Ram Mandir Pran Pratishtha Ceremony : અયોધ્યા રામ મંદિર પ્રાણ પ્રતિષ્ઠા મહોત્સવ, અહીં વાંચો A to Z માહિતી

Ram Mandir Pran Pratishtha Ceremony Details : અયોધ્યામાં રામલલાના ભવ્ય મંદિરનું નિર્માણ કાર્ય ઝડપથી પૂરું કરવામાં આવી રહ્યું છે. 22 જાન્યુઆરી 2024ના શુભ મુહૂર્તમાં રામલલાની પ્રાણ પ્રતિષ્ઠા સમારોહ કરવામાં આવશે. આ પ્રાણ પ્રતિષ્ઠા કાર્યક્રમમાં વડાપ્રધાન નરેન્દ્ર મોદી સહિત દેશભરમાં 4000થી વધારે સંત શામેલ થશે. શ્રીરામ જન્મભૂમિ તીર્થ ક્ષેત્ર ટ્રસ્ટ તરફથી મહેમાનોને વિશેષ આમંત્રણ પત્ર મોકલવામાં આવી રહ્યા છે.

આટલી મોટી સંખ્યામાં લોકો ક્યાં રહેશે?

શ્રી રામ જન્મભૂમિ ટ્રસ્ટના જનરલ સેક્રેટરી ચંપત રાયે કહ્યું કે જો 10,000-15,000 લોકો રાત્રે રહેવા માંગે છે, તો તેમને આશ્રય ક્યાં મળશે? તેમને ખોરાક અને પાણી ક્યાંથી મળશે? આ હેતુ માટે ટ્રસ્ટ એક નવું ટીન-શેડ શહેર સ્થાપિત કરી રહ્યું છે જે ઓછામાં ઓછું ફેબ્રુઆરીના અંત સુધીમાં તૈયાર થઈ જશે. આ કામ માટે દેશભરમાંથી વિહિપ અને આરએસએસના અનુભવી કાર્યકર્તાઓને બોલાવવામાં આવી રહ્યા છે. દરેક વ્યક્તિ પોતાની ફરજ બજાવી રહ્યા છે.

મહેમાનોને 21 જાન્યુઆરી પહેલા અયોધ્યા પહોંચાવનો આગ્રહ

આમંત્રણ પત્રમાં લખવામાં આવ્યું છે કે તમને જાણ કરવામાં આવે છે કે લાંબા સંઘર્ષ પછી શ્રીરામ જન્મભૂમિ પર મંદિર નિર્માણ કાર્ય પ્રગતિ પર છે. પૌષ, શુક્લ દ્વાદશી, વિક્રમ સંવત 2080 સોમવાર, 22 જાન્યુઆરી 2024, ગર્ભગૃહમાં રામલલાને નૂતન વિગ્રહની પ્રાણ પ્રતિષ્ઠા કરવામાં આવશે. અમારી પ્રબલ ઇચ્છા છે કે તમે પુનિત અવસર પર અયોધ્યામાં ઉપસ્થિત રહીને પ્રાણ પ્રતિષ્ઠાના સાક્ષી બનો અને મહાન ઐતિહાસિક દિવસની ગરિમા વધારો.

પત્રમાં લખ્યું છે કે નિવેદન છે કે 21 જાન્યુઆરી પહેલા અયોધ્યા પધારવાની યોજના બનાવો. જેટલા વહેલા અયોધ્યા આવશો એટલી જ તમને સુવિધા રહેશે. વિલંબથી આવવા પર મુશ્કેલીઓનો સામનો કરવો પડી શકે છે. 23 જાન્યુઆરી 2024 પછી પરત જવાની યોજના બનાવો.

