Ayushmann Khurrana : રેડિયો જોકી તરીકે કામ કર્યું, વિકી ડોનરથી એકટિંગ કરિયરની શરૂઆત કરનાર આયુષ્માન ખુરાના આજે 15 વધુ ફિલ્મો આપી

Ayushmann Khurrana Birthday : આયુષ્માન ખુરાના (Ayushmann Khurrana) બોલીવુડના જાણીતા ટેલેંટેડ એક્ટરમાંથી એક છે. તેને એકટિંગ દ્વારા એક્ટર દર્શકોના દિલમાં જગ્યા બનાવી છે. એક્ટરે 'વિકી ડોનર' ફિલ્મથી પોતાના એકટિંગ કરિયરની શરૂઆત કરી હતી જેમાં તેણે તેમાં સ્પર્મ ડોનરની ભૂમિકા ભજવી હતી. તેણે વર્જિત ગણાતા વિષયો પર આધારિત ફિલ્મોમાં કામ કરીને દર્શકોમાં પોતાની ઓળખ બનાવી છે. આયુષ્માન ખુરાનાનો જન્મ 14 સપ્ટેમ્બર, 1984 ના રોજ થયો હતો. આજે આયુષ્માન ખુરાનાનો 40 મો જન્મદિવસ (Ayushmann Khurrana Birthday) છે. અહીં સેલિબ્રિટી બર્થ ડે (Celebrity Birthday) સિરીઝ એક્ટર વિશે વધુમાં જાણો

આયુષ્માન ખુરાના લાઈફ (Ayushmann Khurrana Life)

ચંદીગઢમાં જન્મેલા આયુષ્માન ખુરાનાએ કોલેજના દિવસોમાં થિયેટર કર્યું હતું. તેઓ ડીએવી કોલેજના થિયેટર ગ્રુપ આગાઝ સાથે સંકળાયેલા હતા અને તે દરમિયાન તેમણે ઘણા નાટકો અને શેરી નાટકો કર્યા હતા. આ પછી તે 'MTV Roadies' સાથે ટીવી પર દેખાવા લાગ્યો. તેણે ઘણા ટીવી શો સફળતાપૂર્વક હોસ્ટ કર્યા હતા , જેના કારણે દર્શકોમાં તેની લોકપ્રિયતા વધવા લાગી હતી. તેણે રેડિયો જોકી તરીકે પણ કામ કર્યું છે. વર્ષ 2008માં તેણે તેની ગર્લફ્રેન્ડ તાહિરા કશ્યપ સાથે લગ્ન કર્યા હતા. બંને બે બાળકોના માતા-પિતા છે.

આ પણ વાંચો: Simran Budharup : પંડ્યા સ્ટોર ફેમ સિમરન બુધરુપ લાલબાગચા રાજાના દર્શને, બાઉન્સર દ્વારા વર્તન

આયુષ્માન ખુરાના મૂવીઝ (Ayushmann Khurrana Movies)

2012 માં 'વિકી ડોનર' સાથે ફિલ્મી દુનિયામાં તેની સફર શરૂ કર્યા બાદ તેણે બરેલી કી બરફી, બધાઈ હો, શુભ મંગલ સાવધાન, શુભ મંગલ જ્યાદા સાવધાન, ડ્રીમ ગર્લ, ડ્રીમ ગર્લ 2, ચંદીગઢ કરે આશિકી, બાલા, ડૉક્ટર જી અને આર્ટિકલ સંપૂર્ણપણે અલગ વિષયો પર બનેલી ઘણી ફિલ્મો સહિત 15 ફિલ્મોમાં કામ કર્યું છે. અંધાધુનને તેની કારકિર્દીની સૌથી શાનદાર ફિલ્મ માનવામાં આવે છે.

આ પણ વાંચો: Love Sitara Trailer : લવ સિતારાનું ટ્રેલર રિલીઝ। શોભિતા ધુલીપાલાની દમદાર એકટિંગ

આયુષ્માન ખુરાના ગીત (Ayushmann Khurrana Song)

અભિનય ઉપરાંત આયુષ્માન ખુરાના તેની ગાયકી માટે પણ જાણીતો છે. તેણે પાની દા રંગ, સદ્દી ગલી, મિટ્ટી દી ખુશ્બૂ, ઇક વારી, હારેયા, નઝમ નઝમ, કાન્હા, એક મુલાકત, હે પ્યાર કર લે, નૈન ના જોડી, માફી, કિન્ની સોની હૈ અને રત્તા કલિયન સહિતના ઘણા ગીતો ગાયા છે. તે સમયાંતરે તેના બેન્ડ 'આયુષ્માન ભવ' સાથે પણ પરફોર્મ કરે છે.

આયુષ્માન ખુરાનાને કવિતા લખવાનો પણ શોખ છે. તેની કવિતાઓ ઇન્સ્ટાગ્રામ પર ખૂબ વાયરલ થાય છે. તાજેતરમાં તેણે કોલકાતા રેપ કેસ પર એક કવિતા પણ લખી હતી. આયુષ્માન ખુરાના છેલ્લે 'ડ્રીમ ગર્લ 2'માં જોવા મળ્યો હતો. તે આગામી ફિલ્મ થામ્બામાં જોવા મળશે. 'સ્ત્રી 2' બનાવનાર અમર કૌશિક તેનું નિર્દેશન કરશે.