ડ્રગ્સ કેસમાં ફસાયેલા શાહરૂખ ખાનના પુત્ર આર્યનને બચાવવા જુહી ચાવલાએ કરી હતી આ મોટી મદદ

બોલિવૂડના બાદશાહ શાહરૂખ ખાન (Shah Rukh Khan) આર્યન ખાનની ડ્રગ્સ કેસ (Aryan Khan Drug Case) માં ધરપકડ થતાં ભારે મુશ્કેલીમાં મૂકાય ગયો હતો. આ સંબંધિત સમાચાર સામે આવ્યાં છે કે બોલિવૂડની જાણીતી અભિનેત્રી જુહી ચાવલાએ જુહીએ શાહરૂખના પુત્ર આર્યન ખાન માટે જામીન તરીકે રૂ. 1 લાખના બોન્ડ પર હસ્તાક્ષર કર્યા હતા. ઑક્ટોબર 2021માં જુહીએ આર્યન માટે બોન્ડ પર હસ્તાક્ષર કર્યા હતાં. જેમાં બોમ્બે હાઈકોર્ટ દ્વારા ડ્રગના કેસમાં જામીનની શરતોનો ઉલ્લેખ કરવામાં આવ્યો છે. ઉલ્લેખનીય છે કે શાહરૂખ ખાન અને જુહી ચાવલા વચ્ચે ગાઢ મિત્રતા છે. જેના ભાગરૂપે અભિનેત્રી બોન્ડ પર હસ્તાક્ષર કર્યા હતા. કહેવાય છે કે મુશ્કેલીના સમયમાં જે સાથે આપે તે જ સાચો મિત્ર હોય છે.

અણધારી ઘટના : જુહી ચાવલા

તાજેતરમાં જુહી ચાવલાએ એક ઇન્ટરવ્યૂમાં તેને અણધારી ઘટના ગણાવી હતી અને કહ્યું હતું કે, તેને લાગતું હતું કે, તે તેના માટે 'યોગ્ય બાબત' છે. આ સાથે કેસ બાબતે અફવાઓ પર અભિનેત્રીએ કહ્યું હતું કે, મને ખબર ન હતી કે તે આવી રહ્યું છે. પરંતુ જ્યારે હું મદદ કરી શકું ત્યારે બધા તે ક્ષણે આવી ગયા, મેં વિચાર્યું કે મારા માટે તે કરવું યોગ્ય છે - તેના માટે હાજર રહેવું.

'તે ભાગ્યે જ તેને જોવા મળે છે'

એસઆરકે સાથેના તેના બોન્ડ વિશે વધુ વાત કરતાં, જુહીએ કહ્યું હતું કે, તે ભાગ્યે જ તેને જોવા મળે છે પરંતુ તેના પતિ જય મહેતા હંમેશા તેની સાથે સંપર્કમાં છે. અભિનેત્રીએ કહ્યું હતું કે, કોઈ વિશ્વાસ નહીં કરે પરંતુ હું તેને ભાગ્યે જ મળું છું. જય મારા કરતાં તેના વધુ સંપર્કમાં છે. પરંતુ હા, અમે એકબીજાના સંપર્કમાં જરૂરથી રહીએ છીએ.

જૂહી અને શાહરૂખ ખાન IPL ટીમના માલિક

જૂહી અને શાહરૂખ ખાન IPL ટીમ કોલકાતા નાઈટ રાઈડર્સ (KKR)ના માલિક છે. રસપ્રદ વાત એ છે કે, તાજેતરમાં ઈડન ગાર્ડનમાં KKR અને રોયલ ચેલેન્જર્સ બેંગ્લોર વચ્ચે રમાયેલી ક્રિકેટ મેચ દરમિયાન 'ફિર ભી દિલ હૈ હિન્દુસ્તાની'નું ટાઈટલ ટ્રેક વગાડવામાં આવ્યું હતું. આ ફિલ્મમાં SRK અને જૂહીની ભૂમિકા હતી. આ વિશે વાત જુહી ચાવલાએ કહ્યું હતું કે, શાહરૂખને કહીને યાદ કર્યું હતું કે, તેણીને કલ્પના નહોતી કે તેના રિલીઝના 23 વર્ષ પછી આ ગીત આવા મહત્વપૂર્ણ અવસર પર વગાડવામાં આવશે.

અભિનેત્રીએ શાહરૂખને કહ્યું કે, 'અરે યાર'...

વધુમાં અભિનેત્રીએ શાહરૂખને કહ્યું કે, અરે યાર, અગર પતા હોતા (જો મને ખબર હોત) કે લોકો ફિલ્મ યાદ રાખશે, તો મેં કેટલીક વસ્તુઓ અલગ રીતે કરી હોત! તેણે કહ્યું હતું કે, તે આજે વગાડી રહ્યું છે કારણ કે તે પ્રેક્ષકો સાથે તાલ મિલાવ્યું હતું. તે નિર્દોષતાના સ્થળેથી આવ્યું હતું અને તે શ્રેષ્ઠ ભાગ છે."

આ પણ વાંચો: આલિયા ભટ્ટના ફેન્સ માટે ખુશખબર! વિશ્વની સૌથી મોટી ફેશન ઇવેન્ટ પૈકી એક મેટ ગાલા ઇવેન્ટમાં અભિનેત્રીનું ડેબ્યૂ

જુહી અને શાહરૂખ ખાનની ફિલ્મો

જુહી અને શાહરૂખ ખાને ઘણી ફિલ્મો જેવી કે ડર, યસ બોસ અને ફિર ભી દિલ હૈ હિન્દુસ્તાનીમાં કામ કર્યું છે. તે છેલ્લે સોહા અલી ખાન, કૃતિકા કામરા, કરિશ્મા તન્ના અને શહાના ગોસ્વામી સાથે રોમાંચક સિરીઝ 'હશ હશ'માં જોવા મળી હતી.