કેટી પેરી અને જસ્ટિન ટ્રુડોએ સંબંધની પુષ્ટિ કરી? સિંગરના જન્મદિવસ પર પેરિસમાં સાથે જોવા મળ્યા. જુઓ વિડીયો

Katy Perry Justin Trudeau Video | સિંગર કેટી પેરી (Katy Perry) અને કેનેડાના ભૂતપૂર્વ વડા પ્રધાન જસ્ટિન ટ્રુડો (justin trudeau) એ 25 ઓક્ટોબર, શનિવારે રાત્રે પેરિસમાં હાથમાં હાથ નાખીને ફરતા જોવા મળ્યા બાદ તેમના ડેટિંગની અફવાઓને પુષ્ટિ આપી છે. બંને કેટી પેરીના 45મા બર્થડેની ઉજવણી કરવા માટે પેરિસમાં હતા.

કેટી પેરી જસ્ટિન ટ્રુડો રિલેશનશિપ (Katy Perry Justin Trudeau Relationship)

TMZ ના અહેવાલ મુજબ, કેટી અને જસ્ટિન ક્રેઝી હોર્સ પેરિસમાં એક કેબરે શોમાં હાજરી આપી હતી. વાયરલ થયેલા વીડિયોમાં, કપલ હાથ પકડીને સ્થળની બહાર નીકળતા જોઈ શકાય છે. કેટી ઘૂંટણ સુધી હાઈ સ્લિટ અને સ્લીક બન સાથે રેડ ડ્રેસમાં ખૂબ જ સુંદર દેખાતી હતી, જ્યારે ટ્રુડોએ બહાર નીકળવા માટે બ્લેક કલરનો લુક પસંદ કર્યો હતો. જેમ જેમ તેઓ સ્થળની બહાર નીકળ્યા, ભીડ અને પાપારાઝીએ પેરીને "હેપ્પી બર્થડે" ગાવાનું શરૂ કર્યું હતું, અને એક ચાહકે તેને ગુલાબ આપ્યું હતું. બાદમાં, ટ્રુડો પેરીને તેની કારમાં બેસવામાં મદદ કરતા જોવા મળ્યા હતા.

જોકે બંને પક્ષોએ સત્તાવાર રીતે તેમના સંબંધોની પુષ્ટિ કરી નથી, પરંતુ પ્રેમનો આ જાહેર પ્રદર્શન તેના પ્રેમની પુષ્ટિ કરે છે. કેટી પેરી અને જસ્ટિન ટ્રુડોના ડેટિંગની અફવાઓ ઘણા સમયથી ફેલાઈ રહી છે. આ યુગલ અગાઉ કેલિફોર્નિયાના સાન્ટા બાર્બરાના દરિયાકાંઠે ગાયકની યાટ પર ચુંબન કરતા જોવા મળ્યા હતા જેનો વિડીયો સોશિયલ મીડિયા પર વાયરલ થયો હતો.

લંડનમાં તાજેતરમાં થયેલા કોન્સર્ટમાં કેટીએ જસ્ટિન સાથે ડેટિંગ કરવાનો સંકેત પણ આપ્યો હતો. જ્યારે એક ચાહકે તેને ઘૂંટણિયે પડીને તેની સાથે લગ્ન કરવાનું કહ્યું, ત્યારે કેટીએ જવાબ આપ્યો, "કાશ તમે મને 48 કલાક પહેલા પૂછ્યું હોત." ટ્રુડો સાથે યાટ પર ફોટો પડાવ્યાના બે દિવસ પછી જ તેનો જવાબ આવ્યો હતો.

કેટી પેરીએ અગાઉ અભિનેતા ઓર્લાન્ડો બ્લૂમ સાથે સગાઈ કરી હતી. બંનેને એક પુત્રી ડેઝી ડવ છે. તેઓએ 2016 માં ડેટિંગ શરૂ કર્યું હતું અને 2019 માં તેમની સગાઈની જાહેરાત કરી હતી. જોકે છ વર્ષ સગાઈ કર્યા પછી જુલાઈ 2025 માં, આ દંપતીએ અલગ થવાની જાહેરાત કરી હતી.

જસ્ટિન ટ્રુડોએ સોફી ગ્રેગોઇર સાથે લગ્ન કર્યા હતા. તેમને ત્રણ બાળકો છે પુત્રો ઝેવિયર અને હેડ્રિયન, અને પુત્રી એલા-ગ્રેસ. આ દંપતીએ લગ્નના 18 વર્ષ બાદ વર્ષ 2023 માં તેમના અલગ થવાની જાહેરાત કરી હતી.