અનંત રાધિકાના પ્રી વેડિંગ સેલિબ્રેશનમાં સારા અલી ખાનનો રેટ્રો લુક, રણવીર સિંહ ઓલ-બ્લેક લુકમાં ચમક્યો

અંબાણી પરિવારે તાજેતરમાં બીજી ભવ્ય પાર્ટી આપી છે, આ વખતે અનંત અંબાણી અને રાધિકા મર્ચન્ટના લગ્ન પહેલા પ્રિ વેડિંગ પાર્ટી યુરોપમાં લક્ઝરી ક્રૂઝમાં આપી છે. સેલિબ્રેશનમાં સામેલ થયેલા કેટલાક સ્ટાર્સની તસવીરો સોશિયલ મીડિયા પર વ્યાપકપણે શેર કરવામાં આવી રહી છે. નવા ફોટામાં રણવીર સિંહ અને સારા અલી ખાન, ક્રુઝ શિપમાં મહેમાનો સાથે જોવા મળ્યા છે. એક ફોટોમાં સારા કેટલાક મિત્રો સાથે કાન્સ ટૂર કરતી દેખાય છે. અન્ય એક ફોટોમાં રણવીર કાળી ટોપી અને સનગ્લાસ પહેરીને ઓનબોર્ડ એક્ટિવિટીમાં ભાગ લેતો દેખાય છે.

આ પણ વાંચો: Bigg Boss OTT 3 Promo: બિગ બોસ ઓટોટી 3 માટે અનિલ કપૂરને સલમાન ખાન કરતા 6 ગણી ઓછી ફી મળશે, રકમ જાણી ચોંકી જશો

માર્ચમાં આવી જ પાર્ટી આપ્યા પછી બીજી ભવ્ય પ્રી-વેડિંગ ઈવેન્ટ છે, રિપોર્ટ અનુસાર લગભગ 800 મહેમાનોએ હાજરી આપી હતી. મહેમાનોની યાદીમાં શાહરૂખ ખાન, સલમાન ખાન, એમએસ ધોની, સાક્ષી ધોની અને અનન્યા પાંડેનો સમાવેશ થાય છે. ક્રુઝ જહાજ ઇટાલીથી ફ્રાન્સના દક્ષિણ તરફ ઘણા દિવસો સુધી રવાના થયું હતું. ક્રુઝની શરૂઆત 29 મેના રોજ સ્વાગત લંચ સાથે થઈ હતી, ત્યારબાદ સાંજે એક પાર્ટી થઈ હતી. 30 મેના રોજ, મહેમાનોને રોમની ટૂર કરવામાં આવી હતી, જે પછી એક પાર્ટી હતી જેમાં રેટ્રો થીમ હતી. અને 31 મેના રોજ અંબાણી ફેમિલીએ આકાશ અંબાણી અને શ્લોકા મહેતાના નાના દીકરા વેદ આકાશ અંબાણીના પ્રથમ જન્મદિવસની ઉજવણી કરી હતી.

આ પણ વાંચો: Panchayat 3 : નીના ગુપ્તા રઘુબીર યાદવ ખરેખર અકસ્માત સીન દરમિયાન બાઇક પરથી પડ્યા? એકટ્રેસએ કહ્યું..

અગાઉ, મહેમાનો માટે બૅન્ડ બૅકસ્ટ્રીટ બોયઝનો એક વીડિયો પણ ઑનલાઇન શેર કરવામાં આવ્યો હતો.

બીજું પ્રી-વેડિંગ સેલિબ્રેશન 1 જૂન, 2024 આજેના રોજ 'ઓન લેન્ડ પોર્ટોફિનો' નામની ઇવેન્ટ સાથે સમાપ્ત થશે. અનંત અંબાણી અને રાધિકા મર્ચન્ટ 12 જુલાઈએ Jio વર્લ્ડ સેન્ટર ખાતે લગ્નના બંધનમાં બંધાશે. સમાચાર એજન્સી ANIના જણાવ્યા અનુસાર લગ્ન સમારોહ પછી 13 જુલાઈએ (ઈશ્વરીય આશીર્વાદ) અને 14 જુલાઈએ રિસેપ્શન (લગ્નનું સ્વાગત) થશે.