Indian Idol 14 Winner : ઈન્ડિયન આઈડલ 14નો વિજેતા વૈભવ ગુપ્તા, મોંઘીદાટ કાર સાથે પ્રાઇઝ મનીમાં શું-શું મળ્યું?

Indian Idol Winner Vaibhav Gupta : સોની ટીવી રિયાલીટી સિંગિંગ શો 'ઈન્ડિયન આઈડલ 14' ચાર મહિના કરતા વધુ સમયથી લોકોનું મનોરંજન કરી રહ્યો હતો. હવે આ શોને તેનો 14મો વિનર મળી ગયો છે. લાંબી રેસ પછી વૈભવ ગુપ્તા (Vaibhav Gupta) આ શોનો વિજેતા બન્યો. વૈભવ ગુપ્તાએ શરૂઆતથી જ પોતાના અવાજથી કરોડો દર્શકોના દિલ જીતી લીધા હતા. આ અહેવાલમાં જાણો વૈભવ ગુપ્તા અંગે દિલચસ્પ વાતો અને તેને ટ્રોફી સાથે શું-શું મળ્યું?

મહત્વનું છે કે, વૈભવ ગુપ્તા સાથે ફાઇનલમાં અન્ય પાંચ સ્પર્ધક હતા. આ શોનો રનર અપ સુભદીપ દાસ હતો, જેને 5 લાખ રૂપિયાનું ઇનામ આપવામાં આવ્યું હતું. સેકન્ડ રનર અપ પીયૂષ પંવારને પણ ચેનલ દ્વારા ટ્રોફી સાથે 5 લાખ રૂપિયાનો ચેક આપવામાં આવ્યો છે. જ્યારે શોની ત્રીજી રનર અપ અનન્યા પાલનીને 3 લાખ રૂપિયાના ચેકથી સન્માનિત કરવામાં આવી હતી. તમને જણાવી દઈએ કે અનન્યા પાલ, અંજના, આદ્યા મિશ્રા, પીયૂષ પંવાર, સુભદીપ દાસ અને વૈભવ ગુપ્તા શોના છેલ્લા સ્ટેજ પર પહોંચ્યા હતા. જો કે, જેણે પોતાના અવાજથી નિર્ણાયકો અને પ્રેક્ષકોને સૌથી વધુ પ્રભાવિત કર્યા તે વૈભવ ગુપ્તા હતા.

વૈભવ ગુપ્તાને ટ્રોફી સાથે 25 લાખની ઈનામી રકમ અને મારુતિની ચમચમાતી બ્રેઝા ભેટ તરીકે મળી હતી.

કોણ છે વૈભવ ગુપ્તા?

વૈભવ ગુપ્તાએ પ્રારંભથી જ પોતાના મંત્રમુગ્ધ અવાજથી કરોડો દર્શકોના દિલ જીતી લીધા હતા. નાનકરી શહેરની મંટોરા સ્કૂલમાં ભણેલા વૈભવને શરૂઆતથી જ સંગીત પ્રત્યે અદ્ભુત લગાવ હતો. તેથી વૈભવ ગુપ્તાએ શાળામાં જ શાસ્ત્રીય સંગીતની તાલીમ લીધી હતી. જો કે વૈભવના પિતા ઈચ્છતા હતા કે તે 12માં ધોરણ પછી એન્જિનિયરિંગ કરે, પરંતુ તેણે સંગીતમાં જ કારકિર્દી બનાવવાનું નક્કી કરી લીધું હતુ. વૈભવનું નસીબ એટલું સારું હતું કે 12 પછી તરત જ ઈન્ડિયન આઈડલ માટે તેની પસંદગી થઈ ગઈ અને તે આ શોનો વિજેતા પણ બન્યો.

આ પણ વાંચો : Anant Ambani Radhika Marchant : મહા આરતીમાં અનંત અંબાણી અને રાધિકા મર્ચન્ટની ગ્રૈન્ડ એન્ટ્રી, જુઓ વીડિયો

ઉલ્લેખનીય છે કે, વિશાલ દદલાની, કુમાર સાનુ અને શ્રેયા ઘોષાલ 'ઈન્ડિયન આઈડલ 14'માં જજ તરીકે જોવા મળ્યા હતા. તે જ સમયે, બોલિવૂડ પ્લેબેક સિંગર અને નેહા કક્કરના જજ સોનુ નિગમ ગ્રાન્ડ ફિનાલેમાં ખાસ અતિથિ તરીકે દેખાયા હતા. આ બંનેએ આ શોમાં પોતાની સ્વર પ્રતિભાનું પણ પ્રદર્શન કર્યું હતું.