અભિનેત્રી દીપિકા પાદુકોણ (Deepika Padukone) અને રણવીર સિંહ (Ranveer Singh) બોલીવુડના હોટ ફેવરિટ કપલમાંથી એક છે. દીપિકા પાદુકોણ અત્યારે પ્રેગ્નેન્સી ફેઝ ઇન્જોય કરી રહી છે, એવામાં સમાચાર સામે આવી રહ્યા છે કે કપલએ મુંબઈમાં નવું ઘર ખરીદ્યુ છે અને ટૂંક સમયમાં ત્યાં શિફ્ટ થઈ શકે છે. અહીં જાણો વિગતવાર,
દીપિકા રણવીરનું નવું ઘર (Deepika Ranveer New Home)
સ્ટાર કપલ દીપિકા પાદુકોણ અને રણવીર સિંહએ બાંદ્રામાં એક આકર્ષક એપાર્ટમેન્ટ ખરીદ્યું છે, જે સુપરસ્ટાર શાહરૂખ ખાનના બંગલા મન્નતની બાજુમાં આવેલ છે અને એક નવો વિડિયો જે સોશિયલ મીડિયા પર સામે આવ્યો છે તે બિલ્ડિંગનું કામકાજ પૂર્ણ થવાને આરે છે. રિપોર્ટ અનુસાર તે બાંદ્રામાં મન્નતની બાજુમાં સ્થિત એક વૈભવી સી ફેસિંગ ક્વાડ્રુપલ છે. કપલ કથિત રીતે તેમના નવા ઘરમાં જવાનો પ્લાન કરી રહ્યા છે.
તાજતેરમાં એક નવો વીડિયો સામે આવ્યો છે જે એપાર્ટમેન્ટની તૈયાર થવાને આરે છે તે દર્શાવે છે. મની કંટ્રોલના રિપોર્ટમાં નોંધવામાં આવ્યું છે કે દીપિકા પાદુકોણ અને રણવીર સિંહનું નવું નિવાસસ્થાન બિલ્ડિંગના 16 થી 19માં માળે રહેશે, જેમાં ‘વિશાળ 11,266 ચોરસ ફૂટની ઇન્ટર્નલ સ્પેસ અને વધારાની 1,300 ચોરસ ફૂટ ખાનગી ટેરેસ આપવામાં આવશે.’
આ પણ વાંચો: Kriti Sanon : કૃતિ સેનેને ડાન્સ કર્યો સ્ટેડિયમમાં અને વાત લગ્ન સુધી પહોંચી ગઇ…
નવી ઇમારતમાં હજુ બાંધકામ થઇ રહ્યું છે, શાહરૂખ ખાનના બંગલાથી થોડા મીટર દૂર છે અને તે સમુદ્ર અને બેન્ડસ્ટેન્ડ સહેલગાહનું અદભૂત દૃશ્ય પ્રદાન કરશે. આ દંપતીએ બે વર્ષ પહેલા અલીબાગમાં 22 કરોડ રૂપિયામાં એક બંગલો પણ ખરીદ્યો હતો.
દીપિકા પાદુકોણ અને રણવીર સિંહએ વર્ષ 2013 માં રામ લીલાના સેટ પર ડેટિંગ કરવાનું શરૂ કર્યું હતું, 2018 માં લગ્ન કર્યા હતા. આ કપલે ફેબ્રુઆરીમાં પ્રેગ્નેન્સીની જાહેરાત કરી હતી. વર્ક ફ્રન્ટ પર, દીપિકા પાદુકોણએ છેલ્લા બે વર્ષમાં પઠાણ, જવાન, ફાઇટર અને કલ્કી એડી 2898 જેવી ફિલ્મો કરી છે. તે સિંઘમ અગેઇનમાં ફરીથી સ્ક્રીન પર જોવા મળશે, જે દિવાળી દરમિયાન રિલીઝ થઇ શકે છે. રણવીર સિંહએ આ દરમિયાન આદિત્ય ધરની આગામી ફિલ્મ, એક સ્પાઈ થ્રિલરનું શૂટિંગ શરૂ કર્યું છે, જેમાં સંજય દત્ત, આર માધવન, અર્જુન રામપાલ અને અક્ષય ખન્ના પણ છે.
