પ્રિયંકા ચોપરાની બહેન મીરા ચોપરા જયુપરમાં રોયલ વેડિંગ કરશે, જાણો મહેંદી થી લઈ રિસેપ્શન સુધીની તમામ વિગત

Meera Chopra Wedding Card : પ્રિયંકા ચોપરાની વધુ એક કઝિન લગ્ન કરવા જઇ રહી છે. એક્ટ્રેસ મીરા ચોપરા ફરી એકવાર તેના લગ્નને લઇ ચર્ચામાં છે. હાલ સોશિયલ મીડિયામાં મીરા ચોપરાનું વેડિંગ કાર્ડ વાયરલ થયું છે. આ વેડિંગ કાર્ડમાં હલ્દીથી લઇ લગ્નના તમામ કાર્યક્રમની વિગત આપવામાં આવી છે. હાલ અભિનેત્રીના લગ્નને લઈને ચાહકોમાં ઉત્સુકતા વધી ગઈ છે. તમને જણાવી દઇયે કે, પ્રિયંકા ચોપરાની કઝિન પરિણીતી ચોપરાએ 2023માં આપ પાર્ટીના નેતા રાઘવ ચઢ્ઢા સાથે સાત ફેરા લીધા હતા.

મીરા ચોપરાનું વેડિંગ કાર્ડ સોશિયલ મીડિયામાં વાયરલ

મીરા ચોપરાના લગ્નનું કાર્ડ ઇન્સ્ટન્ટ બોલિવૂડના ઇન્સ્ટાગ્રામ પેજ પરથી શેર કરવામાં આવ્યું છે. હવે આ લગ્નની વિગત સોશિયલ મીડિયા પર સામે આવ્યા બાદ અભિનેત્રીના લગ્નને લઈને ચાહકોની ઉત્સુકતા વધી ગઈ છે.

આ વેડિંગ કાર્ડમાં માહિતી આપવામાં આવી છે કે અભિનેત્રી રક્ષિત કેજરીવાલ સાથે રાજસ્થાનના જયપુરમાં સાત ફેરા લેશે. મીડિયા રિપોર્ટ મુજબ રક્ષિત કેજરીવાલ એક બિઝનેસમેન છે. તેમના લગ્નનું કાર્ડ પરંપરાગત રીતે ડિઝાઇન કરવામાં આવ્યું છે. તેમાં હલ્દ - મહેંદી અને તેની રિસેપ્શન વિશે પણ માહિતી આપવામાં આવી છે.

મીરા ચોપરા રક્ષિત સાથે 12 માર્ચે લગ્ન કરશે

સોશિયલ મીડિયામાં વાયરલ થયેલા વેડિંગ કાર્ડ અનુસાર મીરા ચોપરાના લગ્નની વિધિઓ 11 માર્ચથી શરૂ થશે. આ દિવસે બુઅના વિસ્તામાં મહેંદી કાર્યક્રમનું આયોજન કરવામાં આવ્યું છે. આ પછી સંગીત સેરેમની અને કોકટેલ નાઈટનું આયોજન કરવામાં આવ્યું છે. તો મીરા ચોપરાની હલ્દીનો કાર્યક્રમ 12 માર્ચે થશે. ત્યારબાદ તે જ દિવસે સાંજે 4.30 વાગ્યે લગ્ન થશે. તેમજ તે જ દિવસની સાંજે રાત્રે કલાકે રિસેપ્શન રાખવામાં આવ્યું છે.

આ પણ વાંચો | ઈશા અંબાણીએ ભાઇ અનંત-રાધિકાના વેડિંગમાં હીરા અને સોનાથી સજ્જ બ્લાઉઝ પહોંચ્યો, જુઓ વીડિયો

મીરા ચોપરાનું ફિલ્મ કરિયર

જો લગ્ન ઉપરાંત મીરા ચોપરાના પ્રોફેશનલ લાઇફ વિશે વાત કરીએ, તો તે તેની પિતરાઈ બહેન પ્રિયંકા ચોપરા અને પરિણીતી ચોપરા જેમ અભિનેત્રી છે. તેણે પોતાના કરિયરની શરૂઆત 2016માં ફિલ્મ 1920 લંડન થી કરી હતી. આ ફિલ્મમાં તેની સામે શરમન જોશી હતો. મીરા એ ઘણી ફિલ્મોમાં કામ કર્યું છે. જેમાં ગેંગ ઓફ ઘોસ્ટ, સેક્શન 375 જેવી ફિલ્મોના નામ સામેલ છે. તેમજ ગયા વર્ષે અભિનેત્રી ફિલ્મ સફેદ માં જોવા મળી હતી. આ મૂવી OTT પર રિલીઝ કરવામાં આવી હતી.