કાંતારા વિવાદ વચ્ચે રણવીર સિંહએ ન્યુ યોર્કમાં લગ્નમાં દિલથી કર્યો ડાન્સ, દીપિકા પાદુકોણ સાથે ફોટોઝ થયા વાયરલ, જુઓ

મનોરંજન ન્યૂઝ | દીપિકા પાદુકોણ (Deepika Padukone) અને રણવીર સિંહ (Ranveer Singh) તાજેતરમાં જ ન્યૂ યોર્કમાં તેના નજીકના મિત્રના લગ્નમાં હાજરી આપીને હેડલાઇન્સમાં આવ્યા હતા, શહેરમાં નવું વર્ષ 2026 ઉજવ્યા પછી હવે લગ્નના વધુ ફોટા સોશિયલ મીડિયા પર વાયરલ થયા છે. 

ફોટામાં દીપિકા પાદુકોણ તેના મિત્રો સાથે શાંતિથી પોઝ આપતી જોવા મળે છે, જ્યારે બીજી તરફ રણવીર સિંહ પાર્ટીમાં પોતાની સિગ્નેચર એનર્જીથી ખુલ્લીને  દિલને ડાન્સ કરતો જોવા મળે છે.

દીપિકા પાદુકોણ રણવીર સિંહ ફોટોઝ 

ફોટામાં દીપિકા ઘેરા પર્પલ કલરની સાડીમાં સુંદર રીતે પોશાક પહેરેલી દેખાય છે, જ્યારે રણવીર વાદળી મખમલના સૂટમાં ખૂબ જ સુંદર દેખાઈ રહ્યો છે. આ કપલ ડાન્સ ફ્લોર પર તાળીઓ પાડતા અને આનંદ માણતા જોવા મળ્યા હતા. અન્ય ફોટામાં રણવીર સિંહ દુલ્હન સાથે પરફેક્ટ એનર્જી સાથે ડાન્સ કરતો જોવા મળે છે. તે ભાંગડાના મૂવ્સ કરતો જોવા મળે છે. નીચેના ફોટામાં દીપિકા દુલ્હન અને વરરાજા સાથે તેમના પરિવારો સાથે પોઝ આપતી દેખાય છે.

More moments from Deepika Padukone’s friend’s wedding in New York city 😍
by u/Wingardium_Leviosa9 in BollyBlindsNGossip

ડિસેમ્બર 2025 માં ધુરંધરની બ્લોકબસ્ટર રિલીઝ પછી, દીપિકા અને રણવીર તેમની પુત્રી દુઆ સાથે નવા વર્ષની ઉજવણી કરવા માટે ન્યૂ યોર્ક ગયા હતા. નવા વર્ષની પાર્ટી કરતી વખતે, તેઓએ ન્યૂ યોર્ક નિક્સ અને એટલાન્ટા હોક્સ વચ્ચેની NBA ગેમમાં પણ હાજરી આપી હતી. રમત દરમિયાન ઘણા ચાહકોએ કપલ સાથે ફોટા ક્લિક કર્યા હતા.

રાની મુખર્જીનું મર્દાની 3 થિયેટરમાં રિલીઝ, એકટ્રેસ દ્વારા 'અમ્મા'ની પ્રશંસા,આદિત્ય ચોપરા વિશે શું કહ્યું?

રણવીર સિંહ 19 માર્ચે રિલીઝ થનારી 'ધુરંધર 2' માટે તૈયારી કરી રહ્યો છે. પાછલી ફિલ્મ અત્યાર સુધીની સૌથી વધુ કમાણી કરનારી હિન્દી ફિલ્મ બની હતી, જેણે રિલીઝ થયાના મહિનાઓ પછી બોક્સ ઓફિસ પર પ્રભુત્વ જમાવ્યું હતું. 2023 માં આવેલી તેની હિટ ફિલ્મ 'રોકી ઔર રાની કી પ્રેમ કહાની' પછી આ ફિલ્મે રણવીર સિંહને ફોર્મમાં પાછો લાવ્યો હતો. 

દીપિકા પાદુકોણએ તાજેતરમાં બે મોટી ફિલ્મો સ્પિરિટ અને કલ્કી 2898 એડી' ની સિક્વલ છોડી દેવા બદલ સમાચારમાં રહી છે. તે આગામી ફિલ્મ 'કિંગ'માં શાહરૂખ ખાન સાથે જોવા મળશે. સિદ્ધાર્થ આનંદ દ્વારા દિગ્દર્શિત આ ફિલ્મમાં અભય વર્મા, અરશદ વારસી, અભિષેક બચ્ચન, જયદીપ અહલાવત, રાઘવ જુયાલ અને સુહાના ખાન પણ થિયેટર ડેબ્યૂમાં જોવા મળશે.