અક્ષય કુમાર, અરશદ વારસીની જોલી એલએલબી 3 આજથી થિયેટરમાં ધૂમ મચાવશે, સ્પેશિયલ સ્ક્રીનિંગ સ્ટાર્સ રહ્યા હાજર !

Jolly LLB 3 Special Screening | અક્ષય કુમાર (Akshay Kumar) અને અરશદ વારસી (Arshad Warsi) ની જોલી એલએલબી 3(Jolly LLB 3) જે એક સામાજિક સંદેશ આપતી કોમેડીથી ભરપૂર ફિલ્મ છે, મુવી આજથી થિયેટરોમાં રિલીઝ થશે. મુવી પહેલા તેનું સ્પેશિયલ સ્ક્રીનિંગનું આયોજન થયું હતું, અહીં જાણો સ્પેશિયલ સ્ક્રીનિંગમાં કોણ કોણ હાજર રહ્યું હતું.

જોલી એલએલબી 3 સ્પેશિયલ સ્ક્રીનિંગ (Jolly LLB 3 Special Screening)

ફિલ્મના મુખ્ય કલાકારો, અક્ષય કુમાર, અરશદ વારસી અને સૌરભ શુક્લા, મસ્તી કરતા જોવા મળ્યા હતા. ત્રણેયે પાપારાઝી માટે એકસાથે રમુજી ફોટા પડાવ્યા હતા. તેઓ એકબીજા સાથે મજાક કરતા પણ જોવા મળ્યા હતા. મહિમા ચૌધરીના બાળકો પણ ફિલ્મ "જોલી એલએલબી 3" ના સ્ક્રીનિંગમાં જોવા મળ્યા હતા. તેઓ એક વરિષ્ઠ અભિનેતાના પગ સ્પર્શ કરતા જોવા મળ્યા હતા.

અમૃતા રાવ પણ સ્ક્રીનિંગમાં હાજર હતી. તેણીએ તેના પતિ સાથે આ કાર્યક્રમમાં હાજરી આપી હતી. તેણીએ શ્રેણીની પહેલી ફિલ્મમાં અરશદ વારસીના પાત્રના પ્રેમીની ભૂમિકા ભજવી હતી. તે "જોલી એલએલબી 3" માં પણ મહત્વપૂર્ણ ભૂમિકા ભજવી રહી છે.

જોલી એલએલબી 3 કાસ્ટ (Jolly LLB 3 Cast)

સુભાષ કપૂર દ્વારા દિગ્દર્શિત 'જોલી એલએલબી 3' ની વાર્તા ખેડૂતોની આસપાસ ફરે છે. ફિલ્મમાં અક્ષય અને અરશદ વકીલ જોલીની ભૂમિકા ભજવે છે. અક્ષય કુમાર અને અરશદ વારસી ઉપરાંત, ફિલ્મમાં સૌરભ શુક્લા, હુમા કુરેશી, અમૃતા રાવ, ગજરાજ રાવ અને સીમા બિશ્વાસ જેવા કલાકારો પણ મહત્વપૂર્ણ ભૂમિકાઓમાં જોવા મળશે.

જોલી એલએલબી 3 પહેલા દિવસનું બોક્સ ઓફિસ કલેકશન આગાહી

જોલી એલએલબી 3 ના શરૂઆતના દિવસના આંકડા અંગે આગાહીઓ અહીં છે. ઇન્ડસ્ટ્રી ટ્રેકર સેકનિલ્ક અનુસાર અક્ષય કુમાર-અરશદ વારસી અભિનીત ફિલ્મ 2.2 કરોડ રૂપિયા (બ્લોક સીટો સહિત 4.9 કરોડ રૂપિયા) કમાશે. ફિલ્મના નિર્માતાઓ ચોક્કસપણે આ શરૂઆત ઇચ્છતા નથી, પરંતુ સારી ફિલ્મોમાં શરૂઆતના દિવસના આવું થઇ શકે છે.