Tulsi Pujan Diwas 2025: તુલસી પૂજન દિવસ 25 ડિસેમ્બરે જ કેમ ઉજવાય? જાણો ઇતિહાસ, મહત્વ અને ચમત્કારિક ઉપાય

Tulsi Pujan Diwas 2025 : હિન્દુ ધર્મમાં તુલસીના છોડનું વિશેષ મહત્વ છે. એવું માનવામાં આવે છે કે આ છોડ લક્ષ્મીનું સ્વરૂપ છે. માન્યતા મુજબ ભગવાન વિષ્ણુની પ્રિય તુલસીની પૂજા કરવાથી સુખ, સમૃદ્ધિ, સંપત્તિ પ્રાપ્ત થાય છે. તુલસી વિવાહ કારતક પૂનમ પર થાય છે. જો કે તુલસી પૂજા દિવસ દર વર્ષે 25 ડિસેમ્બરે ઉજવવામાં આવે છે. આ દિવસે ક્રિસમસ પણ ઉજવવામાં આવે છે. જાણો તુલસી પૂજા દિવસ ક્રિસમસ પર કેમ ઉજવાય છે, ઇતિહાસ અને મહત્વ વિશે વિગતવાર

તુલસી પૂજન દિવસે ધાર્મિક વિધિ સાથે તુલસીની પૂજા કરવાથી ઘરની ગરીબી દૂર થાય છે અને સુખ અને સમૃદ્ધિ આવે છે. આ વર્ષે તુલસી પૂજા પર અનેક શુભ સંયોગ બની રહ્યા છે. જો તમે પણ આર્થિક મુશ્કેલીઓ અથવા કારકિર્દીમાં અવરોધોથી પરેશાન છો, તો તુલસી પૂજન દિવસે તુલસીના છોડમાં કોઈ ખાસ વસ્તુ અર્પણ કરવાનું ભૂલશો નહીં. આનાથી મા લક્ષ્મીની સાથે વિષ્ણુજીની વિશેષ કૃપા મળી શકે છે. ચાલો જાણીએ તુલસી પૂજા સમયે ક્યા અચૂક ઉપાય કરવા જોઈએ અને પૂજાનો શુભ મુહૂર્ત 

Tulsi Pujan Diwas 2025 Date : તુલસી પૂજન દિવસ 2025 ક્યારે છે?

વર્ષ 2025માં તુલસી પૂજન દિવસ 25 ડિસેમ્બર, ગુરુવારે મનાવવામાં આવશે. તુલસી પૂજા દિવસની શરૂઆત વર્ષ 2014થી થઈ હોવાનું માનવામાં આવે છે. દેશના અનેક સંતો, સંતોએ ક્રિસમસ ડે એટલે કે 25 ડિસેમ્બરને તુલસી પૂજા દિવસ તરીકે ઉજવવાનું નક્કી કર્યું છે.

તુલસી પૂજન દિવસ 2025 શુભ મુહૂર્ત

તુલસી પૂજાના દિવસે, તુલસીના છોડની પૂજા માટે શ્રેષ્ઠ શુભ સમય સવારે 08 થી 10 વાગ્યા સુધી રહેશે. તો સાંજે પૂજા માટે શુભ મુહૂર્ત સાંજે 05:30 થી 07 સુધી રહેશે.

તુલસીના છોડમાં શું અર્પણ કરવું?

જ્યોતિષશાસ્ત્ર અનુસાર, આર્થિક લાભ માટે તુલસી પૂજા પર આ જ્યોતિષ ઉપાય કરવાથી ફાયદાકારક હોઈ શકે છે.

કાચું દૂધ અને પાણી

તુલસીના છોડ પર પાણી અને કાચું દૂધ આપવું ફળદાયી હોઈ શકે છે. તાબું કે ચાંદીના એક વાસણમાં પાણી ફરો, થોડું કાચું દૂધ મિક્સ કરીને ધીમે ધીમે તુલસીના છોડના મૂળમાં અર્પણ કરો. તેનાથી ઘરમાં ધનની સ્થિરતા વધે છે. દેવી લક્ષ્મીની કૃપાથી આર્થિક સ્થિતિ મજબૂત થશે.

