scorecardresearch

ગુજરાત ચૂંટણી 2022 : ભાજપ કે કોંગ્રેસ, ઓછા મતદાનથી કોને ફાયદો? જાણો રસપ્રદ પરિણામ

Gujarat Assembly Election 2022: ગુજરાત વિધાનસભા ચૂંટણી 2022 પ્રથમ તબક્કામાં 19 જિલ્લાની 89 બેઠકો પર મતદાન. આગામી 5મી ડિસેમ્બરે બીજા તબક્કાની 93 બેઠકો માટે યોજાશે મતદાન.

ગુજરાત ચૂંટણી 2022 : ભાજપ કે કોંગ્રેસ, ઓછા મતદાનથી કોને ફાયદો? જાણો રસપ્રદ પરિણામ
ગુજરાત વિધાનસભા ચૂંટણી 2022 મતદાન પરિણામ

ગુજરાત વિધાનસભા ચૂંટણી 2022 માટે ગુરૂવારે પ્રથમ તબક્કાનું સરેરાશ 59 ટકા જેટલું જ મતદાન નોંધાયું છે. જે ગત ચૂંટણી કરતાં ઓછું છે. સવારથી મતદાન મથકોએ મતદાન માટે મતદારોમાં ઉત્સાહ જોવા મળ્યો હતો જોકે બપોરે નિરસતા દેખાઇ હતી. રાજ્યના 19 જિલ્લાની 89 બેઠકો પરના 788 ઉમેદવારોનું ભાવિ ઇવીએમમાં સીલ થયું છે. રાજ્યમાં એકંદરે ઓછું મતદાન નોંધાયું છે. ઓછા મતદાનથી કોને ફાયદો થાય? આ મુદ્દો ચર્ચાસ્પદ છે. વર્ષ 2017ની ચૂંટણીના પરિણામ ચકાસીએ તો આંકડા રસપ્રદ છે.

ગુજરાતમાં વિધાનસભાની 182 બેઠકો માટે બે તબક્કામાં ચૂંટણી યોજાઇ રહી છે. પ્રથમ તબક્કામાં 89 બેઠકો અને બીજા તબક્કામાં 5મી ડિસેમ્બરે મતદાન થશે જે 93 બેઠકો માટે હશે. પ્રથમ તબક્કાની ચૂંટણીમાં મતદાન અંગેની વિગતો ચકાસીએ તો ભાજપ કોંગ્રેસ માટે જીતના સમીકરણ રસપ્રદ છે.

ઉંચુ મતદાન ભાજપ માટે કપરા ચઢાણ

ગુજરાત વિધાનસભા ચૂંટણી પર સૌની નજર છે. આ સંજોગોમાં ગત ચૂંટણીના મતદાન અને પરિણામના આંકડા ચકાસીએ તો ઉંચુ મતદાન ભાજપ માટે કપરા ચઢાણ જેવું સાબિત થઇ રહ્યું છે. જ્યારે ઓછા મતદાનવાળી બેઠકો ભાજપને ફળી છે. 80 ટકાથી ઉપરનું મતદાન ભાજપને જીત માટે તડપાવી રહ્યું છે તો 70થી 80 ટકા વચ્ચેનું મતદાન ભાજપ કોંગ્રેસ માટે એકંદરે સરખું ફળી રહ્યું છે. જ્યારે 70 ટકાથી ઓછું મતદાન ભાજપ માટે આર્શીવાદ સમાન દેખાય છે. 89 બેઠકો પૈકી ભાજપને 48, કોંગ્રેસને 38 અને અન્યને ત્રણ બેઠકો મળી હતી. જેમાં 70 ટકાથી નીચે મતદાન વાળી બેઠકો પર ભાજપને સૌથી વધુ જીત મળી હતી.

મતદાન ટકાવારીભાજપ જીતકોંગ્રેસ જીતઅન્યકુલ
80 થી વધુ00030205
75થી 8004040008
70થી 7507080015
65થી 7016090025
60 થી 6516120028
55 થી 6004020107
50 થી 5501000001
કુલ48380389
80 ટકાથી વધુ મતદાન કોંગ્રેસના હાથમાં

પ્રથમ તબક્કામાં 80 ટકા કરતાં વધુ મતદાન ભાજપને ફળ્યું નથી. આ રસપ્રદ તારણ વર્ષ 2017ની ચૂંટણીના આંકડા પરથી જાણી શકાય છે. વર્ષ 2017 ના ચૂંટણી પરિણામ આંકડા ચકાસીએ તો પ્રથમ તબક્કાની 89 બેઠકો પર સરેરાશ 69.01 ટકા મતદાન થયું હતું. જેમાં 80 ટકા કરતાં વધુ મતદાન પાંચ બેઠકો પર થયું હતું. જેમાંથી માંડવી, નિઝર અને કપરાડા ત્રણ બેઠક કોંગ્રેસના હાથમાં આવી હતી. જ્યારે ડેડીયાપાડા અને ઝઘડિયા બે બેઠકો બીટીપીને મળી હતી. જ્યારે ઉંચા મતદાન વાળી એકેય બેઠક ભાજપને મળી ન હતી.

