2023 રાશિફળ : વર્ષ 2023 શરૂ થવામાં લગભગ દોઢ મહિનો બાકી છે. તો, દરેક વ્યક્તિ એ જાણવા માંગે છે કે નવું વર્ષ તેના માટે કેવું રહેશે. મતલબ કે તે ગયા વર્ષ કરતાં વધુ સારું કે ખરાબ હશે. તમને જણાવી દઈએ કે વર્ષ 2023માં ઘણા નાના-મોટા ગ્રહો પોતાની રાશિ બદલી દેશે. જેમાં શનિ અને ગુરુ પણ સામેલ છે. વાસ્તવમાં, જ્યારે ગુરુ મીન રાશિમાંથી મેષ રાશિમાં પ્રવેશ કરશે, ત્યારે શનિદેવ કુંભ રાશિમાં સંક્રમણ કરશે. જેની અસર તમામ રાશિઓ પર જોવા મળશે. ચાલો જાણીએ કે વર્ષ 2023 તમામ રાશિઓ માટે કેવું રહેશે.
મેષ: વર્ષ 2023 તમારા માટે આર્થિક રીતે મજબૂત સાબિત થઈ શકે છે. આ સાથે વેપારમાં નવા પ્રયોગો ફાયદાકારક સાબિત થઈ શકે છે. કાર્યસ્થળ અને વ્યવસાયમાં તમારે તમારી વાણી પર કાબુ રાખી શબ્દો ધ્યાન રાખી બોલવા જોઈએ, નહીં તો સંબંધો બગડી શકે છે. સંબંધોની દ્રષ્ટિએ આ વર્ષ મિશ્રિત રહેશે.
વૃષભ: આ વર્ષે તમારે તમારા કરિયર માટે ખૂબ જ મહેનત કરવી પડશે. કારણ કે શનિદેવ તમારી રાશિથી ચોથા ભાવમાં ભ્રમણ કરશે. એટલા માટે તમને સખત મહેનત પછી જ પરિણામ મળશે. તમે આ વર્ષે પ્રોપર્ટી ખરીદી શકો છો. તેની સાથે આ વર્ષે તમને શારીરિક સુખ પણ મળી શકે છે. આ વર્ષે તમે વિદેશ પ્રવાસ પણ કરી શકો છો.
મિથુનઃ આ વર્ષની શરૂઆત તમારા માટે થોડી સંઘર્ષભરી સાબિત થઈ શકે છે. પરંતુ પછી ધીમે ધીમે પરિસ્થિતિ સુધરશે. બીજી બાજુ શનિદેવ તમારી કુંડળીના નવમા ભાવમાં ગોચર કરશે. એટલા માટે તમને મહેનતની સાથે ભાગ્યનો સાથ મળશે. આ સાથે જે કામો અટકેલા છે તે પૂર્ણ કરી શકાશે.
કર્કઃ આ વર્ષે તમે પ્રોપર્ટીના લેવડ-દેવડમાં સારી કમાણી કરી શકો છો અથવા જો તમે સ્થાવર મિલકત સાથે સંબંધિત છો તો તમને સારો નફો થઈ શકે છે. બીજી તરફ, ગુરુ તમારી રાશિથી દસમા ભાવમાં ગોચર કરશે. એટલા માટે તમને આ વર્ષે સારી નોકરીની ઓફર મળી શકે છે. વિદ્યાર્થીઓને આ વર્ષે વિશેષ સિદ્ધિઓ મળવાની સંભાવના છે.
સિંહ: વર્ષ 2023ની શરૂઆતમાં આર્થિક લાભની ઉત્તમ તકો રહેશે. કારણ કે ગુરુ તમારી કુંડળીના નવમા ભાવમાં ગોચર કરશે. એટલા માટે આ વર્ષે તમને કિસ્તમનો સહયોગ મળતો જોવા મળી રહ્યો છે. તેમજ જે લોકો સરકારી નોકરીની તૈયારી કરી રહ્યા છે તેમના માટે આ વર્ષ ખૂબ જ લકી સાબિત થઈ શકે છે. બીજી તરફ, જેઓ અપરિણીત છે તેમને લગ્નનો પ્રસ્તાવ મળી શકે છે.
કન્યાઃ આ વર્ષે તમને અચાનક નાણાંકીય લાભ મળી શકે છે. મતલબ કે શેર માર્કેટ, સટ્ટાબાજી અને લોટરીમાં નફો થઈ શકે છે. તેમજ શનિ ગ્રહ તમારા છઠ્ઠા ભાવમાં ગોચર કરશે. એટલા માટે આ વર્ષે તમે કોઈપણ જૂના રોગથી છુટકારો મેળવી શકો છો. આ સાથે તમે દુશ્મનો પર જીત મેળવી શકશો. નોકરી-ધંધા માટે આ વર્ષ સરેરાશ છે.
