Khel Khel Mein : અક્ષય કુમાર (Akshay Kumar) ની તાજેતરમાં રિલીઝ થયેલી મુવી ‘ખેલ ખેલ મેં’ (Khel Khel Mein) ખુબજ આશાઓ સાથે નિર્માતાઓ દ્વારા બનાવામાં આવી હતી. આ ફિલ્મ બોક્સ ઓફિસ પર કમાણીના મામલે સફળ સાબિત નથી થઇ રહી. તેનું કલેક્શન દિવસે ને દિવસે ઘટી રહ્યું છે. અઠવાડિયાના દિવસોમાં તેની કમાણી લાખોમાં પહોંચી ગઈ છે. આ દરમિયાન, ‘ખેલ ખેલ મેં’નું 13મા દિવસનું બોક્સ ઓફિસ કલેક્શન (Box Office Collection) પણ સામે આવ્યું છે, જેના આંકડા ખૂબ જ નિરાશાજનક છે. અહીં જાણો ખેલ ખેલ મેં મુવીનું બોક્સ ઓફિસ કલેકશન કેટલું રહ્યું,
અક્ષય કુમારની ફિલ્મ ‘ખેલ ખેલ મેં’ નો સંઘર્ષ બોક્સ ઓફિસ પર ચાલુ છે. કોવિડ બાદ માત્ર ખિલાડી કુમારની બે ફિલ્મો ‘OMG 2’ અને ‘સૂર્યવંશી’એ સારું પ્રદર્શન કર્યું છે. આ સિવાય અન્ય ફિલ્મોની કમાણીનો ગ્રાફ અભિનેતા માટે ચિંતાનો વિષય રહ્યો છે. તે જ સમયે, તેની 100 કરોડ રૂપિયાની ફિલ્મ ‘ખેલ ખેલ મેં’ પણ તેની કમાણીમાં ઘટાડો દેખાઈ રહ્યો છે.
‘ખેલ ખેલ મેં’નું નિર્દેશન મુદસ્સર અઝીઝ દ્વારા કરવામાં આવ્યું છે અને તેમાં ફરદીન ખાન, તાપસી પન્નુ, એમી વિર્ક, વાણી કપૂર, પ્રજ્ઞા જયસ્વાલ અને આદિત્ય સીલ છે. ફિલ્મે પ્રથમ સપ્તાહમાં ₹19.35 કરોડની કમાણી કરી હતી, બીજા શુક્રવાર, શનિવાર અને રવિવારે ₹ 70 લાખનું કલેક્શન ₹ 1.35 કરોડ અને ₹ 1.75 કરોડ હતું.
બોક્સ ઓફિસના ડેટા અનુસાર ‘ખેલ ખેલ મેં’ સોમવારે 85 લાખ રૂપિયાનું કલેક્શન કર્યું હતું. આ રીતે ફિલ્મની કમાણી 24 કરોડ રૂપિયા થઈ ગઈ હતી. તે જ સમયે, જો મંગળવારની વાત કરીએ તો, 13માં દિવસે, પ્રારંભિક ડેટા અનુસાર, અક્ષય કુમારની ફિલ્મે 75 લાખ રૂપિયાનું કલેક્શન કર્યું છે, જેના કારણે તેનો કુલ ડોમેસ્ટિક બોક્સ ઓફિસ બિઝનેસ અત્યાર સુધી માત્ર 24.75 કરોડ રૂપિયાનો રહ્યો છે.
આ પણ વાંચો: Junior NTR : દેવારા ભાગ 1 માંથી જુનિયર એનટીઆરનું નવું પોસ્ટર રિલીઝ,શું એક્ટર ડબલ રોલમાં જોવા મળશે?
વર્ક ફ્રન્ટ પર અક્ષય કુમાર પાસે દિવાળી માટે ‘સ્કાય ફોર્સ’થી લઈને ‘સિંઘમ અગેન’, આવતા વર્ષે ‘વેલકમ ટુ ધ જંગલ’, ‘જોલી એલએલબી 3’ અને ‘ધ અનટોલ્ડ સ્ટોરી ઑફ સી શંકરન નાયર’ જેવી રસપ્રદ ફિલ્મો છે. તેણે મિલન લુથરિયા દ્વારા નિર્દેશિત તેની આગામી ફિલ્મ માટે સિદ્ધાર્થ આનંદ સાથે હાથ મિલાવ્યા હોવાના રિપોર્ટ છે. અક્ષયની ‘સ્કાય ફોર્સ’ 2 ઑક્ટોબરે રિલીઝ થવાની હતી, પરંતુ એવા રિપોર્ટ છે કે ફિલ્મ હવે આવતા વર્ષ માટે સ્થગિત કરવામાં આવી છે.
