Jigra vs Devara : જીગરા અને દેવરા વચ્ચે ટક્કર ટળી, આલિયા ભટ્ટે પોસ્ટર શેયર કરી રિલીઝ ડેટ અંગે આપી વિગત

Jigra Release Date : બોલિવૂડ એક્ટર આલિયા ભટ્ટ (Alia Bhatt) અને ડાયરેક્ટર વાસન બાલાની ફિલ્મ જીગરાને મોકૂફ રાખવામાં આવી છે. આલિયાએ ફિલ્મનું નવું પોસ્ટર શેર કર્યું અને ફિલ્મ જીગરા રિલીઝ ડેટ (Jigra Release Date) ઇન્સ્ટાગ્રામ પર જાહેરાત કરી હતી. જીગરા હવે 11 ઓક્ટોબર, 2024ના રોજ થિયેટરમાં રિલીઝ થશે. અગાઉ તે 27 સપ્ટેમ્બર, 2024ના રોજ રિલીઝ થવાની હતી.

નવી રિલીઝ ડેટ શેર કરતાં આલિયાએ લખ્યું, “11.10.2024 | જીગરા | મૂવીઝમાં મળીશું.” આલિયા અને કરણ જોહર દ્વારા સહ-નિર્મિત જીગ્રામાં વેદાંગ રૈના પણ મુખ્ય ભૂમિકામાં છે.

આ પણ વાંચો: Upcoming Movies: 15 ઓગસ્ટે બોક્સ ઓફિસ પર મહાસંગ્રામ, અલ્લુ અર્જૂનની પુષ્પા 2 સામે ટકરાશે 3 બોલીવુડ મુવી

જિગરાની નવી રિલીઝ ડેટની જાહેરાત જુનિયર એનટીઆરની દેવરા પાર્ટ 1 ફિલ્મની નવી રિલીઝ ડેટ જાહેર કર્યા બાદ થઈ. દેવરા હવે 27 સપ્ટેમ્બર, 2024 ના રોજ રિલીઝ થવાની છે, અને થિયેટરોમાં જીગરા સાથે ટકરાઈ શકવાની શક્યતાઓ હતી. જો કે, દેવરાની જાહેરાતના થોડા સમય બાદ, જિગ્રા ટીમે ફિલ્મની નવી રિલીઝ ડેટની જાહેરાત કરી હતી.

એપ્રિલમાં કરણ જોહરના ધર્મા પ્રોડક્શન્સે જુનિયર એનટીઆરના દેવરા ભાગ 1ના નિર્માતાઓ સાથે તેમના સહયોગની જાહેરાત કરી હતી. ''ભારતીય સિનેમામાં આગામી મોટા સિનેમેટિક એક્સપિરિયન્સ માટે ઉત્તર થિયેટ્રિકલ વિતરણ અધિકારો માટે અમારી ભાગીદારીની જાહેરાત કરતા અમને ગર્વ છે! મેન ઓફ માસેસ જુનિયર એનટીઆરની #દેવરા સિનેમાઘરોમાં 10મી ઓક્ટોબર 2024 રિલીઝ થશે.

આ પણ વાંચો: Auron Mein Khan Dum Tha Trailer : ફરી જામશે ઓન સ્ક્રીન અજય દેવગણ અને તબ્બુ જોડી, ઓરોં મેં કહાં દમ થા ટ્રેલર લોન્ચ, અહીં જુઓ

દેવરા જાહ્નવી કપૂરની તેલુગુ ડેબ્યૂ ફિલ્મ છે. બીજી તરફ, જીગ્રા આલિયા ભટ્ટની પ્રથમ હિન્દી એક્શનર ફિલ્મ છે. તેની હોલીવુડની પ્રથમ ફિલ્મ હાર્ટ ઓફ સ્ટોનમાં એક્શન કરતી જોવા મળી હતી, જેમાં તેણે નેગેટિવ ભૂમિકા ભજવી હતી અને ગેલ ગેડોટ સાથે સહ-અભિનેતા હતી.