Ira Khan Nupur Shikhre Wedding Photo : બોલિવૂડ એક્ટર આમિર ખાનની દીકરી ઇરા ખાન સેલિબ્રિટી ફિટનેસ ટ્રેનર નુપુર શિખરે સંગ લગ્નના બંધનમાં બંધાઇ ગઇ. ઇરા ખાન અને નુપુર શિખરેએ 10 જાન્યુઆરીના રોજ ઉદયપુરના અરાવલી પેલેસ ખાતે ક્રિશ્ચન વેડિંગ કર્યા હતા. જેનો વીડિયો સોશિયલ મીડિયા પર વાયરલ થઇ રહ્યો છે.
સોશિયલ મીડિયા પર વાયરલ વીડિયોમાં ઇરા ખાન સિમ્પલ શોબર વ્હાઇટ ગાઉનમાં અતિ સુંદર લાગી રહી છે. જ્યારે નુપુર શિખરે ગોલ્ડન બ્લેઝરમાં હેન્ડસમ લાગી રહ્યો છે. આ વીડિયોમાં આમિર ખાન ભાવુક થતાં પણ જોવા મળી રહ્યો છે. જે સમયે ઇરા ખાન નુપુર શિખરે રીંગ પહરાવીને જન્મોજન્મ માટે એક બીજાના થઇ ગયા ત્યારે એક્ટરની આંખોમાં આંસુ આવી ગયા હતા.
25 વર્ષની ઇરા ખાને 38 વર્ષીય નુપુર શિખરે સંગ ધામધૂમથી ક્રિશ્ચિન વેડિંગ કર્યા હતા. આ વેડિંગમાં મહારાષ્ટ્રીયન, રાજસ્થાની અને ગુજરાતી ભોજન રાખવામાં આવ્યું હતું. આ ભવ્ય ઉજવણી બાદ બંને પરિવાર મુંબઈ પરત ફરશે અને 13 જાન્યુઆરીના રોજ નીતા મુકેશ અંબાણી કલ્ચરલ સેન્ટરમાં ભવ્ય રિસેપ્શનનું આયોજન કરવામાં આવશે. ફિલ્મ ઈન્ડસ્ટ્રી ઉપરાંત રાજનેતાઓ અને પ્રખ્યાત ઉદ્યોગપતિઓ પણ તેમાં ભાગ લેશે.
નુપુર શિખરે આમિર ખાનનો ટ્રેનર રહી ચુક્યો છે. એટલું જ નહીં નુપુરે સુષ્મિતા સેનને પણ ફિટનેસની ટ્રેનિંગ આપી છે. આ તાલીમ દરમિયાન જ તે આમિર ખાનની પુત્રીને પણ મળ્યો હતો. નૂપુરે આયરા ને પણ ઘણી મદદ કરી હતી, તે ડિપ્રેશનમાં હતી ત્યારે તેને બહાર આવવામાં નૂપુરે મદદ કરી હતી. આમિર ખાને પોતે પણ આ વિશે ઘણી વખત કહ્યું છે. આયરા અને નુપુર બંને એકબીજાના પરિવારની ખૂબ જ નજીક છે અને બંનેએ વર્ષ 2022માં સગાઈ કરી હતી અને હવે લગ્ન પણ કરી લીધા છે.





