Dunki Box Office Collection Day 5 : શાહરૂખ ખાનની ડંકીએ પાંચમાં દિવસે કરી કમાણી, જાણો ફિલ્મનું કુલ કલેક્શન

Dunki Box Office Collection Day 5 : શાહરૂખ ખાનની ફિલ્મ 'ડંકી' 21 ડિસેમ્બરે થિયેટર્સમાં રિલીઝ થઈ હતી. ફિલ્મે પહેલા દિવસે લગભગ 30 કરોડ રૂપિયાનો બિઝનેસ કર્યો હતો. ફિલ્મ રિલીઝ થયાને પાંચ દિવસ સંપૂર્ણ થઇ ગયા છે. ત્યારે શાહરૂખ ખાનની ફિલ્મ દુનિયાભરમાં ધૂમ મચાવી રહી છે. આવી સ્થિતિમાં ડંકીના પાંચમાં દિવસની કમાણીના આંકડા સામે આવી ગયા છે.

મીડિયા અહેવાલ અનુસાર, ડંકીએ પાંચમા દિવસે બોક્સ ઓફિસ પર કુલ 22.50 કરોડ રૂપિયાનો બિઝનેસ કર્યો છે. જે બાદ 'ડિંકી'નું કુલ કલેક્શન 128.13 કરોડ થઈ ગયું છે.

'ડંકી' પ્રભાસ સ્ટારર 'સાલાર' સાથે સ્પર્ધા કરી રહી છે. આ ફિલ્મ ડંકીના એક દિવસ પછી રિલીઝ થઈ હતી, પરંતુ બોક્સ ઓફિસ કલેક્શનમાં તેનાથી ઘણી આગળ નીકળી ગઈ છે. 'ડંકી'એ શરૂઆતના દિવસે લગભગ 29 કરોડ રૂપિયાનું કલેક્શન કર્યું હતું. બીજા દિવસે આ આંકડો વધુ ઘટ્યો અને ફિલ્મ માત્ર 20 કરોડમાં સમેટાઇ ગઇ હતી.

ડંકીએ ત્રીજા દિવસે ફિલ્મે 25.61 કરોડનો બિઝનેસ કર્યો અને ચોથા દિવસે 'ડંકી'એ સૌથી વધુ કમાણી કરી. આ દિવસ માટે ફિલ્મનું કલેક્શન 30.7 કરોડ રૂપિયા હતું. પ્રારંભિક આંકડાઓ અનુસાર, 'ડંકી'એ પાંચમા દિવસે 22.50 કરોડ રૂપિયાનો બિઝનેસ કર્યો હતો. જે બાદ ફિલ્મનું કુલ કલેક્શન 128.13 કરોડ થઈ ગયું છે.

શાહરૂખ ખાનની 'ડંકી' ભલે બોક્સ ઓફિસ પર સારી કમાણી ન કરી રહી હોય, પરંતુ આ વર્ષની તેની અન્ય બે ફિલ્મોએ ઘણા રેકોર્ડ તોડ્યા છે. કિંગ ખાનની 'પઠાણ'એ વર્ષની શરૂઆત શાનદાર કરી હતી. તે જ સમયે, 'જવાન' એ રેકોર્ડ તોડ્યો અને કમાણી કરી. કિંગ ખાનની આ ફિલ્મ ભલે કમાણીના મામલામાં તે બે ફિલ્મોને ટક્કર આપી ન શકે, પરંતુ દર્શકોને તે ખૂબ જ પસંદ આવી રહી છે.

'ડંકી'ને રાજકુમાર હિરાણીએ ડિરેક્ટ કરી છે. ફિલ્મમાં શાહરૂખ ખાન ઉપરાંત તાપસી પન્નુ, બોમન ઈરાની, સતીશ શાહ, વિકી કૌશલ અને વિક્રમ કોચર પણ મહત્વના રોલમાં છે. ડંકી ફિલ્મથી પહેલી વાર એવું બન્યું છે કે બોલિવૂડના સૌથી સફળ ડાઇરેક્ટર માંથી એક એવા રાજકુમાર હીરાણી અને સુપરસ્ટાર શાહરુખ ખાન એક સાથે આવ્યા છે. ફિલ્મ પાસેથી જેવી આશા હતી ફિલ્મ તેવી નીવડી પણ છે અને સમીક્ષકો હોય કે દર્શકો, દરેક જણ ફિલ્મના વખાણ કરી રહ્યા છે.

આ પણ વાંચો : આલિયા ભટ્ટ અને રણબીર કપૂરે ફેન્સને ક્રિસમસના તહેવાર પર ફેન્સને શાનદાર ભેટ આપી, કપલે દીકરી રાહાની ઝલક દેખાડી, જુઓ વીડિયો

આ ફિલ્મમાં દેશ પ્રત્યેનો ઘણો પ્રેમ દર્શાવવામાં આવ્યો છે. આ ઉપરાંત, તે ગેરકાયદેસર ઇમિગ્રેશન પર પણ આધારિત છે, તેથી આ ફિલ્મ દરેક માટે જોવા યોગ્ય છે. આ કારણે રાષ્ટ્રપતિ ભવન ખાતે DUNKI ની વિશેષ સ્ક્રીનિંગનું આયોજન કરાયું હતુ.