Animal Vs Sam Bahadur : રણબીર કપૂરની એનિમલ અને વિકી કૌશલની સેમ બહાદુરના ઓપનિંગ ડે કલેક્શન અંગે મોટી ભવિષ્યવાણી

Animal Vs Sam Bahadur Opening Day Forcast : બોલિવૂડ એક્ટર રણબીર કપૂરની ફિલ્મ 'એનિમલ' અને વિકી કૌશલની 'સેમ બહાદુર' સિનેમાઘરોમાં ટકરાશે. આ બંને ફિલ્મ આજે 1 ડિસેમ્બરના રોજ રિલીઝ થઇ ગઇ છે. ફેન્સ બંને ફિલ્મોને લઈને ફેન્સ ખૂબ જ ઉત્સાહિત છે. તેવામાં આવો એક નજર કરીએ 'એનિમલ અને સેમ બહાદુર' પહેલા દિવસે કેટલી કમાણી કરી શકે છે?

રણબીર કપૂર અને રશ્મિકા મંદાના સ્ટારર ફિલ્મ 'એનિમલ'નું ટ્રેલર રિલીઝ થયું હતું, જેને દર્શકોએ ઘણું પસંદ કર્યું હતું. આમાં રણબીર અને બોબી દેઓલની એક્ટિંગ જોઈને ફેન્સ ખૂબ જ ઉત્સાહિત છે. ટ્રેલરમાં બોબી દેઓલ, અનિલ કપૂર અને રણબીર કપૂરની એક્ટિંગે બધાનું દિલ જીતી લીધું છે.

આવી સ્થિતિમાં ફિલ્મના એડવાન્સ બુકિંગ અને લોકોના ઉત્સાહને ધ્યાનમાં રાખીને, ટ્રેડ વિશ્લેષકો અનુમાન લગાવી રહ્યા છે કે તે વિશ્વભરમાં 100 કરોડ રૂપિયાથી વધુની કમાણી કરી શકે છે. તે જ સમયે, ફક્ત હિન્દીમાં જ માનવામાં આવે છે કે 'એનિમલ' પ્રથમ દિવસે 50 કરોડ રૂપિયાથી વધુનો બિઝનેસ કરે તેવી સંભાવના છે.

આ સાથે એવું કહેવામાં આવી રહ્યું છે કે, જો સંદીપ રેડ્ડી વાંગાની 'એનિમલ' હિન્દીમાં પહેલા દિવસે 50-55 કરોડનું કલેક્શન કરવામાં સફળતા મેળવશે, તો તે 'પઠાણ' અને 'જવાન'ને ટક્કર આપી શકે. મહત્વનું છે કે, 'પઠાણ'એ પહેલા દિવસે 57 કરોડનો બિઝનેસ કર્યો હતો. તે જ સમયે, 'જવાન' એ પહેલા દિવસે 75 કરોડ રૂપિયાનો બિઝનેસ કર્યો હતો. તે ઓલ ટાઈમ બ્લોકબસ્ટર હતી. હવે રિલીઝ બાદ જ સ્પષ્ટ થશે કે તે પહેલા દિવસે કેટલું કલેક્શન કરે છે. જોકે, એવું ચોક્કસ માનવામાં આવે છે કે 'એનિમલ' રણબીર કપૂરના કરિયરની સૌથી મોટી હિટ ફિલ્મ બની શકે છે.

આ પણ વાંચો : War 2 Release Date : હૃતિક રોશન અને જુનિયર એનટીઆર 2025માં મચાવશે ધૂમ, ‘વોર 2’ની રિલીઝ ડેટ જાહેર

ફર્સ્ટ ડે કલેક્શનના મામલે એવી અટકળો લગાવવામાં આવી રહી છે કે આ A સર્ટિફિકેટ રણબીરની ફિલ્મની કમાણી પર અસર કરી શકે છે અને 'સામ બહાદુર'ને તેનો ફાયદો મળી શકે છે. SACNILC મુજબ, તેણે સમગ્ર ભારતમાં એડવાન્સ બુકિંગમાં રૂ. 1.82 કરોડનો બિઝનેસ કર્યો છે. આવી સ્થિતિમાં ટ્રેડ એનાલિસ્ટ ગ્રીસ જોહરના મતે માનવામાં આવી રહ્યું છે કે આ ફિલ્મ પહેલા દિવસે 3-4 કરોડ રૂપિયાની કમાણી કરી શકે છે. જો કે, સાચા આંકડા માટે આપણે ફિલ્મોની રિલીઝની રાહ જોવી પડશે.