તુલસીમાં શેરડીનો રસ અર્પણ કરો

જ્યોતિષ શાસ્ત્ર અનુસાર દેવા માંથી મુક્તિ મેળવવા માટે આ દિવસે તુલસીના મૂળમાં થોડો શેરડીનો રસ અર્પણ કરો. આ ઉપાય દેવી લક્ષ્મીને ખૂબ જ પ્રિય છે. શેરડીનો રસ વધારે ન આપવો. તે તુલસીના છોડને બગાડી શકે છે.

તુલસી પૂજા માટે 5 ચમત્કારિક ઉપાય

નાડાછડી બાંધો

જો તમારી કોઇ ઇચ્છા બાકી હોય તો નાડાછડી લો, તેને તમારા માથાથી પગ સુધી માપો. ત્યાર બાદ તમારી મનોકામના કહેતા કહેતા આ નાડાછડી તુલસીના થડમાં બાંધી લો.

ઘીનો દીવો પ્રગટાવો

તુલસી પૂજાના દિવસે સાંજે તુલસીના છોડ નજીક ગાયના ઘીનો ચાર દિવેટનો દીવો પ્રગટાવો. આ ઉપાય કરવાથી માતા લક્ષ્મી સાથે વિષ્ણુજી ખૂબ જ પ્રસન્ન થાય છે.

તુલસીના છોડની પરિક્રમા કરો

તુલસીના છોડની વિધિવત પૂજા કર્યા પછી 7, 11 અથવા 108 વખત પરિક્રમા કરો અને પરિક્રમા સમયે ઓમ નમો ભગવતે વાસુદેવાય મંત્રનો જાપ કરો.

તુલસીના છોડને પીળો દોરો બાંધો

જો તમારા લગ્નજીવનમાં સમસ્યા ઉભી થઇ રહી હોય તો સુખી લગ્ન જીવન માટે તુલસી પૂજાના દિવસે તુલસી પર પીળો દોરો બાંધવો શુભ હોય છે.

દીપદાન કરો

• તુલસી પૂજાના દિવસે, ઘરના મુખ્ય દરવાજા નજીક તેમજ તુલસીના છોડ નજીક દીપદાન કરો.
• તુલસી પૂજા દરમિયાન આ મંત્રનો જાપ કરવો જ જોઇએ
• તુલસીજીને પાણી અર્પણ કરતી વખતે અથવા પરિક્રમા કરતી વખતે આ મંત્રોનો જાપ કરવાથી પૂજાનું ફળ અનેકગણું વધી જાય છે.

જળ અર્પણ કરતી વખતે મંત્ર :

“महाप्रसाद जननी सर्व सौभाग्यवर्धिनी, आधि व्याधि हरा नित्यं तुलसी त्वं नमोस्तुते। ”

ખાસ મનોકામના પૂર્તિ માટે (તુલસી ગાયત્રી મંત્ર):

“ॐ श्री तुलस्यै विद्महे विष्णुप्रियायै धीमहि तन्नो वृन्दा प्रचोदयात्। ”

પરિક્રમા કરતી વખતે જાપ કરો:

"ૐ નમો ભગવતે વાસુદેવયા"

Disclaimer : આ લેખ વિવિધ માધ્યમો જેવા કે જ્યોતિષીઓ, પંચાંગ, માન્યતાઓ અથવા શાસ્ત્રોમાંથી એકત્રિત કરવામાં આવ્યો છે અને આ માહિતી તમને પહોંચાડવામાં આવી છે. અમારો ઉદ્દેશ માત્ર માહિતી પહોંચાડવાનો છે. તમે તે સાચું અને સાબિત થવાની પ્રામાણિકતા આપી શકતા નથી. કોઈપણ પ્રકારનો ઉપયોગ કરતા પહેલા, સંબંધિત નિષ્ણાતની સલાહ લો.