Shefali Jariwala death : ‘કાંટા લગા’ ફેમ શેફાલી જરીવાલાનું નિધન, હાર્ટ એટેક આવતા હોસ્પિટલમાં કરાયી હતી દાખલ

Shefali Jariwala passes away :‘કાંટા લગા’ ગીતથી પ્રખ્યાત થયેલી અભિનેત્રી અને નૃત્યાંગના શેફાલી જરીવાલાનું નિધન થયું છે. બિગ બોસની સ્પર્ધક શેફાલીના મૃત્યુના સમાચારે સોશિયલ મીડિયા પર લોકોને ચોંકાવી દીધા છે. મળતી માહિતી મુજબ, તેણીને કાર્ડિયાક એરેસ્ટ થયો હતો, તેણીને મૃત હાલતમાં મુંબઈની બેલેવ્યુ મલ્ટિસ્પેશિયાલિટી હોસ્પિટલ (અંધેરી) માં લાવવામાં આવી હતી.

આ સમાચાર પહેલા પત્રકાર વિકી લાલવાણી દ્વારા શેર કરવામાં આવ્યા હતા અને હવે બિગ બોસના સ્પર્ધકો રાજીવ આદતિયા, અલી ગોની અને મીકા સિંહે પણ આ સમાચારની પુષ્ટિ કરી છે.

વિકી લાલવાણીએ પોતાની પોસ્ટમાં માહિતી આપી છે કે શેફાલી જરીવાલાને તેના પતિ અને અન્ય 3 લોકો હોસ્પિટલમાં લાવ્યા હતા. હોસ્પિટલના રિસેપ્શન સ્ટાફે પુષ્ટિ આપી છે કે “શેફાલીને મૃત હાલતમાં હોસ્પિટલમાં લાવવામાં આવી હતી. રસ્તામાં જ તેણીને હાર્ટ એટેક આવ્યો હતો અથવા તેણીનું મૃત્યુ કોઈ અન્ય કારણોસર થયું હતું.”

પત્રકારના જણાવ્યા મુજબ, હોસ્પિટલના એક ડૉક્ટર, ડૉ. સુશાંત દ્વારા પણ આ વાતની પુષ્ટિ કરવામાં આવી હતી, જેમણે કહ્યું:

"અમે મૃતદેહને પોસ્ટમોર્ટમ માટે કૂપર હોસ્પિટલમાં મોકલી રહ્યા છીએ."

રાજીવ આદતિયાએ દુઃખ વ્યક્ત કર્યું અને ઇન્સ્ટાગ્રામ પર લખ્યું, "હું ઊંડા આઘાતમાં છું."

આ પણ વાંચોઃ-જેઠાલાલ અને બબીતાજી એ તારક મહેતા કા ઉલ્ટા ચશ્મા શો ખરેખર છોડ્યો?

ગાયક મીકા સિંહે લખ્યું, "હું ખૂબ જ આઘાતમાં છું, મારું હૃદય ખૂબ જ ભારે છે. આપણો પ્રિય સ્ટાર, મારો પ્રિય મિત્ર ગયો છે."

અલી ગોનીએ પણ ઇન્સ્ટાગ્રામ સ્ટોરી પોસ્ટ કરીને દુઃખ વ્યક્ત કર્યું.

શેફાલીના મૃત્યુ પછી, તેના પતિ પરાગ ત્યાગી હોસ્પિટલની બહાર જોવા મળ્યા.