ત્રણ પાંચ ફૂટની મૂર્તિઓમાંથી એકને ગર્ભગૃહમાં ‘અચલ મૂર્તિ’ તરીકે રાખવામાં આવશે

રામ લલ્લાની હાલની ‘ચલમૂર્તિ’ પ્રાણ પ્રતિષ્ઠા કાર્યક્રમના દિવસે પવિત્ર સ્થાન પર રાખવામાં આવશે જ્યારે હાલમાં બનાવવામાં આવી રહેલી ત્રણ પાંચ ફૂટની મૂર્તિઓમાંથી એકને ગર્ભગૃહમાં ‘અચલ મૂર્તિ’ તરીકે રાખવામાં આવશે. અહેવાલ મુજબ, આખા વર્ષ દરમિયાન આયોજિત શુભ કાર્યક્રમો દરમિયાન ‘અચલ મૂર્તિ’ની સમાન રીતે ‘મૂવિંગ મૂર્તિ’ સ્થાપિત કરવામાં આવશે. તમને જણાવી દઈએ કે, રામ મંદિર ટ્રસ્ટ દ્વારા બનાવવામાં આવી રહેલી ત્રણ મૂર્તિઓમાંથી ગર્ભગૃહમાં કઈ મૂર્તિ સ્થાપિત કરવામાં આવશે, તે હજુ નક્કી કરવામાં આવ્યું નથી.

કેવો રહેશે કાર્યક્રમ?

• વડાપ્રધાન નરેન્દ્ર મોદી રામલલાની પ્રાણ પ્રતિષ્ઠા કરશે અને પહેલી આરતી ઉતારશે
• 22 જાન્યુઆરીએ અભિજીત મુહૂર્ત મૃગષિરા નક્ષત્રમાં બપોરે 12.20 વાગ્યે પીએણ મોદી રામલલાની પ્રાણ પ્રતિષ્ઠા કરશે
• આ દરમિયાન રાષ્ટ્રીય સ્વયંસેવક સંઘના સરસંઘચાલક મોહન ભાગવત, યુપીના રાજ્યપાલ આનંદીબેન પટેલ, મુખ્યમંત્રી યોગી આદિત્યનાથી સહિત ખાસ મહેમાન હાજર રહેશે
• અયોધ્યામાં હાજર સાધુ સંત રામ મંદિરમાં દર્શન કરશે
• 23 તારીખે પણ રામલલાની પ્રસાદ સ્વરૂપ દરેકને સંતોને ઉપહાર ભેટ કરાશે

અન્ય મૂર્તિઓનું શું થશે?

સૂત્રો દ્વારા આપવામાં આવેલી માહિતી અનુસાર, ગર્ભગ્રહ સિવાય મંદિરના પહેલા માળે રામલલાની મૂર્તિ સ્થાપિત કરવામાં આવશે. મંદિરના બીજા માળે રામ દરબાર બનાવવામાં આવશે. અહેવાલમાં આપવામાં આવેલી માહિતી અનુસાર, આવતા વર્ષે મકરસંક્રાંતિના દિવસથી અભિષેક સમારોહનું વિગતવાર આયોજન શરૂ થશે. નવી પ્રતિમાને સરયૂ નદી અને અન્ય પવિત્ર નદીઓના પાણીમાં સ્નાન કરાવવામાં આવશે અને અયોધ્યા શહેરની અંદર પ્રવાસ પર લઈ જવામાં આવશે. આ પછી 22 જાન્યુઆરીએ યોજાનાર કાર્યક્રમ પહેલા એક ડઝન જેટલા ધાર્મિક કાર્યક્રમોનું આયોજન કરવામાં આવશે.

અંબાણી, અદાણી, સચિન તેંડુલકર, અમિતાભ બચ્ચનને આમંત્રણ

22 જાન્યુઆરીએ અયોધ્યામાં રામ મંદિરના અભિષેક સમારોહનું આયોજન કરવામાં આવશે. આ કાર્યક્રમમાં ક્રિકેટર સચિન તેંડુલકર અને વિરાટ કોહલી, ઉદ્યોગપતિ મુકેશ અંબાણી, ગૌતમ અદાણી અને રતન ટાટા, બોલિવૂડ સ્ટાર અમિતાભ બચ્ચન, અભિનેતા અરુણ ગોવિલ અને દીપિકા ચિખલિયાને આમંત્રણ આપવામાં આવ્યું છે. અરુણ ગોવિલ અને દીપિકા ચિખલિયાએ લોકપ્રિય ટીવી સીરિયલ 'રામાયણ'માં રામ અને સીતાની ભૂમિકા ભજવી છે.