Homebound Premiere | હોમબાઉન્ડ પ્રીમિયરમાં જાન્હવી કપૂર મમ્મી શ્રીદેવીની સાડીમાં દેખાઈ, શિખર પહાડિયાની ફેમિલી સાથે પોઝ આપ્યા

Homebound Premiere | નીરજ ઘાયવાનની ખૂબ જ પ્રશંસા પામેલી ફિલ્મ હોમબાઉન્ડ (Homebound) નો પ્રીમિયર સોમવારે રાત્રે મુંબઈમાં યોજાયો હતો. આ ફિલ્મમાં ઈશાન ખટ્ટર (Ishaan Khatter), વિશાલ જેઠવા (Vishal Jehtwa) અને જાન્હવી કપૂર (Janhvi Kapoor) મુખ્ય ભૂમિકામાં છે. આ સ્ટાર-સ્ટડેડ ઇવેન્ટમાં અર્જુન કપૂર, મલાઈકા અરોરા, ફરાહ ખાન, ઋત્વિક રોશન, વિક્કી કૌશલ અને અન્ય સહિત અનેક બોલિવૂડ સેલિબ્રિટીઓએ હાજરી આપી હતી.

અર્જુન કપૂર અને મલાઈકા અરોરા રહ્યા હાજર

અર્જુન કપૂર અને મલાઈકા અરોરા, જેમણે 2024 માં બ્રેકઅપ કર્યા પહેલા ઘણા વર્ષો સુધી ડેટિંગ કર્યું હતું, તેઓ પાપારાઝી માટે અલગથી પોઝ આપતા જોવા મળ્યા હતા. રસપ્રદ વાત એ છે કે, ભૂતપૂર્વ કપલ લગભગ એક જ સમયે સ્થળ પર પ્રવેશ્યા હતા અને લોકોના એક જ ગ્રુપ સાથે વાતચીત કરતા જોવા મળ્યા હતા.

સાંજે ફરાહ ખાન અને કરણ જોહર વચ્ચે હળવી વાતચીત પણ થઈ હતી. ફરાહના પ્રખ્યાત રસોઈયા દિલીપ, જે ઘણીવાર તેના વ્લોગમાં દેખાય છે, તેનો ઉલ્લેખ કરતા, કરણે તેણીને ચીડવતા કહ્યું, “હું કહેવા માંગુ છું કે દિલીપ કરતાં વધુ લોકપ્રિય કોઈ નથી. દિલીપ ઝ્યાદા આગે નહીં ચલા ગયા?” આના પર, ફરાહે મજાકમાં પૂછ્યું, “મારું શું?” કરણે ઝડપથી કટાક્ષ કર્યો, “ના, ના.”

પ્રીમિયરના બીજા વાયરલ પળમાં વિક્કી કૌશલ ઇશાન ખટ્ટરને ગળે લગાવીને ફિલ્મ માટે અભિનંદન આપતા જોવા મળ્યા હતા. ઋતિક રોશન પણ બ્લેક કલરના લુકમાં પહોંચ્યા, બધા જ ખુશ જોવા મળે છે. ફરહાન અખ્તર તેની પત્ની શિબાની દાંડેકર સાથે આ કાર્યક્રમમાં હાજરી આપી હતી, જ્યારે રિયા ચક્રવર્તી પણ આ કપલ સાથે જોવા મળી હતી.

જાન્હવી કપૂર તેની માતા, સ્વર્ગસ્થ પીઢ અભિનેત્રી શ્રીદેવીની બ્લ્યુ અને બ્લેક સાડીમાં ખૂબ જ સુંદર દેખાતી હતી. આ કાર્યક્રમમાં તે બોયફ્રેન્ડ શિખર પહારિયાના પરિવાર સાથે પણ પોઝ આપતી જોવા મળી હતી.

પ્રીમિયરના થોડા દિવસો પહેલા, હોમબાઉન્ડને 2026 ના એકેડેમી એવોર્ડ્સ માટે બેસ્ટ આંતરરાષ્ટ્રીય ફીચર સિરીઝમાં ભારતની સત્તાવાર એન્ટ્રી તરીકે જાહેર કરવામાં આવ્યું હતું . આ ફિલ્મ કરણ જોહર દ્વારા સહ-નિર્માણ કરવામાં આવી છે, જેમાં હોલીવુડના દિગ્ગજ માર્ટિન સ્કોર્સી તેના એક્ઝિક્યુટિવ નિર્માતા તરીકે સેવા આપી રહ્યા છે. તેનું વર્લ્ડ પ્રીમિયર 2025 ના કાન્સ ફિલ્મ ફેસ્ટિવલમાં થયું હતું.

હોમબાઉન્ડ મુવી (Homebound Movie)

"હોમબાઉન્ડ" બે મિત્રો ચંદન (જેઠવા), એક દલિત, અને શોએબ (ખટ્ટર), એક મુસ્લિમ ની સ્ટોરી કહે છે, જેઓ મુશ્કેલીઓને હરાવવા અને પોતાના માટે વધુ સારું જીવન બનાવવા માટે કટિબદ્ધ છે.