Ayesha Takia : ‘ટાર્ઝનઃ ધ વન્ડર કાર’ ફેમ અને સુંદરતાના કામણ ફેલાવનારી બોલિવૂડ અભિનેત્રી આયેશા ટાકિયા આજે 10 એપ્રિલે પોતાનો જન્મદિવસ સેલિબ્રેટ કરી રહી છે. આયેશા ભલે ફિલ્મોમાં એક્ટિવ નથી, પરંતુ તે સોશિયલ મીડિયા પર ઘણી એક્ટિવ રહે છે. આ સિવાય તે પોતાની પર્સનલ લાઈફને કારણે પણ ઘણી ચર્ચામાં રહે છે.
આયેશા ટાકિયાનું નામ એ અભિનેત્રીઓમાં ગણવામાં આવે છે જે સ્ટારડમ અને ગ્લેમરની ઝગમગાટમાં આવી હતી પરંતુ લાંબો સમય ટકી શકી નહીં. આ સાથે તેણે એવા સમયે પોતાના જીવનનો સૌથી મોટો નિર્ણય લીધો હતો કે બધાને ચોંકાવી દીધા હતા.
આયેશા ટાકિયા વિશે એવું કહેવાય છે કે તેના ફ્લોપ કરિયરને જોતા તેણે પોતાના જીવનનો સૌથી મોટો નિર્ણય લીધો. આયેશા સમાજવાદી પાર્ટી (SP)ના નેતા અને ધારાસભ્ય અબુ અસીમ આઝમીની વહુ બની હતી.
આયેશાએ 2009માં લગ્ન કર્યા હતા. આ લગ્નથી તેમને એક પુત્ર છે. લગ્ન પછી આયેશાએ ફિલ્મોમાં કામ કરવાનું બંધ કરી દીધું. આયેશાના પતિ ફરહાન એક બિઝનેસમેન છે. તેઓ હોટલ અને રેસ્ટોરન્ટના વ્યવસાય સાથે પણ જોડાયેલો છે. આ સિવાય ફરહાનને રાજનીતિમાં પણ ઘણો રસ છે.
આયેશાના સસરા અબુ અસીમ આઝમીની વાત કરીએ તો તેમની ગણતરી મહારાષ્ટ્રના સૌથી ધનિક ધારાસભ્યોમાં થાય છે. તેઓ માનખુર્દ શિવાજીનગર વિધાનસભા સીટ પર કામ કરી રહ્યા છે. મીડિયા રિપોર્ટ્સનું માનીએ તો તેમની પાસે 142 કરોડ રૂપિયાની સંપત્તિ છે. જ્યારે તેમના પુત્ર ફરહાનની કુલ સંપત્તિ 72 કરોડ રૂપિયાથી વધુ છે.
E
આયેશા ટાકિયાએ ‘ટાર્ઝનઃ ધ વન્ડર કાર’ સિવાય વોન્ટેડ, ‘પાઠશાલા’ અને ‘મોડ’, ‘યે દિલ માંગે મોર’, ‘શાદી નંબર વન’, ‘કેશ’, ‘શાદી સે પહેલે’,અને ‘સન્ડે’ જેવી ફિલ્મો પોતાની એક્ટિંગ કરિયર દરમિયાન કરી છે.
