પ્રજાસત્તાક દિવસ પર ધુરંધર કે બોર્ડર 2 કઈ મુવીએ બોક્સ ઓફિસ પર રચ્યો ઇતિહાસ?

મનોરંજન ન્યૂઝ | 23 જાન્યુઆરીએ રિલીઝ થયેલ બોર્ડર 2 (Border 2) મુવી બોક્સ ઓફિસ પર  ધૂમ મચાવી રહી છે. માત્ર ચાર દિવસમાં, ફિલ્મે ભારતમાં ₹ 177 કરોડ અને વિશ્વભરમાં ₹239.2 કરોડની કમાણી કરી છે. તો બીજી તરફ 53મા દિવસે પણ 'ધુરંધર' (Dhurandhar) મુવી બોક્સ ઓફિસ પર ટંકશાળ પાડી રહી છે. પ્રજાસત્તાક દિવસે (Republic Day) આ બંને ફિલ્મો હીટ રહી. 

પ્રજાસત્તાક દિવસે (Republic Day) પર 53મા દિવસે પણ 'ધુરંધર' બોક્સ ઓફિસ પર કમાણી કરવાનું ચાલુ રહ્યું છે, અહીં જાણો ધુરંધર બોક્સ ઓફિસ કલેકશન.

ધુરંધરે 2026ના પ્રજાસત્તાક દિવસે ₹1000 કરોડના ભારતીય કમાણી ક્લબમાં પ્રવેશ કરીને ઇતિહાસ રચ્યો, આ સિદ્ધિ હાંસલ કરનારી પ્રથમ સિંગલ-ભાષાની ફિલ્મ બની છે.

ધુરંધર બોક્સ ઓફિસ કલેકશન ડે 53 (Dhurandhar Box Office Collection Day 53) 

બોક્સ ઓફિસ ટ્રેકર સેકનિલ્ક મુજબ ફિલ્મે ભારતમાં ૫૩ દિવસમાં ₹835 કરોડની કમાણી કરી છે, જે તેની ભારતની 10 અબજની કમાણીને વટાવી ગઈ છે. વિદેશમાં, ફિલ્મે 294.2 કરોડની કમાણી કરી છે. 53 દિવસમાં વિશ્વભરમાં કુલ કમાણી ₹ 1294 કરોડ થઈ ગઈ છે. 

ધુરંધરે પુષ્પા 2 ધ રૂલનો રેકોર્ડ તોડ્યો હતો

ધુરંધરના ભારતમાં કુલ કમાણી ₹1000 કરોડને વટાવી ગઈ છે, જે બાહુબલી 2, KGF: ચેપ્ટર 2 અને પુષ્પા 2: ધ રૂલને પાછળ છોડી ગઈ છે. ધુરંધર એક જ ભાષામાં કમાણીના આ લેવલને પ્રાપ્ત કરનારી પ્રથમ ફિલ્મ પણ બની છે, જ્યારે અન્ય ફિલ્મો ડબ વર્ઝન હતી. 

બોર્ડર 2 બોક્સ ઓફિસ કલેકશન

23 જાન્યુઆરીએ રિલીઝ થયેલી બોર્ડર 2 ની વાત કરીએ તો, પહેલા દિવસે 30 કરોડની કમાણી કર્યા પછી, બીજા દિવસે 36.5 કરોડની કમાણી કરી, જ્યારે ત્રીજા દિવસે 54.5 કરોડની કમાણી કરી. 26 જાન્યુઆરીએ ગણતંત્ર દિવસ પર, ફિલ્મે ૫૯ કરોડની કમાણી કરી. આ સાથે, ફિલ્મે ભારતમાં તેના પહેલા ચાર દિવસમાં 180 કરોડની કમાણી કરી છે, જ્યારે વિશ્વભરમાં 239.2 કરોડની કમાણી કરી છે.

Republic Day 2026। પ્રજાસત્તાક દિવસ પર આ મુવીઝ જોવાનું ભૂલતા નહિ, સ્ટોરી બંધારણનું મહત્વ સમજાવી દેશભકિતની લાગણી જગાડશે !

ધુરંધર ઓટીટી રિલીઝ (Dhurandhar OTT Release) 

અહેવાલો અનુસાર, 5 ડિસેમ્બરે રિલીઝ થયેલી ધુરંધર ફિલ્મે બોક્સ ઓફિસ પર સફળતાના 50 દિવસ પૂર્ણ કરી લીધા છે, અને હવે OTT રિલીઝની તૈયારીઓ ચાલી રહી છે. એવું કહેવાય છે કે આ ફિલ્મ જાન્યુઆરી 2026 ના અંત સુધીમાં નેટફ્લિક્સ પર રિલીઝ થઈ શકે છે.