Armaan Malik With Wife In Big Boss OTT 3 Show: બિગ બોસ ઓટીટી 3 રિયાલિટી શો માં અરમાન મલિકના લગ્ન જીવન વિશે ઘણી ચર્ચા થઈ રહી છે. તે પોતાની બંને પત્નીઓ પાયલ અને કૃતિકા મલિક સાથે શોમાં પહોંચ્યો હતો. જો કે પાયલ મલિક આ શોમાંથી બહાર થઇ ગઇ છે અને કૃતિકા હજુ પણ અરમાન સાથે બિગ બોસના ઘરમાં હાજર છે. લોકો અરમાનના બે લગ્નનો સોશિયલ મીડિયા પર વિરોધ કરી રહ્યા છે. આવી સ્થિતિમાં ઘરમાં પણ તેમના લગ્ન પર સવાલો ઉભા થયા હતા. આ દરમિયાન એક એપિસોડમાં યુટ્યુબરની બીજી પત્ની કૃતિકાએ અન્ય એક યુટ્યુબરનું નામ આપ્યું હતું, જેણે કહ્યું હતું કે, એણે પણ બે લગ્ન કર્યા છે. ચાલો તમને તેના વિશે જણાવીએ …
હકીકતમાં બિગ બોસ ઓટીટી 3 માંથી બહાર આવ્યા બાદ કૃતિકા જે યુટ્યુબર વિશે વાત કરી હતી તેનું નામ સની રાજપૂત છે. અરમાન મલિકની પત્નીએ કહ્યું હતું કે તે તેની બંને પત્નીઓ સાથે વીડિયો બનાવે છે. બંને વચ્ચે પડેલા વીડિયો શેર કરે છે. આના પર સનીએ તેને જવાબ પણ આપ્યો હતો. સોશિયલ મીડિયા પર એક વીડિયો શેર કરવામાં આવ્યો હતો, જેમા તેને ખરી ખોટી સાંભળાવી હતી. સનીએ કહ્યું હતું કે બીજાને જજ કરતા પહેલા તમારી જાતને જુઓ. યૂટ્યૂબરે સવાલ ઉઠાવ્યો અને કહ્યું, ‘તમે શું કર્યું કોઇના ઘરમાં જઇ. કોઇએ તમારા પર વિશ્વાસ કર્યો અને ફોટો શેર કરવા માટે તમને નંબર આપ્યો તો તમે વ્યક્તિ જ ચોરી લીધો.
કોણ છે સની રાજપૂત?
જો સની રાજપૂતની વાત કરીએ તો તે પણ અરમાન મલિકની જેમ યૂટ્યૂબર છે અને વલોગ્સ બનાવે છે. તેનું ઈન્સ્ટાગ્રામ એકાઉન્ટ પણ છે. તે બે પત્ની સાથે રહે છે અને તેમની સાથે રીલ્સ પણ શેર કરે છે. તેની બંને પત્નીના બંને નામ છે રૂપ અને માનસી. તેમની લવ સ્ટોરી અને મેરેજ સ્ટોરી ઘણી રસપ્રદ છે. સનીએ પોતે પોતાના બે લગ્ન વિશે વ્લોગમાં જણાવ્યું હતું. તેણે કહ્યું હતું કે તેના પ્રથમ લગ્ન રૂપ સાથે થયા છે. બંનેની મુલાકાત સ્કૂલના દિવસોમાં થઈ હતી. તેનો પરિવાર લગ્ન માટે સંમત થયો ન હતો. રૂપનો પરિવાર તેના માટે એનઆરઆઈ છોકરાની શોધમાં હતો. આવી સ્થિતિમાં, તેઓ તે સમયે લગ્ન કરી શક્યા નહીં.
પહેલા પ્રેમને ભૂલી જવા માંગતો હતો સની
સની રાજપૂતે જણાવ્યું હતું કે રૂપથી અલગ થયા બાદ તે તૂટી ગયો હતો. ત્યારબાદ, તે કોલેજના યુથ ફેસ્ટિવલમાં માનસીને મળ્યો હતો. તે રૂપને ભૂલી જવા માંગતો હતો તેથી તે ઝડપથી માનસીની નજીક આવી ગયો. તે બીજા કોઈ સાથે લગ્ન કરવા પણ તૈયાર હતો. આગળ વધવા માંગતો હતો. આ દરમિયાન માનસી સાથે લગ્નની વાત પણ ચાલી હતી. પછી થોડા સમય બાદ સની ફરી એકવાર રૂપને કોલેજમાં મળ્યો હતો. આ વાતની જાણ પરિવારને થતાં રૂપને પરિવારના લોકોએ ઘરમાંથી બહાર કાઢી મૂકી હતી. સનીએ રૂપને ભટકવા દીધી નહીં અને અપનાવી. પણ, માનસીનું દિલ તૂટી ગયું હતું. તેણીએ દગો મળ્યો હોવાની લાગણી અનુભવી. તેણે સનીથી દૂર જવાનું નક્કી કર્યું.
માનસીનો ફોન આવ્યો અને લગ્ન કરવા પડ્યાં
ત્યારબાદ રૂપ અને સની લગ્ન કરી લે છે. તેમને એક દીકરી પણ છે. બીજી બાજુ એક સંબંધ તૂટવાના કારણે કોઈ પણ વ્યક્તિ માનસી સાથે લગ્ન કરવા માટે રાજી નથી થતું. પછી એક દિવસ સની ને માનસી ફોન આવે છે અને વાત થાય છે. ત્યારબાદ રૂપ સનીને માનસી સાથે લગ્ન કરવાનું કહે છે. રૂપે સનીને કહ્યું કે જો આ ત્રણેયની ભૂલ છે તો પછી માત્ર એકને જ કેમ સહન કરવી જોઈએ. આ પછી સનીએ માનસી સાથે બીજા લગ્ન કર્યા.
