Mahavatar Narsimha OTT Release | મહાવતાર નરસિંહ ઓટીટી પર ધૂમ મચાવશે, જાણો ફિલ્મ ક્યારે અને ક્યાં પ્લેટફોર્મ પર જોવી?

Mahavatar Narsimha OTT Release | જોરદાર થિયેટર રન પછી, એનિમેટેડ ફિલ્મ મહાવતાર નરસિંહ (Mahavatar Narsimha) હવે ઓટીટી પ્લેટફોર્મ પર રિલીઝ માટે તૈયાર છે. જો તમે આ બ્લોકબસ્ટર જોવાનું ચૂકી ગયા છો, તો હવે તમે તેને ઘરે જોઈ શકો છો. "મહાવતાર નરસિંહ" કયા ઓટીટી પ્લેટફોર્મ પર આવી રહી છે તે જાણો.

મહાવતાર નરસિંહ ઓટીટી રિલીઝ (Mahavatar Narsimha OTT Release)

ચાહકો લાંબા સમયથી મહાવતાર નરસિંહ ના ઓટીટી રિલીઝની રાહ જોઈ રહ્યા હતા. હવે આ રાહ પૂરી થઈ ગઈ છે. 'મહાવતાર નરસિંહ' આજથી એટલે કે 19 સપ્ટેમ્બરથી ઓટીટી પ્લેટફોર્મ નેટફ્લિક્સ પર સ્ટ્રીમ થવા જઈ રહી છે. આ ફિલ્મ આજે બપોરે 12:30 વાગ્યાથી નેટફ્લિક્સ પર સ્ટ્રીમ થશે. નેટફ્લિક્સ ઈન્ડિયાના ઓફિશિયલ એકાઉન્ટે એક નવી પોસ્ટમાં ફિલ્મનું પોસ્ટર શેર કર્યું છે અને કેપ્શનમાં લખ્યું છે કે 'ભક્તિ શક્તિનું રૂપ લેશે. મહાવતાર નરસિંહ આવી રહ્યા છે.'

મહાવતાર નરસિંહ રિલીઝ ડેટ (Mahavatar Narsimha Release Date)

અશ્વિન કુમાર દ્વારા દિગ્દર્શિત, મહાવતાર નરસિંહ 25 જુલાઈના રોજ સિનેમાઘરોમાં રિલીઝ થઈ હતી. ઓછા બજેટમાં બનેલી આ ફિલ્મ આશ્ચર્યજનક રીતે સફળ સાબિત થઈ હતી. ફિલ્મને લઈને બહુ ચર્ચા કે અપેક્ષાઓ નહોતી, પરંતુ રિલીઝ થયા પછી, ફિલ્મને ધીમે ધીમે ફાયદો થયો હતો. પરિણામે તે બોક્સ ઓફિસ પર બ્લોકબસ્ટર બની ગઈ હતી.

મહાવતાર નરસિંહ મુવી વિશે

'મહાવતાર નરસિંહ' એ મહાવતાર સિનેમેટિક બ્રહ્માંડની પ્રથમ ફિલ્મ છે. જે હોમ્બલે ફિલ્મ્સ દ્વારા નિર્મિત છે. 'મહાવતાર નરસિંહ' પ્રહલાદની વાર્તા અને મહાવતાર નરસિંહના ઉદય પર આધારિત છે. આ ફિલ્મ ભગવાન વિષ્ણુના દસ અવતાર પર આધારિત સાત ભાગની મહાવતાર સિનેમેટિક બ્રહ્માંડની પ્રથમ ફિલ્મ છે. તે ભગવાન વિષ્ણુના નરસિંહ અવતારના સાહસો અને પ્રહલાદની સ્ટોરીનું વર્ણન કરે છે.

ફ્રેન્ચાઇઝમાં આવનારી ફિલ્મોમાં મહાવતાર પરશુરામ (2027), મહાવતાર રઘુનંદન (2029), મહાવતાર ધવદેશ (2031), મહાવતાર ગોકુલાનંદ (2033) અને મહાવતાર કલ્કી (2035-2037)નો સમાવેશ થાય છે.