Raveena Tandon: રવીના ટંડન પર 3 વૃદ્ધ મહિલા સાથે મારપીટ કરવાનો આરોપ, પીડિતાનો દાવો - અભિનેત્રી નશામાં હતી, જુઓ વાયરલ વીડિયો

Raveena Tandon News: બોલિવૂડ એક્ટ્રેસ રવીના ટંડનનો એક વીડિયો સામે આવ્યો છે. આ વીડિયોમાં જોઈ શકાય છે કે રવીના ટંડન સાથે કેટલાક લોકો દલીલબાજી અને ધક્કામુક્કી કરી રહ્યા છે. આ વીડિયોને એક ટ્વિટર હેન્ડલ પર શેર કરવામાં આવ્યો છે. જેમાં અભિનેત્રી પર ઘણા ગંભીર આરોપ લગાવવામાં આવ્યા છે. 1 જૂન, શનિવારે મોડી રાત્રે અભિનેત્રી પર મુંબઈના બાંદ્રા વિસ્તારમાં ત્રણ લોકો સાથે દુર્વ્યવહાર અને મારપીટ કરવાનો આરોપ લાગ્યો હતો.

પીડિતાએ આરોપ લગાવ્યો છે કે, અભિનેત્રી રવીના ટંડને દારૂના નશામાં ગત રાત્રે તેમને માર માર્યો છે. આ પછી, અભિનેત્રીને સ્થાનિક લોકો દ્વારા ઘેરી લેવામાં આવી હતી અને હુમલો કરવામાં આવ્યો હતો તેનો એક વીડિયો ઇન્ટરનેટ પર ઝડપથી વાયરલ થઈ રહ્યો છે. જો કે પોલીસના જણાવ્યા મુજબ આ તમામ આક્ષેપો પાયા વિહોણા છે અને કોઈ પણ પક્ષ તરફથી ફરિયાદ નોંધાવવામાં આવી નથી.

મીડિયા રિપોર્ટ્સ અનુસાર જણાવવામાં આવી રહ્યું છે કે રવીના ટંડનના ડ્રાઈવર પર રિઝવી કોલેજ પાસે કાર્ટર રોડ પર ત્રણ વૃદ્ધ મહિલાઓને ટક્કર મારવાનો અને મારવાનો આરોપ છે. આ ઘટનાનો વીડિયો પણ સોશિયલ મીડિયા પર ઝડપથી વાયરલ થઈ રહ્યો છે. સ્થાનિકોનો દાવો છે કે રવીનાનો ડ્રાઇવર કારમાંથી બહાર નીકળી ગયો હતો અને લોકો સાથે દલીલ કરવા લાગ્યો હતો. આ પછી રવીના ટંડન પણ કારમાંથી નીચે ઉતરીને તે લોકો સાથે મારપીટ કરવા લાગી હતી. વાયરલ વીડિયોમાં રવીનાને એમ કહેતા સાંભળી શકાય છે કે, "મને ધક્કો મારશો નહીં… મહેરબાની કરીને મને મારીશ નહિ. ”

પીડિતાના પુત્રએ અભિનેત્રી પર લગાવ્યો આરોપ

વાયરલ વીડિયોમાં એક વ્યક્તિ એવું કહેતો જોવા મળી રહ્યો છે કે, "મારું નામ મોહમ્મદ છે. અને જ્યારે તેની માતા, બહેન અને ભત્રીજી રવીના ટંડન ટંડનના ઘર પાસે જઈ રહી હતી, ત્યારે ડ્રાઇવરે તેમને ખૂબ માર માર્યો હતો. આ વ્યક્તિએ તેના પર કાર ચલાવવાનો પણ આરોપ લગાવ્યો હતો. રવીના નશામાં હતી. તેઓએ મારી માતાને એટલી બધી ફટકારી કે તેનું માથું ફાટી ગયું. મારી ભત્રીજીનું માથું ફાટી ગયું. અમે 4 કલાકથી ખાર પોલીસ સ્ટેશનમાં ઉભા છીએ. પણ અમને સાંભળતા નથી. અમારો કેસ કોઈ નથી લઈ રહ્યું. અમને ન્યાય જોઈએ છે.

પોલીસે આ વાત કહી

ડીસીપી રાજતિલાકે જણાવ્યું હતું કે, "એક વૃદ્ધ મહિલા લગ્નના એક ફંક્શન બાદ પોતાના ઘર તરફ જઈ રહી હતી. તે જ સમયે, રવીના ટંડન જે કારમાં બેઠી હતી તેનો ડ્રાઇવર કારને પાછળની તરફ લઈ જતો હતો અને આવી સ્થિતિમાં, મહિલા તેની ભૂલને કારણે કાર સાથે ટકરાઈ હતી. આ ઘટના બાદ વૃદ્ધ મહિલા ગુસ્સે થઈ ગઈ અને તેણે રવીના ટંડનના ડ્રાઈવરને પૂછ્યું કે શું તે તેની ઉપર કાર ચલાવશે? આ પછી મહિલા અને ડ્રાઇવર વચ્ચે દલીલ થઈ હતી. ત્યારબાદ બંને પક્ષો ફરિયાદ નોંધાવવા માટે નજીકના ખાર પોલીસ સ્ટેશનમાં ગયા હતા. જો કે, બંને પક્ષોએ ફરિયાદ નોંધાવી ન હતી અને પોતપોતાના ઘરે ગયા હતા.

આ પણ વાંચો | બિગ બોસ ઓટોટી 3 માટે અનિલ કપૂરને સલમાન ખાન કરતા 6 ગણી ઓછી ફી મળશે, રકમ જાણી ચોંકી જશો

યુઝર્સની કમેન્ટ

સોશિયલ મીડિયા પર વાયરલ વીડિયો પર એક યુઝરે લખ્યું કે 'એવું લાગે છે કે આ લોકો રવીના પર હુમલો કરી રહ્યા છે. રવીના બોલી રહી છે પ્લીઝ, પ્લીઝ, જ્યારે આ લોકો મારો, મારો કરી રહ્યા છે. તેમના એક તરફી ઇરાદા સ્પષ્ટ છે. ’