Akshay Kumar Deepfake Video | અક્ષય કુમાર ડીપફેક વીડિયો, બોમ્બે હાઈકોર્ટનું કડક વલણ,અક્ષયના વકીલે શું કહ્યું?

Akshay Kumar Deepfake Video | બોલીવુડ અભિનેતા અક્ષય કુમાર (Akshay Kumar) હાલમાં એક કૃત્રિમ બુદ્ધિથી જનરેટ થયેલ વિડીયોને કારણે સમાચારમાં છે જેમાં તેમને મહર્ષિ વાલ્મીકિ તરીકે દર્શાવવામાં આવ્યા છે, જે સોશિયલ મીડિયા પર વાયરલ થયો છે. બોમ્બે હાઈકોર્ટે કડક વલણ અપનાવ્યું છે, હાઇકોર્ટે શું કહ્યું?

અક્ષય કુમારના ડીપ ફેક વિડીયો પર બોમ્બે હાઇકોર્ટે કડક વલણ અપનાવ્યું છે, આ વિડીયોને તાત્કાલિક તમામ પ્લેટફોર્મ પરથી દૂર કરવાનો આદેશ આપ્યો છે.

ડીપફેક ટેકનોલોજી ખતરનાક

જસ્ટિસ આરિફ ડોક્ટરની અધ્યક્ષતાવાળી બેન્ચે કહ્યું કે આવું કન્ટેન્ટ માત્ર અભિનેતાની ઇમેજ માટે જ નહીં પરંતુ સમાજના નૈતિક માળખા માટે પણ ખતરો છે. તેમણે કહ્યું, "AI ની મદદથી બનાવેલા આવા વીડિયો એટલા વાસ્તવિક લાગે છે કે વાસ્તવિક અને નકલી વચ્ચે તફાવત કરવો લગભગ અશક્ય બની ગયું છે. આ ફક્ત વ્યક્તિગત હિતનો વિષય નથી, પણ જાહેર હિતનો પણ છે."

કોર્ટે તેને "ગંભીર ચિંતાજનક" અને "જાહેર હિતની વિરુદ્ધ" ગણાવ્યું છે. કોર્ટે પોતાના આદેશમાં એમ પણ કહ્યું હતું કે આવા ડીપફેક વીડિયો વ્યક્તિની ગોપનીયતા, ગરિમા અને પરિવારની સલામતી માટે ગંભીર ખતરો છે. જસ્ટિસ ડોક્ટરે ચેતવણી આપી હતી કે "એવું કન્ટેન્ટ સમાજમાં ગેરસમજ, દુશ્મનાવટ અને અસ્થિરતા પેદા કરી શકે છે. તેથી, તેને તાત્કાલિક જાહેર પ્લેટફોર્મ પરથી દૂર કરવી જોઈએ."

અક્ષય કુમારના વકીલે શું કહ્યું?

અભિનેતા અક્ષય કુમારનું પ્રતિનિધિત્વ કરતા વરિષ્ઠ વકીલ બિરેન્દ્ર સરાફે કોર્ટમાં દલીલ કરી હતી કે AI-જનરેટેડ કન્ટેન્ટનો ઝડપથી ફેલાવો ફક્ત કલાકારોની ઇમેજને નુકસાન પહોંચાડી રહ્યો નથી પરંતુ ભવિષ્યમાં નકલી સમાચાર અને સાયબર ક્રાઇમનો નવો ચહેરો પણ બની શકે છે. કોર્ટે તેમની દલીલ સાથે સંમત થયા, અને કહ્યું કે આવા કિસ્સાઓમાં કડક દેખરેખ અને તકનીકી નિયંત્રણ જરૂરી છે.

અક્ષય કુમારએ શું કહ્યું?

આ ઘટના બાદ અક્ષય કુમારે 23 સપ્ટેમ્બરના રોજ X પર એક નિવેદન બહાર પાડ્યું, જેમાં કહ્યું, "મેં કેટલાક AI-જનરેટેડ વિડિઓઝ જોયા છે જેમાં મને મહર્ષિ વાલ્મીકિ તરીકે દર્શાવવામાં આવ્યો છે. હું સ્પષ્ટ કરવા માંગુ છું કે આ વિડિઓઝ સંપૂર્ણપણે નકલી છે. દુઃખની વાત છે કે, કેટલીક ચેનલો તેને ચકાસ્યા વિના સમાચાર તરીકે ચલાવી રહી છે. આજના યુગમાં, જ્યારે AI નો ઉપયોગ કરીને ભ્રામક સામગ્રી સરળતાથી બનાવવામાં આવે છે, ત્યારે હું મીડિયાને અપીલ કરું છું કે કોઈપણ સમાચાર પ્રસારિત કરતા પહેલા તેની ચકાસણી કરે."

આ કેસ બાદ, કેન્દ્ર અને રાજ્ય સરકારો પાસેથી AI-આધારિતકન્ટેન્ટનું નિરીક્ષણ અને નિયમન કરવા માટે કડક કાયદા ઘડવાની અપેક્ષાઓ વધી ગઈ છે. અક્ષય કુમાર હાલમાં તેની આગામી ફિલ્મો 'ભૂત બાંગ્લા', 'વેલકમ ટુ ધ જંગલ' અને 'હૈવાન' ના શૂટિંગમાં વ્યસ્ત છે.