાં 56 વાનગીઓ છે જેમાં ભગવાન શ્રીકૃષ્ણની બધી મનપસંદ વાનગીઓ સામેલ છે.
આ પણ વાંચો – Janmashtami 2024: તહેવારોની સિઝન શરુ, જાણો ક્યારે છે બોળચોથ, નાગપાંચમ, રાંધણ છઠ્ઠ અને શીતળા સાતમ
આ ભોગ શુદ્ધ અને દૂધની બનાવટોથી શરૂ થાય છે જે ભગવાન શ્રીકૃષ્ણના બાળપણ સાથે સંકળાયેલી છે. આ છપ્પન ભોગ માત્ર ભોજન અને સ્વાદ વિશે નથી પરંતુ આ આધ્યાત્મિકતા અને ભક્તિનો સંપૂર્ણ અનુભવ છે જે આપણને ઈશ્વર સાથે જોડે છે.
56 ભોગમાં કઇ-કઇ વાનગીઓ હોય છે
- મીઠાઈ: ખીર, રબડી, રસગુલ્લા, મુંગ દાળનો હલવો, જીરા લાડુ, જલેબી, મોહનથાળ, ઘેવર, પેડા.
- ફ્રૂટ : કેરી, કેળા, દ્રાક્ષ, પ્લમ્સ,સફરજન, આલુ બુખારા.
- પીણાં : બદામનું દૂધ, નાળિયેરનું પાણી, લસ્સી.
- સ્વાદિષ્ટ વાનગીઓ: સાગ, કઢી, પકોડા, ચોખા, દહીં, પાપડ, ચીલા, ખિચડી, રીંગણની સબ્જી, ટિક્કી, પુરી, મીઠા ચોખા, ભુજિયા.
- ડ્રાય ફ્રૂટ્સ: બદામ, કાજુ, ઇલાયચી, પિસ્તા.
- અથાણાં અને નમકીન : શક્કર પારા, ચટણી, મુરબ્બો, વરિયાળી, પાન, સોપારી.
- ડેરી ઉત્પાદન: ઘી, માખણ અને મિસરી, લોંગપુરી, સુરમા, ખજલા, ઘેવર, માલપુઆ, જલેબી, મેસુ, રસગુલ્લા.
આ રીતે લોકો આ બધી વાનગીઓ બનાવીને ભગવાન શ્રીકૃષ્ણને 56 ભોગ અર્પણ કરે છે.
