શ્રીદેવીને ખુશ કરવા અમિતાભ બચ્ચને ટ્રક ફરી ફુલોનો વરસાદ કર્યો, જાણો રસપ્રદ કહાણી

Amitabh Bachchan Sridevi In Khuda Gawah Movie : શ્રીદેવી તેમના સમયની સૌથી પ્રખ્યાત અભિનેત્રી હતી. અમિતાભ બચ્ચન પણ મહાનાયક છે. જ્યારે દરેક વ્યક્તિ અમિતાભ બચ્ચન સાથે કામ કરવા માટે ઉત્સુક હતા, તે સમયે શ્રીદેવી એ વાત પર મક્કમ હતી કે તે અમિતાભ બચ્ચન સાથે બીજી મહિલા તરીકે કામ નહીં કરે. તે માત્ર મહિલા કેન્દ્રિત ફિલ્મોનો ભાગ બનવા માંગતી હતી. આ માટે અમિતાભ બચ્ચને ઘણા પ્રયત્નો કરવા પડ્યા હતા.

આ રસપ્રદ કિસ્સો છે ફિલ્મ ખુદા ગવાહનો. સત્યાર્થ નાયક દ્વારા શ્રીદેવી પર લખાયેલા પુસ્તક Shridevi: The Eternal Screen Goddess માં ઘટનાનું વર્ણન છે. પુસ્તકમાં દિવંગત કોરિયોગ્રાફર સરોજ ખાને આ ઘટના વિશે વાત કરી હતી. તેઓ શ્રીદેવીના એક ગીતનું કોરિયોગ્રાફી કરી રહ્યા હતા. તેમણે આ બાયોગ્રાફી માટે જણાવ્યું કે, તે આશ્ચર્યજનક દ્રશ્યને યાદ કર્યુ જ્યારે શ્રીદેવી પર અમિતાભ બચ્ચને ફુલોનો વરસાદ કર્યો હતો.

તેમણે કહ્યું કે, “ આ ગીતનું શુટિંગ થઇ રહ્યુ હતુ ત્યારે ફૂલો ભરેલી એક ટ્રક આવી. તે શ્રીદેવીને પાસે ઊભી રહી અને આખું કેરિયર ઉલટું કરી દીધું અને તેના પર ગુલાબનો વરસાદ વરસાવ્યો. તે એકદમ અદ્ભુત હતું. ” શ્રીદેવી આનાથી ખૂબ પ્રભાવિત થઈ હતી પરંતુ તે હજુ પણ આ ફિલ્મ માટે માની ન હતી.

શ્રીદેવીએ ફિલ્મ માટે અમિતાભ બચ્ચન સામે શરત મૂકી

ત્યારબાદ શ્રીદેવીએ એક શરત મૂકી કે તે બિગ બી સાથે એક ફિલ્મમાં અભિનય કરશે જેમાં તે અમિતાભની પત્ની અને પુત્રી બંનેની ભૂમિકા ભજવશે. ફિલ્મ નિર્માતાઓ મનોજ દેસાઈ અને મુકુલ આનંદે 'ખુદા ગવાહ' માં બંને સ્ટાર્સને એકસાથે કાસ્ટ કર્યા, જે તેમની ફિલ્મોગ્રાફીમાં સૌથી મોટી હિટ ફિલ્મ સાબિત થઇ બની.

ખુદા ગવાહની પહેલા રમેશ સિપ્પીએ પોતાની ફિલ્મ રામ કી સીતા શ્યામ કી ગીતામાં પણ શ્રીદેવી અને અમિતાભ બચ્ચનને સાઇન કર્યા હતા, જેમાં બંનેનો ડબલ રોલ હતો. ચાર્ટબસ્ટર ગીત જુમ્મા ચુમ્મા આ ફિલ્મનો ભાગ માનવામાં આવે છે. ફિલ્મમાં ગીતના સ્થળનો ખુલાસો કરતા સરોજ ખાનને જણાવ્યુ કે, આ સિક્વન્સમાં અમિતાભ બચ્ચન એક પોલીસકર્મીના રોલમાં એક પોકેટમાર શ્રીદેવીને રંગે હાથે પકડે છે. જ્યારે તે શ્રીદેવી તેને પુછે છે કે તેને શું લાંચ આપી શકે છે, તો તે ચુમ્મા માંગે છે.

આ પણ વાંચો | ફાઇટર મુવી બોક્સ ઓફિસ પર હિટ, રિતિક રોશન દીપિકા પાદુકોણની જોડી જામી

જો કે આ ફિલ્મ ક્યારે રિલીઝ થઇ નહીં અને ત્યારબાદ આ ગીત 199ની ફિલ્મ હમમાં અમિતાભ બચ્ચન અને કિમી કાટકર પર શુટ કરવામાં આવ્યુ હતુ. છેલ્લી વખત બોલીવુડ ચાહકોને બચ્ચન અને શ્રીદેવીને એક સાથે સ્કીન પર ગૌરી શિંદેની 2012ની ફિલ્મ ઇંગ્લિશ વિંગ્લિશમાં જોવા મળ્યા હતા. આ ફિલ્મમાં બચ્ચનો એક ખાસ રોલ હતો.