Aditi Rao Hydari Siddharth : નવપરિણીત કપલ અદિતિ રાવ હૈદરી (Aditi Rao Hydari) અને સિદ્ધાર્થ (Siddharth) ગુરુવારે સાંજે તેમના લગ્ન પછી પ્રથમ વખત જાહેરમાં દેખાયા હતા. અદિતિ અને સિદ્ધાર્થએ 16 સપ્ટેમ્બરે એક ઘનિષ્ઠ સમારંભમાં લગ્ન કરી લીધા હતા. કપલ મુંબઈ એરપોર્ટ પર જોવા મળ્યા હતા. લોકેશન પર હાજર પાપારાઝીઓએ એરપોર્ટ પરથી બહાર નીકળતી વખતે કપલના વીડિયો અને તસવીરો શેર કરી છે.
આ કપલ તેની કાર તરફ જતા સમયે ચાહકોને સ્મિત સાથે મળતું અને અભિવાદન કરતા પણ જોવા મળ્યું હતું. અદિતિએ ગુલાબી અને લાલ રંગનો પરંપરાગત સૂટ પહેર્યો હતું. બીજી તરફ, સિદ્ધાર્થ કેઝ્યુઅલ લુકમાં જોવા મળ્યો હતો. સિદ્ધાર્થે ડેનિમ શર્ટ, બ્લેક જીન્સ અને કેપ પહેરી હતી અને તેના હેડફોન પહેર્યા હતા. સોશિયલ મીડિયા પોસ્ટના કોમેન્ટ સેક્શનમાં ફેન્સ કપલ પર આશીર્વાદ વરસાવી રહ્યા છે.
આ પણ વાંચો: કંગના રનૌતને બાંદ્રાની મિલકત કેમ વેચવી પડી? એકટ્રેસે કર્યો ખુલાસો
અદિતિ રાવ હૈદરી અને સિદ્ધાર્થના તાજેતરના ફોટા અને વીડિયો
અદિતિ અને સિદ્ધાર્થના લગ્ન તેલંગાણાના વાનપર્થીમાં 400 વર્ષ જૂના મંદિરમાં પરિવાર અને નજીકના મિત્રો સાથે થયા હતા. તેઓએ ઇન્સ્ટાગ્રામ દ્વારા લગ્નની જાહેરાત કરી હતી અને તેની પોસ્ટને કેપ્શન આપ્યું હતું ‘તમે મારો સૂર્ય, મારો ચંદ્ર અને મારા બધા સ્ટાર્સ છો… અનંતકાળ માટે પિક્સી સોલમેટ, મને હસવા માટે, શાશ્વત પ્રેમ, પ્રકાશ અને જાદુ માટે.. શ્રીમતી અને મિસ્ટર અદુ-સિદ્ધુ.”
આ પણ વાંચો: પ્રિયંકા ચોપરા એ પતિ નિક જોન્સને જન્મદિવસની શુભેચ્છા પાઠવી
બંનેએ માર્ચમાં સગાઈ કરી હતી અને તેઓએ એક સેલ્ફી શેર કરી હતી જેમાં તેઓએ તેમની નવી વીંટી બતાવી હતી. અદિતિએ લખ્યું હતું કે ‘તેણે હા કહ્યું! એન્ગેજ્ડ” અદિતિ અને સિદ્ધાર્થ જ્યારે તેમના સંબંધો વિશે પ્રથમવાર અટકળો શરૂ થઈ ત્યારે તેઓ ચૂપ રહ્યા હતા. 2021માં તેમની ફિલ્મ મહા સમુદ્રમના સેટ પર બંને એકબીજાના પ્રેમમાં પડ્યા હતા.
