Shattila Ekadashi 2026 : ષટતિલા એકાદશી ક્યારે છે? જાણો તારીખ, શુભ મુહૂર્ત અને મહત્વ

Shattila Ekadashi 2026 Date: વૈદિક પંચાંગ અનુસાર પોષ મહિનામાં આવતી એકાદશીનું નામ ષટતિલા એકાદશી છે. ષટતિલા એકાદશી પર ભગવાન વિષ્ણુની તલથી પૂજા કરવામાં આવે છે. આનો અર્થ એ થયો કે આ દિવસે તલનો ભોગ લગાવવાનું વિધાન છે. 

ધાર્મિક માન્યતા અનુસાર ષટતિલા એકાદશીનું વ્રત રાખવાથી સાધકને તમામ પાપોમાંથી મુક્તિ મળે છે અને સુખ અને સમૃદ્ધિમાં વધારો થાય છે. આ દિવસે કરવામાં આવેલા દાનનો બમણો લાભ પણ વ્યક્તિને મળે છે. આ વખતે ષટતિલા એકાદશી પર ખૂબ જ શુભ યોગ થઈ રહ્યા છે. જેના કારણે આ દિવસનું મહત્વ વધુ વધી ગયું છે. પૂજાની તારીખ અને શુભ મુહૂર્ત જાણીએ.

ષટતિલા એકાદશી 2026 તારીખ

પોષ મહિનાના વદ પક્ષની એકાદશી તારીખ 13 જાન્યુઆરી, 2026 ના રોજ બપોરે 3:16 વાગ્યે શરૂ થશે. એકાદશી તિથિ 14 જાન્યુઆરીએ સાંજે 5:53 વાગ્યે સમાપ્ત થશે. આવી સ્થિતિમાં ઉદયાતિથિને આધાર માનીને 14 જાન્યુઆરીએ ષટતિલા એકાદશીનું વ્રત કરવામાં આવશે.

ષટતિલા એકાદશી શુભ મુહૂર્ત

ષટતિલા એકાદશીના દિવસે બ્રહ્મ મુહૂર્ત સવારે 05:28 થી 06:22 સુધી છે. આ સમયે તમે સ્નાન વગેરે નિત્ય કાર્ય પતાવી ષટતિલા એકાદશીનો ઉપવાસ અને વિષ્ણુ પૂજાનું વ્રત લઈ શકો છો.

ષટતિલા એકાદશી પર શુભ યોગ

આ એકાદશી પર સર્વાર્થ સિદ્ધિ અને અમૃત સિદ્ધિ યોગનું નિર્માણ થઈ રહ્યું છે. આ યોગમાં પૂજાથી બમણું પરિણામ મળે છે.

આ પણ વાંચો - હથેળી પર રહેલા આ 5 ચિન્હો વ્યક્તિને બનાવે છે અતિ ધનવાન, જીવનમાં ઘણું મળે છે માન-સન્માન અને પ્રતિષ્ઠા

ષટતિલા એકાદશીના પારણા

ષટતિલા એકાદશીના પારણા 15 જાન્યુઆરી 2026ના રોજ કરવામાં આવશે. પારણા માટે શુભ સમય સવારે 7.14 થી સવારે 9.22 સુધી રહેશે.

ષટતિલા અગિયારસનું મહત્વ

ષટતિલા એકાદશી પર ઉપવાસ અને પૂજા કરવાથી પાપ નાબૂદ થાય છે. સાથે જ આ દિવસે જે વ્યક્તિ તલનું દાન કરે છે, તેની ગરીબી દૂર થાય છે. 'ષટ' એટલે છ અને 'તિલા' નો અર્થ થાય છે તલ. આ એકાદશીમાં તલનો ઉપયોગ છ રીતે કરવામાં આવે છે, તલનું સ્નાન, તલની પેસ્ટ, તલનો હવન, તલનું તર્પણ, તલનું ભોજન અને તલનું દાન. આમ કરવાથી જીવનમાં સમૃદ્ધિ જળવાઈ રહે છે.

ડિસ્ક્લેમર- આ લેખમાં આપેલી કોઈપણ માહિતીની ચોકસાઈ અથવા વિશ્વસનીયતાની ખાતરી આપવામાં આવતી નથી. આ માહિતી જ્યોતિષ, પંચાંગ, માન્યતાઓ અથવા ધાર્મિક ગ્રંથો જેવા વિવિધ માધ્યમોમાંથી એકત્રિત કરવામાં આવી છે અને તમારી સમક્ષ રજૂ કરવામાં આવી છે. અમારો ઉદ્દેશ્ય માત્ર માહિતી પૂરી પાડવાનો છે. તેના સાચા અને સાબિત હોવાની અધિકૃતતા આપી શકતા નથી. કોઈપણ રીતે તેનો ઉપયોગ કરતા પહેલા, કૃપા કરીને સંબંધિત નિષ્ણાતની સલાહ લો.