Skin Care : પ્રિયંકા ચોપરાથી લઇને આ હસીનાઓ ખુબસુરતી માટે કરે છે આ કામ

Skin Care : જો તમે પણ બોલિવૂડ સેલિબ્રિટીઝની જેમ ચહેરો ચમકાવવા માગો છો, તો અમે તમારા માટે કેટલાક બ્યુટી સિક્રેટ લઈને આવ્યા છીએ, જેને તમે તમારી સ્કિનકેર રૂટીનમાં સરળતાથી ફોલો કરી શકો છો. ઘણી બોલિવૂડ દિવાઓ ગ્લોઈંગ અને ગોરી ત્વચા માટે ઘરેલું ઉપાયો કરે છે. આ ઘરગથ્થુ ઉપચારો માત્ર ત્વચાને સુધારતા નથી પરંતુ પોષણ પણ આપે છે.

સેલેબ્સ તેમની ઇન્સ્ટાગ્રામ સ્ટોરીઝ પર આ રહસ્યો ઘણી વખત શેર કરે છે. ચાલો જાણીએ પ્રિયંકા અને અનન્યાની કુદરતી રીતે ચમકતી ત્વચાનું રહસ્ય.

બોલિવૂડ એક્ટ્રેસ જાહ્નવી કપૂર મોટાભાગે નો મેકઅપ લૂકમાં જોવા મળે છે. અભિનેત્રી ઘણીવાર તેના સોશિયલ મીડિયા એકાઉન્ટ પર ફેસમાસ્ક અને અન્ય ઘરેલું ઉપચાર વિશે વાત કરતી હોય છે.

સામગ્રી

એક ચમચી દહીં અથવા મલાઈ, એક ચમચી મધ અને ઘરે ઉપલબ્ધ કોઈપણ ફળ લો

બનાવવાની રીત

સૌપ્રથમ તમારા ચહેરાને ધોઈ લો અને સાફ કરો. આ પછી એક બાઉલમાં દહીં, મધ અને છૂંદેલા ફળોની પેસ્ટ તૈયાર કરો. આ પછી તેમાં નારંગીનો રસ ઉમેરો. આ પેસ્ટને તમારા ચહેરા પર લગાવો. પેસ્ટ સુકાઈ જાય પછી ઠંડા પાણીથી ધોઈ લો. આ ફેસપેકમાં હાજર મધ અને દહીં ત્વચાને મોઈશ્ચરાઈઝ અને ગ્લોઈંગ રાખવામાં મદદ કરે છે. નારંગી સ્ક્રબની જેમ કામ કરે છે જે ટેનિંગ અને ડેડ સ્કિનને દૂર કરવામાં મદદ કરે છે.

પ્રિયંકા ચોપરા

બોલિવૂડની દેશી ગર્લ પ્રિયંકા ચોપરાની સુંદરતાના ફેન્સ દિવાના છે. જો તમે પણ તેના જેવી ગ્લોઈંગ સ્કિન ઈચ્છો છો, તો આ સ્કિન કેર રૂટિન ફોલો કરો.

સામગ્રી

એક કપ ચણાનો લોટ, એક ચમચી દહીં, અડધું લીંબુ, 2 થી 3 ચમચી ચંદન પાવડર, એક ચમચી હળદર.

બનાવવાની રીત

સૌ પ્રથમ ચણાનો લોટ અને દહીંને સારી રીતે મિક્સ કરો અને તેમાં થોડો લીંબુનો રસ ઉમેરો. જો તમારી પેસ્ટ ખૂબ જાડી થઈ જાય તો તેમાં થોડું દૂધ ઉમેરો. આ પછી, ચંદન પાવડર અને હળદર ઉમેરીને ઘટ્ટ પેસ્ટ તૈયાર કરો. આ પેસ્ટને તમારા ચહેરા અને શરીર પર લગાવો. જ્યારે પેસ્ટ સારી રીતે સુકાઈ જાય ત્યારે તેને પાણીથી ધોઈ લો.

આ ફેસ પેક તમારા ચહેરા અને શરીર માટે સ્ક્રબની જેમ કામ કરે છે. તે તમારી ત્વચા માટે એક્સ્ફોલિએટર, હાઇડ્રેટર અને મોઇશ્ચરાઇઝરનું કામ કરે છે. આ સિવાય તે ટેનિંગથી પણ રાહત આપે છે. આ સિવાય તે ચહેરા પરથી નાના વાળ પણ દૂર કરે છે.

અનન્યા પાંડે

અનન્યા ઘણી યુવતીઓ માટે ફેશન પ્રેરણા છે. તેના સ્ટાઇલ સ્ટેટમેન્ટ દરેકને પ્રભાવિત કરે છે. અભિનેત્રીએ તાજેતરમાં તેની ઇન્સ્ટાગ્રામ સ્ટોરી પર કુદરતી ચમકનું સૌંદર્ય રહસ્ય શેર કર્યું છે.

સામગ્રી

એક ચમચી દહીં, એક ચમચી મધ, એક ચમચી હળદર

આ પણ વાંચો : Katrina’s Beauty Secret : કેટરિના કૈફ સુંદર ત્વચા માટે પીવે છે આ ડ્રિન્ક, જાણો રેસિપી

બનાવવાની પદ્ધતિ

આ બધી વસ્તુઓને એક બાઉલમાં કાઢી, સારી રીતે મિક્સ કરી, પેસ્ટ તૈયાર કરીને ચહેરા પર લગાવો. આ પેસ્ટને 15 મિનિટ સુધી લગાવીને રાખો. મિશ્રણને હળવા હાથે સ્ક્રબ કરો અને તેને સ્વચ્છ પાણીથી ધોઈ લો. તે તમારી ત્વચાને હાઇડ્રેટિંગ અને મોઇશ્ચરાઇઝ કરવામાં મદદ કરે છે. આ સિવાય તે મૂર્ઝાયેલી ત્વચાને દૂર કરવામાં મદદ કરે છે.