સદીના મહાનાયક અમિતાભ બચ્ચને લઇ મોટા સમાચાર સામે આવ્યાં છે. હકીકતમાં બિગ બી કોન બનેગા કરોડપતિની 14મી સિઝન હોસ્ટ કરી રહ્યાં છે. જેના સેટ પર અમિતાભ બચ્ચન સાથે અકસ્માત થાય હતો. મેગાસ્ટારને પગમાં ઉંડી ઇજા પહોંચી હતી. જેના કારણે તેમને ટાંકા લેવા પડ્યા હતાં. જે અંગે બિગ બીએ પોતાના બ્લોગમાં ખુલાસો કર્યો છે.
અમિતાભ બચ્ચને ઘટના અંગે બ્લોગમાં જણાવ્યું છે કે, મારા જૂતામાં લાગેલા ધાતુના એક ટુકડાએ મારા ડાબા પગની નશ કાપી નાંખી હતી. જેને પગલે અવિરત લોહી વહેવાના કારણે તેમને તાત્કાલિક હોસ્પિટલ લઇ જવામાં આવ્યા હતા. જ્યાં તબીબોએ સારવાર શરૂ કરી હતી. આ બાદ ડોક્ટર્સે અમિતાભ બચ્ચનને આરામ કરવાની સલાહ આપી હતી.
આ સાથે ડોકટર્સે અમિતાભ બચ્ચનને ઇજા પહોંચેલા પગ પર દબાણ આપવાની મનાઇ કરી છે. તેમજ તેમને ટ્રેડમિલ પર ન ચાલવાની જણાવ્યું હતું.
