કુબેરા (Kuberaa) મુવી ફિલ્મ આ મહિને રિલીઝ થવા જઈ રહી છે. મુવી રિલીઝ પહેલાં ફિલ્મનું ટ્રેલર રવિવાર 15 જૂને રિલીઝ થયું હતું. ટ્રેલર તમિલ તેલુગુ અને હિન્દી ભાષાઓમાં રિલીઝ થયું છે. ફિલ્મના ટાઇટલ પરથી જ ખ્યાલ આવે છે કે આ સ્ટોરી ‘કુબેરાના’ ખજાના પર કબજો મેળવવાની પણ છે. તે શક્તિ અને પૈસા વિશે છે.
કુબેરા સ્ટોરી (Kuberaa Story)
કુબેરા ફિલ્મના ટ્રેલરની શરૂઆતમાં એક અવાજ સંભળાય છે, ‘કેટલા કરોડ કરોડ થાય છે સાહેબ?’ આ સાથે, ધનુષની ઝલક પણ દેખાય છે. કેટલાક ઉદ્યોગપતિઓની એક મીટિંગ ચાલી રહી છે. એક અવાજ સંભળાય છે, તેલ કોઈ નાની વસ્તુ નથી, તે કુબેરનો એવો ખજાનો છે, જેમાં આખી સરકારને હચમચાવી નાખવાની શક્તિ છે. એક અવાજ સંભળાય છે, ‘મને આ સિદ્ધપ્પા જી જોઈએ છે’. આગામી દ્રશ્યમાં નાગાર્જુન જોવા મળે છે અને ડાયલોગ છે, ‘આ દેશમાં ફક્ત પૈસા અને સત્તા કામ કરે છે, નિયમો અને કાયદા નહીં, આ સત્ય છે’.
કુબેરા ટ્રેલર (Kuberaa Trailer)
કુબેરા રિલીઝ ડેટ (Kuberaa Release Date)
કુબેરા ફિલ્મ 20 જૂને સિનેમાઘરોમાં આવશે. આ પહેલા રવિવારે તેનું ટ્રેલર રિલીઝ થયું હતું. શેખર કમ્મુલા દ્વારા નિર્દેશિત ફિલ્મમાં રશ્મિકા મંદાના અને ધનુષ મુખ્ય ભૂમિકામાં છે. આ ઉપરાંત નાગાર્જુન પણ એક મહત્વપૂર્ણ ભૂમિકા ભજવી રહ્યા છે. ટ્રેલરમાં તે એક અમીર વ્યક્તિની ભૂમિકા ભજવી રહ્યા છે. ફિલ્મના ટ્રેલરમાં તે સિગારેટની વીંટી બનાવતો પણ જોવા મળી રહ્યો છે.
આ પણ વાંચો: અમદાવાન વિમાન દુર્ઘટનાને કારણે રશ્મિકા મંદાના ની ફિલ્મ કુબેરાની ઇવેન્ટ મુલતવી
રશ્મિકા મંદાના અને ધનુષની કેમેસ્ટ્રી
કુબેરા ફિલ્મમાં દીપકની ભૂમિકા નાગાર્જુન ભજવી રહ્યા છે. ટ્રેલરમાં ધનુષ અને રશ્મિકા મંદાના વચ્ચેની કેમેસ્ટ્રી ખૂબ જ સારી રીતે બતાવવામાં આવી છે. ધનુષ એક ભિખારીની ભૂમિકા ભજવતો જોવા મળે છે. ફિલ્મના ટ્રેલરમાં લાગણીઓની સાથે સસ્પેન્સ પણ છે. એક્શનનો ડોઝ પણ છે. ટ્રેલર ખૂબ જ રસપ્રદ છે. ફિલ્મ દર્શકો પર શું જાદુ કરે છે તે જોવાનું બાકી છે. ટ્રેલરને દર્શકો તરફથી સકારાત્મક પ્રતિસાદ મળી રહ્યો છે.