આ પણ વાંચો – સામુદ્રિક શાસ્ત્ર: ચહેરા પરના નિશાનથી જાણી શકાય ભવિષ્ય સાથે જોડાયેલી આ ખાસ વાતો
તુલા: નવા વર્ષ 2023ની શરૂઆતમાં મિલકત કે વાહન ખરીદવાની તક મળી શકે છે. શનિદેવ તમારી ગોચર કુંડળીના પાંચમા ભાવમાં ભ્રમણ કરશે. તેની સાથે માતાની મદદથી ધનલાભ થઈ શકે છે. શનિદેવની દ્રષ્ટિ તમારી રાશિથી દસમા સ્થાન પર પડશે. એટલા માટે આ વર્ષે નવી નોકરીની ઓફર આવી શકે છે. આ સાથે તુલા રાશિના વિદ્યાર્થીઓ માટે આ વર્ષ સખત મહેનતથી ભરેલું રહેશે, પરંતુ અંતે સફળતા પણ જોવા મળી રહી છે.
વૃશ્ચિક: આ વર્ષે તમે તમારી હિંમત અને શક્તિમાં વધારો જોઈ શકો છો. બીજી તરફ, શનિદેવ તમારી કુંડળીના ચોથા ભાવમાં સંક્રમણ કરશે. એટલા માટે તમે આ સમયે તમામ ભૌતિક સુખો મેળવી શકો છો. સાથે જ, કોઈપણ જૂના રોકાણથી નફો થઈ શકે છે. વેપારમાં સારો ફાયદો થઈ શકે છે. પરંતુ લેવડ-દેવડ કરતી વખતે સાવધાની રાખો.
ધન: આ વર્ષે તમારે પ્રેમ સંબંધોમાં થોડી સાવચેતી રાખવી જોઈએ. કારણ કે કોઈ વિષયને લઈને તમારી મનમાની થઈ શકે છે. સ્વાસ્થ્યની દૃષ્ટિએ પણ આ વર્ષ તમારા માટે બહુ સારું નથી. પરંતુ શનિદેવના પ્રભાવને કારણે આ વર્ષે તમારી હિંમત અને બહાદુરીમાં વધારો જોવા મળશે. સ્પર્ધાત્મક વિદ્યાર્થીઓને આ વર્ષે થોડી નિરાશાનો સામનો કરવો પડી શકે છે.
મકરઃ આ વર્ષે તમને સંતાન પક્ષ તરફથી સારા સમાચાર મળી શકે છે. નોકરીમાં વૃદ્ધિ અને પ્રમોશનની સંભાવના છે. આની સાથે જ પ્રોપર્ટીના વેચાણ અને ખરીદીમાં ફાયદો થઈ શકે છે. આ વર્ષે તમે આર્થિક બાજુ પણ મજબૂત થતી જોઈ રહ્યા છો. કારણ કે શનિદેવ તમારી ગોચર કુંડળીના બીજા ભાવમાં ચાલશે. એટલા માટે આ વર્ષ એવા લોકો માટે સાનુકૂળ સાબિત થઈ શકે છે જેમની કારકિર્દી વાણીના ક્ષેત્ર સાથે સંબંધિત છે.
કુંભ: આ વર્ષે શનિદેવ તમારી ગોચર કુંડળીના લગ્ન ગૃહમાં ભ્રમણ કરશે. એટલા માટે આ સમયે તમારા સ્વાસ્થ્યમાં સુધારો જોવા મળશે. તેની સાથે આવકના નવા સ્ત્રોત પણ બનશે. આવકમાં વધારો થઈ શકે છે. જીવનસાથીનો સહયોગ મળી શકે છે. જેઓ અવિવાહિત છે તેમને લગ્નનો પ્રસ્તાવ મળી શકે છે.
આ પણ વાંચો – સમુદ્રિક શાસ્ત્ર : લાઈફ પાર્ટનર કેવી રીતે પસંદ કરશો? આ નિશાન ધરાવતી છોકરીઓ ભાગ્યશાળી, જીવનસાથી માટે પણ લકી
મીનઃ આ વર્ષ તમારા માટે મિશ્રિત સાબિત થઈ શકે છે. આ વર્ષે આવકમાં વધારો થશે, પરંતુ ખર્ચમાં વધારો થઈ શકે છે. સંતાન પક્ષે આ વર્ષ સાનુકૂળ સાબિત થઈ શકે છે. પરિવારમાં કેટલાક ઉતાર-ચઢાવ આવી શકે છે, પરંતુ તમે તેને સરળતાથી હલ કરી શકશો. શનિદેવ તમારી ગોચર કુંડળીમાંથી બીજા ભાવમાં જશે. જેના કારણે પૈસાની આવક ચાલુ રહેશે.
