Chhaava Box Office Collection Day 2 | ફિલ્મ છાવા (Chhaava) 14 ફેબ્રુઆરીએ વેલેન્ટાઇન ડે (Valentine Day) પર થિયેટરમાં રીલીઝ થઇ હતી. મુવી લક્ષ્મણ ઉતેકર દ્વારા દિગ્દર્શિત છે વિકી કૌશલ અને રશ્મિકા મંદન્નાની પીરિયડ ડ્રામા વર્ષની સૌથી મોટી બોલિવૂડ ઓપનર બની છે. ફિલ્મમાં અક્ષય ખન્ના, આશુતોષ રાણા અને દિવ્યા દત્તા પણ મહત્વપૂર્ણ ભૂમિકામાં છે. અક્ષય ઔરંગઝેબના પાત્રમાં જોવા મળે છે. સોશિયલ મીડિયા પર આ ફિલ્મની ખૂબ ચર્ચા થઈ રહી છે. આ ફિલ્મે શરૂઆતના દિવસે બધી ભાષાઓમાં લગભગ 31 કરોડ રૂપિયાનું કલેક્શન કર્યું છે. છાવા બીજા દિવસે બોક્સ ઓફિસ કલેકશન (Chhaava Box Office Collection Day 2) આટલું રહ્યું, અહીં જાણો
છાવા બોક્સ ઓફિસ કલેકશન ડે 2 (Chhawa Box Office Collection Day 2)
ફિલ્મ ‘છાવા’ Sacnilk.com ના મતે બીજા દિવસ સુધી લગભગ 36.5 કરોડ રૂપિયાનો બિઝનેસ કર્યો છે. આ ફિલ્મ માટે વિક્કી કૌશલે પોતાનું વજન ૧૦૫ કિલો સુધી વધાર્યું હતું. તેમના ફિટનેસ ટ્રેનર તેજસ લાલવાણીએ આ વિશે જણાવ્યું હતું. તે જ સમયે, વિકીએ ફિલ્મ માટે ખૂબ મહેનત કરી છે. અભિનેતાએ એક ઇન્ટરવ્યુમાં કહ્યું, “આ ફિલ્મ દ્વારા મેં ઘોડેસવારી શીખી હતી. આ ફિલ્મ દ્વારા મેં તલવારબાજી શીખી છે. આ ફિલ્મ દ્વારા, મને ખબર લાગે છે કે હું ભવિષ્યમાં જરૂર પડે તો હું મારા જીવનમાં શિસ્ત લાવી શકું છું.
આ પણ વાંચો: Chhaava Movie Review | વેલેન્ટાઇન ડે પર પાર્ટનર સાથે છાવા જોવાનો પ્લાન છે? થિયેટર જતા પહેલા રીવ્યુ જાણો
છાવા બોક્સ ઓફિસ કલેક્શન પહેલા દિવસે 31 કરોડ રૂપિયા ની કમાણી કરી હતી, બીજા દિવસે 36.5 કરોડ ની કમાણી કરી ટોટલ 67.5 કરોડ રૂપિયાનો બિઝનેસ કર્યો હતો.
રશ્મિકા મંદાના પોસ્ટ (Rashmika Mandanna Post)
છાવા’ ફિલ્મમાં રશ્મિકા મંદાનાએ તેના ઇન્સ્ટાગ્રામ પર મહારાણી યેસુબાઈના પાત્ર વિશે લખ્યું, “મેં ‘મિમી’ નામની ફિલ્મ જોઈ અને મને તે એટલી ગમી કે હું લક્ષ્મણ સરને મારી ફિલ્મ ‘ગુડબાય’ના સ્ક્રીનિંગ માટે આમંત્રિત કરવા માંગતી હતી.” તો, મેં તેને મેસેજ કર્યો અને તે જ સમયે સફર શરૂ થઈ હતી. કારણ કે સાહેબે તરત જ મને પૂછ્યું કે શું તેઓ મને ફોન કરી શકે છે, અને પછી અમે વાત કરી. તેણે મને કહ્યું કે તે તેની આગામી ફિલ્મ માટે મને મળવા માંગે છે. મને લાગ્યું કે તેઓ ફક્ત ઔપચારિકતાઓમાંથી પસાર થઈ રહ્યા છે, પરંતુ ખરેખર અમારી એક મુલાકાત થઈ, અને તે મારા માટે ખૂબ આનંદની વાત હતી. આ ક્ષણ માટે હું ખરેખર બ્રહ્માંડનો આભાર માનું છું. મને ખબર નહોતી કે સ્ટોરી શું છે, મને ખબર નહોતી કે તેણે મને શા માટે પસંદ કરી, મને ખબર પણ નહોતી કે તે મને રાણી તરીકે કેવી રીતે જુએ છે. મને સમજાતું નહોતું કે શું થઈ રહ્યું છે. જ્યારે મેં સ્ટોરી સાંભળી, ત્યારે હું ચોંકી ગઈ, આશ્ચર્યચકિત થઇ, આભારી અને સાથે સાથે ખૂબ જ ખુશ પણ થઇ. મને સમજાતું નહોતું કે અમે આ પાત્રને કેવી રીતે જીવંત કરીશું.”
