Mithun Chakraborty : અભિનેતા મિથુન ચક્રવર્તીને છાતીમાં દુખાવો થવાથી હોસ્પિટલમાં દાખલ, પુત્રએ આપી અપડેટ

Mithun Chakraborty : પીઢ અભિનેતા મિથુન ચક્રવર્તી (Mithun Chakraborty) ને છાતીમાં દુખાવો થયા બાદ શનિવારે સવારે કોલકાતાની હોસ્પિટલમાં લઈ જવામાં આવ્યા હતા. અભિનેતા તબિયત અચાનક લથડાતા એપોલો હોસ્પિટલમાં સારવાર હેઠળ છે. તેમના મોટા પુત્ર મિમોહે indianexpress.com ને કહ્યું, "તે 100% ઠીક છે અને તે નિયમિત તપાસ છે."

આ પણ વાંચો: Teri Baaton Mein Aisa Ulza Jiya : તેરી બાતોં મેં ઐસા ઉલ્ઝા જિયાની બોક્સ ઓફિસ પર પહેલા દિવસે આટલી કમાણી

મિથુન ચક્રવર્તીને છાતીમાં દુખાવો થવાથી હોસ્પિટલમાં દાખલ

અભિનેતા ગયા અઠવાડિયે તેની ફિલ્મ શાસ્ત્રી પર કામ કરી રહ્યા હતા. તાજેતરમાં મિથુન ચક્રવર્તીને પ્રતિષ્ઠિત પદ્મ ભૂષણ એવોર્ડથી સન્માનિત કરવામાં આવ્યા હતા. અભિનેતાએ કૃતજ્ઞતા વ્યક્ત કરી અને તેના પુત્ર નમાશી દ્વારા શેર કરેલ એક વિડિયોમાં કહ્યું, “ બહોત ખુશી, બહોત આનંદ, સબ કુછ મિલા કે એક ઐસી ફીલિંગ હૈ જો મેં બયાન નહી કર શકતા. બહોત તકલીફો કે બાદ જબ ઇતના બડા સન્માન મિલતા હૈ તો ઉસકી ફીલિંગ હી કુછ ઔર હોતી હૈ (હું આ સન્માન માટે ખૂબ જ આભારી છું. હું શબ્દોમાં મારી કૃતજ્ઞતા વ્યક્ત કરી શકતો નથી. આટલી મહેનત પછી આવું સન્માન મેળવવું વિશેષ લાગે છે) .”

આ પણ વાંચો: Amitabh Bachchan : અમિતાભ બચ્ચને અયોધ્યા રામ મંદિરમાં બીજી વખત દર્શન કર્યા, ટ્રેડિશનલ લૂકમાં રામ ભક્તિમાં લીન દેખાયા બોલીવુડના બિગ બી

અભિનેતાએ કહ્યું, “સબ કો આભાર ઇતના પ્યાર ઔર સન્માન દેને કે લિયે. ઔર મેં ઇસ એવોર્ડ કો સમર્પિત કર રહા હૂં મેરે સારે ચાહકો કો, ભારત ઔર દુનિયા મેં. જો ભી, જિન્હોને ભી મુઝે નિસ્વાર્થ પ્યાર દિયા હૈ, મેરે શુભેચ્છકો કો, સબ કે લિયે મેં યે સમર્પિત કર રહા હૂં (મને સપોર્ટ કરવા બદલ હું વિશ્વભરના મારા ચાહકોનો આભાર માનું છું. મને આટલો પ્રેમ અને આદર આપવા બદલ આભાર) "

મિથુનને 2022માં પણ હોસ્પિટલમાં દાખલ કરવામાં આવ્યા હતા. તેમના પુત્ર નમાશી ચક્રવર્તીએ તે સમયે એક નિવેદન જારી કરીને કહ્યું, “તે ગયા અઠવાડિયે બીમાર હતો. તેને કિડનીમાં પથ્થરની સમસ્યા છે જેના પર ઓપરેશન કરવાની જરૂર છે. તેના કારણે તેને પરેશાની થઈ રહી હતી અને તેથી તેને હોસ્પિટલમાં દાખલ કરવામાં આવ્યો હતો. હવે તે એકદમ ઠીક અને ફિટ છે.”