Preity Zinta New Flate Purchase : પ્રીતિ ઝિન્ટાએ બ્રાંદ્રામાં ખરીદ્યો કરોડોની કિંમતનો ભવ્ય ફ્લેટ, જાણો નેટવર્થ

Preity Zinta New Flate Purchase : લાખો લોકોના દિલોની ધડકન, ડિમ્પલ ગર્લ પ્રીતિ ઝિન્ટા (Priety Zinta) હિન્દી સિનેમાની જાણીતી અભિનેત્રી છે. હાલમાં તે ઇન્ડસ્ટ્રીથી દૂર છે. પરંતુ તે કોઇને કોઇ કારણસર ચર્ચામાં રહેતી હોય છે. ત્યારે પ્રીતિ ઝિન્ટા ફરી ચર્ચામાં છે. હાલમાં પ્રીતિ ઝિન્ટાએ મુંબઇના બાંદ્રા વિસ્તારમાં સ્થિત કરોડો રૂપિયાનો ફ્લેટ ખરીદ્યો હોવાના સમાચાર પ્રકાશમાં આવ્યા છે. આ ફ્લેટ સાથે અભિનેત્રીનું ખાસ કનેક્શન જોડાયેલું છે.

મીડિયા અહેવાલ અનુસાર, પ્રીતિ ઝિન્ટાએ બ્રાંદ્રામાં ખરીદેલો નવો ફ્લેટ 1,474 સ્કવેર ફૂટમાં વિસ્તરેલો છે. આ ફ્લેટ પ્રીતિ ઝિન્ટાએ 17 કરોડ રૂપિયામાં ખરીદ્યો છે. ઉલ્લેખનીય છે કે, નરગીસ દત્ત રોડ પર આવેલો આ ફ્લેટ એ જ બિલ્ડીંગના 11માં માળે આવેલો છે જેમાં પ્રીતિ ઝિન્ટા લગ્ન પહેલા રહેતી હતી. લગ્ન પછી અભિનેત્રી પતિ સાથે કેલિફોર્નિયા શિફ્ટ થઇ ગઇ.

પ્રીતિ ઝિન્ટાએ હિન્દી ફિલ્મો સિવાય અભિનેત્રીએ તેલુગુ, તમિલ અને પંજાબી ફિલ્મોમાં પણ કામ કર્યું છે. આ સાથે પ્રીતિએ તેના ફિલ્મી કરિયરમાં અત્યાર સુધીમાં ઘણી શાનદાર ફિલ્મો કરી છે. જેને પગલે અભિનેત્રીને બે વાર શ્રેષ્ઠ અભિનેત્રી ફિલ્મફેર એવોર્ડથી સન્માનિત કરવામાં આવી છે. મહત્વની વાત એ છે કે,પ્રીતિ ઝિન્ટા સૌપ્રથમ મહિલા છે જેણે IPLની ટીમ ખરીદી. અભિનેત્રી IPL ટીમ કિંગ્સ 11 પંજાબની સહ-માલિક છે.

પ્રીતિ ઝિન્ટાનો જન્મ 31 જાન્યુઆરી 1975ના રોજ શિમલામાં થયો હતો. તેમના પિતા દુર્ગાનંદ ઝિન્ટા ભારતીય સેનામાં અધિકારી હતા. તેમની માતાનું નામ નીલપ્રભા છે, જે ગૃહિણી છે. જ્યારે પ્રીતિ માત્ર 13 વર્ષની હતી ત્યારે તેના પિતાનું અકસ્માતમાં મૃત્યુ થયું હતું.આ અકસ્માતે પ્રીતિનું જીવન બદલી નાખ્યું, કારણ કે આખા ઘરની જવાબદારી તેના ખભા પર આવી ગઈ હતી.

પ્રીતિ ઝિન્ટાની સહમાલિકની ટીમ પંજાબ કિંગ્સ 8 ફ્રેન્ચાઇઝીઓમાંથી એક છે જેણે વર્ષ 2008માં ઇન્ડિયન પ્રીમિયર લીગની શરૂઆતની સિઝન રમી હતી. પંજાબ કિંગ્સ સોશિયલ મીડિયા પર સૌથી લોકપ્રિય ટીમોમાંની એક છે. ટીમને સૌથી મોટી સફળતા 2014માં મળી હતી જ્યારે તેઓ જ્યોર્જ બેઈલીની કેપ્ટનશીપ હેઠળ બેંગલુરુમાં કોલકાતા નાઈટ રાઈડર્સ સામે ફાઈનલ રમ્યા હતા ટીમનું હોમ ગ્રાઉન્ડ મોહાલીનું પીસીએ સ્ટેડિયમ છે.

આ સાથે પ્રીતિ સરકારને સૌથી વધુ ટેક્સ ચૂકવનાર સેલિબ્રિટીઓમાંની એક છે. પ્રીતિને કારનો પણ શોખ છે. તેમની પાસે પોર્શ, મર્સિડીઝ બેન્ઝ ઈ ક્લાસ અને બીએમડબલ્યુ પ્રાપ્ય છે. પ્રીતિની મુખ્ય કમાણી બ્રાન્ડ એન્ડોર્સમેન્ટમાંથી આવે છે. તે એન્ડોર્સમેન્ટ દીઠ 2 થી 2.5 કરોડ રૂપિયા લે છે. આ સિવાય પ્રીતિ તેની પ્રોડક્શન કંપનીમાંથી પણ ઘણી કમાણી કરે છે. પ્રીતિની વાર્ષિક કમાણી 12 કરોડથી વધુ છે. પ્રીતિ ઝિન્ટાની નેટવર્થની વાત કરીએ તો પ્રીતિ ઝિન્ટા 110 કરોડ રૂપિયાની માલકિન છે.

આ પણ વાંચો : Raveena Tondon : રવીના ટંડન અને અક્ષય કુમારના બ્રેકઅપનું કારણ બની એક પાર્ટી, તે રાત્રે આ ભૂલ ન થઈ હોત તો આજે અભિનેત્રી મિસિસ ખેલાડી હોત

રિપોર્ટ્સ અનુસાર, પ્રીતિ મુંબઈમાં 3 લક્ઝુરિયસ એપાર્ટમેન્ટની માલિક છે. આ સાથે તેમનું શિમલામાં પોતાનું ઘર છે. અભિનેત્રીનું કેલિફોર્નિયામાં એક ઘર છે, જ્યાં તે તેના પતિ સાથે રહે છે.