રામ ચરણ ની ગેમ ચેન્જર એ ત્રીજા દિવસે આટલી કરી કમાણી, પુષ્પા 2, ફતેહ અને મુસાફાની રવિવારે કેવી રહી હાલત?

રામ ચરણ (Ram Charan) ની ગેમ ચેન્જર (Game Changer) માત્ર ત્રણ દિવસમાં જ ઓછી કમાણી કરી હોય તેવું લાગી રહ્યું છે. તે જ સમયે ફતેહ પણ દર્શકોને થિયેટરોમાં આકર્ષવામાં નિષ્ફળ રહી છે. જો કે મુફાસા (Mufasa) અને પુષ્પા 2 (Pushpa 2) હજુ પણ બોક્સ ઓફિસ પર મજબૂત કમાણી કરી રહી છે. આ ઉપરાંત ડાકુ મહારાજ (Daaku Maharaaj) પણ તાજેતરમાં જ રિલીઝ થયા છે. અહીં જાણો રવિવારે કઈ ફિલ્મે કેટલી કમાણી કરી છે.

ફતેહ (Fateh)

સોનુ સૂદની ફિલ્મ ફતેહ બોક્સ ઓફિસ પર ખાસ કમાલ કરી શકી નથી. આ ફિલ્મ પહેલા વીકેન્ડમાં 10 કરોડ રૂપિયા સુધી પણ પહોંચી શકી નથી. રવિવારે ફિલ્મનું કલેક્શન 2 કરોડ 10 લાખ રૂપિયા હતું. ફિલ્મની કુલ કમાણી હવે 6 કરોડ 60 લાખ રૂપિયા પર પહોંચી ગઈ છે.

મુફાસા (Mufasa)

મુફાસા ધ લાયન કિંગ ભારતીય બોક્સ ઓફિસ પર સારી કમાણી કરવામાં સફળ રહી છે. ફિલ્મ હજુ પણ ટિકિટ બારી પર છે. 24માં દિવસે ફિલ્મે 2 કરોડ રૂપિયાનું કલેક્શન કર્યું હતું. આ સાથે જ ફિલ્મની કુલ કમાણી 131.7 કરોડ રૂપિયા પર પહોંચી ગઈ છે.

આ પણ વાંચો: Game changer VS Fateh Box Office: ગેમ ચેન્જર સામે બોક્સ ઓફિસનો કિલ્લો ફતેહ ન કરી શક્યા સોનૂ સૂદ, રામ ચરણે બીજા દિવસે બદલી ‘ગેમ’

ડાકુ મહારાજ (Daaku Maharaaj)

નંદમુરી બાલકૃષ્ણ અભિનીત ડાકુ મહારાજ ફિલ્મ પણ તાજેતરમાં રિલીઝ થઈ છે. આ ફિલ્મ બોબી કોલીએ ડિરેક્ટ કરી છે. ફિલ્મમાં બોબી દેઓલ પણ જોવા મળશે. મીડિયા રિપોર્ટ્સ અનુસાર, ફિલ્મનું બજેટ 100 કરોડ રૂપિયા છે. આ ફિલ્મે બોક્સ ઓફિસ પર સારી શરૂઆત કરી છે. રવિવારે રિલીઝ થયેલી આ ફિલ્મે પહેલા દિવસે 22.5 કરોડનું કલેક્શન કર્યું છે.

ગેમ ચેન્જર (Game Changer)

અભિનેતા રામ ચરણને તેમના ચાહકો પ્રેમથી વૈશ્વિક સ્ટાર કહે છે. જોકે, તેની તાજેતરની ફિલ્મ 'ગેમ ચેન્જર' ભારતમાં જ સારું પ્રદર્શન કરી શકી નથી. લગભગ 450 કરોડના બજેટમાં બનેલી આ ફિલ્મ અત્યાર સુધી 100 કરોડના આંકડા સુધી પણ પહોંચી શકી નથી. ફિલ્મની ધીમી ગતિને કારણે હવે તે ફ્લોપ થવાનો ભય છે. લેટેસ્ટ આંકડાઓ અનુસાર, ફિલ્મે ત્રીજા દિવસે 17 કરોડ રૂપિયાની કમાણી કરી છે. આ સાથે ફિલ્મનું કુલ કલેક્શન હવે 89.6 કરોડ રૂપિયા પર પહોંચી ગયું છે.

પુષ્પા 2 (Pushpa 2)

અલ્લુ અર્જુન સ્ટારર પુષ્પા 2 હજુ પણ બોક્સ ઓફિસ પર સફળ છે. ફિલ્મે 39માં દિવસે 2 કરોડ 35 લાખ રૂપિયાનું કલેક્શન કર્યું હતું. હવે ફિલ્મની કુલ કમાણી 1220.50 કરોડ રૂપિયા પર પહોંચી ગઈ છે.