બેઠક ક્રમાંકબેઠકનું નામમતદાનજીત
149ડેડીયાપાડ85.50બીટીપી
152ઝઘડિયા81.44બીટીપી
157માંડવી80.45કોંગ્રેસ
172નિઝર80.80કોંગ્રેસ
181કપરાડા84.23કોંગ્રેસ
70 થી 80 ટકા મતદાન, કોંગ્રેસ સહેજ ઉપર 

80 ઉપરનું મતદાન કોંગ્રેસને ફળ્યું છે તો 70થી 80 વચ્ચેનું મતદાન પણ એકંદરે કોંગ્રેસ માટે સારૂ રહ્યું છે. ગત ચૂંટણીમાં 70થી 80 ટકા વચ્ચેના મતદાનવાળી 23 બેઠકો પૈકી ભાજપનો 11 બેઠક પર વિજય થયો હતો જ્યારે 12 બેઠકો કોંગ્રેસના હાથમાં આવી હતી.

બેઠક ક્રમાંકબેઠકમતદાનજીત
90સોમનાથ75.98કોંગ્રેસ
148નાંદોદ76.43કોંગ્રેસ
156માંગરોળ77.77ભાજપ
170મહુવા76.92ભાજપ
177વાંસદા77.62કોંગ્રેસ
178ધરમપુર78.39ભાજપ
151વાગરા77.03ભાજપ
171વ્યારા77.73કોંગ્રેસ
02માંડવી71.16ભાજપ
64ધ્રાંગધ્રા70.04કોંગ્રેસ
65મોરબી71.74કોંગ્રેસ
66ટંકારા74.50કોંગ્રેસ
67વાંકાનેર74.89કોંગ્રેસ
72જસદણ73.95કોંગ્રેસ
74જેતલપુર71.00ભાજપ
91તલાલા70.22કોંગ્રેસ
150જંબુસર70.55કોંગ્રેસ
154અંકલેશ્વર71.31ભાજપ
169બારડોલી71.32ભાજપ
173ડાંગ73.81કોંગ્રેસ
174જલાલપોર72.05ભાજપ
175નવસારી71.29ભાજપ
176ગણદેવી74.09ભાજપ
70 ટકાથી ઓછું મતદાન, ભાજપ માટે ફાયદારૂપ

વર્ષ 2017 ચૂંટણીના પરિણામની વાત કરીએ તો પ્રથમ તબક્કાની 89 બેઠકો પર ઓછા મતદાનવાળી બેઠકો પર ભાજપને ફાયદો થયો છે. 70 ટકાથી ઓછા મતદાનવાળી બેઠકો પૈકી 61 ટકા બેઠકો પર ભાજપને જીત મળી હતી. જ્યારે કોંગ્રેસને 38 ટકા બેઠકો મળી હતી. 70 ટકાથી ઓછા મતદાનવાળી 61 બેઠકો પૈકી 37 બેઠકો પર કમળ ખીલ્યું હતું. જ્યારે 23 બેઠકો કોંગ્રેસના હાથમાં આવી હતી. જ્યારે એક બેઠક એનસીપીને મળી હતી.

ગત ચૂંટણીમાં પાટીદાર, આ વખતે આપ

ગત ચૂંટણીમાં ભાજપ સામે પાટીદાર મોટું ફેક્ટર હતું. પાટીદાર અનામત આંદોલનના સામા વાવાઝોડા વચ્ચે પણ ઓછા મતદાનવાળી બેઠકો પર ભાજપને સારી સફળતા મળી હતી. તો આ વખતે ભાજપ કોંગ્રેસના સીધા જંગમાં આમ આદમી પાર્ટી ઉમેરાતાં ત્રિપાંખીયા જેવી સ્થિતિ છે. હવે જોવાનું એ છે કે આમ આદમી પાર્ટી ભાજપ કે કોંગ્રેસ કોના મત તોડે છે.

વર્ષ 2017ના પરિણામની વાત કરીએ તો પ્રથમ તબક્કાની 19 જિલ્લાની 89 બેઠકો પૈકી ભાજપને 48 બેઠક પર ભાજપને જીત મળી હતી જ્યારે 38 બેઠકો પર કોંગ્રેસને જીત મળી હતી. જ્યારે બે બેઠકો બીટીપી અને એક બેઠક એનસીપીને મળી હતી.

Web Title: Gujarat assembly election first phase vote results bjp congress winning seat

Best of Express