દીપિકા પાદુકોણએ અનંત અંબાણીની સગાઇમાં આકર્ષક લુક માટે લાખો રૂપિયા ખર્ચ્યા, કિંમત જાણીને ચોકી જશો

ભારતના સૌથી ધનિક ઉધોગપતિમાં સ્થાન ધરાવનાર મુકેશ અંબાણીનો પુત્ર (Mukesh Ambani Son) અનંત અંબાણી (Anant ambani) ની ગુજરાતના જાણીતા ઉધોગપતિની દીકરી રાધિકા મર્ચેન્ટ (Radhika Machant) સાથે સગાઇ કરવામાં આવી છે. આ સગાઇમાં બોલિવૂડના દિગ્ગજ કલાકારોએ આકર્ષક લુક સાથે ચાર ચાંદ લગાવી દીધા હતા. જેમાં બોલિવૂડનું સ્ટાર કપલ રણવીર સિંહ અને દીપિકા પાદુકોણ (Ranveer singh and Deepika Padukone) પણ હતા. આ કપલની એન્ટ્રી થતાં જ શટરબગ્સે પોતાનું કામ કરવાનું શરૂ કરી દીધું હતું.

દીપિકાની સાડી આ ડિઝાઇનરે તૈયાર કરી

દીપિકા પાદુકોણે (Deepika Padukone) આ સગાઇ દરમિયાન મોંઘીદાટ લાલ રંગની સાડી પહેરી હતી, તેમાં તે એટલી સુંદર લાગી રહી હતી કે તેની સામે દુલ્હનનો લૂક પણ ફીક્કો લાગી રહ્યો હતો. સામાન્ય રીતે દીપિકા સાડી માટે ભારતના જાણીતા ડિઝાઇનર સબ્યસાચી (Sabyasachi Saree) ને પ્રાયોરિટી પર રાખે છે. પરંતુ આ વખતે તેણે અન્ય ડિઝાઇનરના આઉટફિટ્સ પસંદ કર્યા હતા. જે માટે તેણે લાખો રૂપિયા ખર્ચ્યા હતા.

દીપિકા માટે જ ખાસ ડિઝાઇન કરવામાં આવી હતી

દીપિકા પાદુકોણે જે હેવી વર્કવાળી સાડી પહેરી હતી તેને સ્ટાઇલિશ શલીના થનાનીએ સબ્યસાચી મુખર્જીના બદલે અન્ય ડિઝાઇનર તોરાનીના કલેક્શનમાંથી પસંદ કરી હતી. આ સિંદૂરી તાશી સાડીના ટ્રેડિશનલ ડ્રેપને કસ્ટમ ટચ આપતા દીપિકા માટે જ ખાસ ડિઝાઇન કરવામાં આવી હતી. આ સાડીને ઓર્ગેન્ઝા સિલ્કમાં તૈયાર કરવામાં આવી છે. જેની કિંમત પણ અન્ય શીયર ક્લોથ્સની સરખામણીએ વધારે હોય છે. દીપિકાની સાડીને હેન્ડ એન્ડ ડોરી એમ્બ્રોયડરીથી સજાવવામાં આવી હતી. જ્યારે ગોલ્ડન તારથી કરવામાં આવેલી એમ્બ્રોયડરીએ લૂકમાં ચાર ચાંદ લગાવી દીધા છે.

આ રીતે સાડી તૈયાર

અડ્ડા એમ્બ્રોયડરીને આરી એમ્બ્રોયડરી પણ કહેવામાં આવે છે, જેમાં જે કપડાં પર એમ્બ્રોયડરી કરવાની હોય છે, તેને એક ખાટ અથવા અડ્ડા ફ્રેમમાં ટાઇટ બાંધી દેવામાં આવે છે. બાંધ્યા બાદ કપડાં પર ક્રોશે હૂક જેવા ટૂલ્સથી વર્ક કરવામાં આવે છે. સામાન્ય રીતે તેમાં ચેન સ્ટિચ જેવી થ્રેડ વિવિંગનો ઉપયોગ થાય છે. એમ્બ્રોયડરીને વધુ ખાસ બનાવવા માટે અલગ અલગ નગ, મોતી, પત્થર, સ્ટાર્સનો પણ ઉપયોગ થાય છે. દીપિકાની સાડી માટે ઉપયોગમાં લેવાયેલી તમામ ચીજો ટોપ ક્વોલિટીની હતી.

આ પણ વાંચો: અનંત અંબાણી અને રાધિકા મર્ચેન્ટની એંટિલિયામાં ભવ્ય સગાઇ, જુઓ તસીવરો

દીપિકાની રેડ સાડીની કિંમત

એક્ટ્રેસની સાડીની કિંમતને તોરાણીની ઓફિશિયલ વેબસાઇટ પર મેન્શન કરવામાં આવી છે. આ સાડીની કિંમત 1,49,500 હતી. દીપિકાની સાડી જ નહીં પણ ટ્રેડિશનલ લૂકમાં પરફેક્શન એલિમેન્ટ એડ કરતા બ્લાઉઝની કિંમતની પણ ઝટકો આપે છે. ડિઝાઇનરની સાઇટ પર મોજૂદ જાણકારી અનુસાર, એક્ટ્રેસ માટે બટરફ્લાય નેટથી રેડી કરવામાં આવેલા બંધ ગળાની કિંમત 32,500 રૂપિયા હતી. આ કિંમતમાં કોઇ પણ વ્યક્તિ દુબઇની મુસાફરી કરી શકે છે.