રામાયણના ‘રામ’ અરુણ ગોવિલ, સાક્ષી તંવર અને મિથિલા પાલકર સહિત આજે આ સ્ટાર્સના છે બર્થડે

Bollywood Celebrity Today Birthday : આજે 12 જાન્યુઆરીના રોજ લાખો લોકોના દિલો પર રાજ કરનારા અરૂણ ગોવિલ, સાક્ષી તંવર અને સોશિયલ મીડિયા સ્ટાર મિથિલ પાલકરનો જન્મદિવસ છે. આ ખાસ અવસર નિમિત્તે તેમના જીવનના રસપ્રદ પ્રસંગ પર નજર કરીએ.

અરૂણ ગોવિલ

શું તમે જાણો છો કે જો તારાચંદ બડજાત્યા અને સૂરજ બડજાત્યા ન હોત તો અરુણ ગોવિલને રામાયણમાં રામના રોલ માટે સાઈન કરવામાં આવ્યા ન હોત? રામાનંદ સાગરે અગાઉ અરુણ ગોવિલને આ રોલ માટે રિજેક્ટ કર્યા હતા.

એક ઇન્ટરવ્યુમાં અરુણ ગોવિલે કહ્યું હતું કે જ્યારે તે રામાનંદ સાગરની ‘રામાયણ’માં ભગવાન રામના રોલ માટે ઓડિશન આપવા ગયા હતા, ત્યારે તેને રિજેક્ટ કરવામાં આવ્યા હતા. ત્યારબાદ તારાચંદ અને સૂરજ બડજાત્યાએ તેને રામના પાત્ર માટે લુક ટેસ્ટ દરમિયાન તેની સ્મિતનો ઉપયોગ કરવાની સલાહ આપી.

સાક્ષી તંવર

ટીવીની સૌથી લાડકી વહુનો ખિતાબ જીતનાર સાક્ષી તંવરનો (Sakshi Tanwar Birthday) આજે જન્મદિવસ છે. સાક્ષી તંવરે તેની કરિયરમાં ખૂબ જ સિલેક્ટિવ કામ કર્યું છે. ‘કહાની ઘર ઘર કી’ શોથી સાક્ષી તંવરે ટીવીની દુનિયામાં દર્શકોમાં પોતાનું ખાસ સ્થાન બનાવ્યું અને પછીથી તે બધાની ‘પસંદ’ વહુ બની. સાક્ષીએ 19 વર્ષ સુધી એકતા કપૂર (ekta kapoor) સાથે કામ કર્યું છે. આ પછી સાક્ષી તંવરે સીરિયલ ‘રામ’થી ખુબ ખ્યાતિ મેળવી હતી.

સાક્ષીએ એક ઈન્ટરવ્યુમાં એકતા કપૂર માટે કહ્યું હતું કે – જો હું પર્સનલ લેવલ પર કહું તો મેં એકતાને બાળકની જેમ જીદ કરતી જોઈ છે કે તે ઈચ્છે છે, બૂમો પાડે અને પછી મેં તેને એક મહિલા તરીકે પણ જોઈ છે. તે પછી તેઓ જે કહેશે તે થશે. તેણી વ્યવસાયિક રીતે ખૂબ જ સુંદર રીતે વિકસિત થઈ છે. શરૂઆતમાં અમારો સંબંધ ખૂબ જ પ્રોફેશનલ હતો, અમે અઠવાડિયામાં એકવાર મળતા હતા.

આ પણ વાંચો : ‘રામાયણ’માં શ્રી રામના પાત્ર માટે અરૂણ ગોવિલ રિજેક્ટ થયા હતા, જાણો એ…કિસ્સો

મિથિલા પાલકર

મિથિલા પાલકરે મરાઠી શૉર્ટ ફિલ્મ ‘માઝા હનીમૂન’ દ્વારા કરીઅરની શરૂઆત કરી હતી. તેણે પહેલી વાર ઍક્ટિંગ સાતમા ધોરણમાં ઇન્ટર સ્કૂલ ડ્રામા કૉમ્પિટિશનમાં કરી હતી. જોકે ઍક્ટિંગમાં કરીઅર બનાવવા માટે તેના ગ્રૅન્ડ પેરન્ટ્સ તૈયાર નહોતા. તેમની ઇચ્છા હતી કે તે પહેલાં તેનું એજ્યુકેશન પૂરું કરે. ત્યાર બાદ તેણે કંગના રનોટ અને ઇમરાન ખાનની ‘કટ્ટીબટ્ટી’માં કામ કર્યું હતું. ઇરફાનની ‘કારવાં’માં પણ તેણે કામ કર્યું હતું. ફિલ્મો કરતાં તે તેના વેબ-શો માટે ખૂબ જાણીતી છે. તેણે ‘ગર્લ ઇન ધ સિટી’ અને ‘લિટલ થિન્ગ્સ’માં કામ કર્યું છે. તે હિન્દી ફિલ્મમાં છેલ્લે કાજોલ સાથે ‘ત્રિભંગા’માં જોવા મળી હતી.