Rajinikanth Birthday | રજનીકાંત 75 ના થયા, તમિલ ઉપરાંત હિન્દી ફિલ્મોમાં નામ બનાવ્યું, આ દિગ્ગ્જ્જો એ પાઠવી શુભેચ્છા

Rajinikanth Birthday | દક્ષિણ ભારતીય સિનેમાના સુપરસ્ટાર રજનીકાંત (Rajinikanth) આજે તેનો 75મો બર્થ ડે ઉજવી રહ્યા છે, અને દેશભરમાં અને આંતરરાષ્ટ્રીય સ્તરે તેમના ચાહકો આ ખાસ દિવસને ઉત્સવની જેમ ઉજવી રહ્યા છે. "હેપ્પી બર્થડે રજનીકાંત" સોશિયલ મીડિયા પ્લેટફોર્મ પર ટ્રેન્ડ કરી રહ્યું છે.

રજનીકાંતના (Rajinikanth) 75 માં બર્થ ડે પર તેમના જમાઈ ધનુષે પણ આ ખાસ દિવસે તેમને જન્મદિવસની મીઠી શુભેચ્છા પાઠવી છે, આ ઉપરાંત ઘણા સ્ટાર્સએ પાઠવી શુભકામના, અહીં જુઓ

રજનીકાંત નહિ, એક્ટરનો સાચું નામ આ છે

શિવાજી રાવ ગાયકવાડનો જન્મ 12 ડિસેમ્બર 1950 થયો હતો જે વ્યાવસાયિક રીતે રજનીકાંત તરીકે જાણીતા છે, એક ભારતીય અભિનેતા છે જે મુખ્યત્વે તમિલ સિનેમામાં કામ કરે છે. પાંચ દાયકાથી વધુની કરિયરમાં તેણે 170 ફિલ્મો કરી છે. જેમાં તમિલ, હિન્દી, તેલુગુ , કન્નડ, બાંગ્લા અને મલયાલમ ભાષાઓનો સમાવેશ થાય છે. તેમને ભારતીય સિનેમાના ઇતિહાસમાં સૌથી સફળ અને લોકપ્રિય અભિનેતાઓમાંના એક તરીકે વ્યાપકપણે ગણવામાં આવે છે.

તમિલ, તેલુગુ સિવાય હિન્દી ફિલ્મોમાં પણ કર્યું કામ

હિન્દી ફિલ્મ 'ડોન' (1978) ની રિમેક 'બિલ્લા' (1978) માં બેવડી ભૂમિકાઓ ભજવી હતી. તે સમય સુધીની તેની સૌથી મોટી વ્યાપારી સફળતા હતી, જેના કારણે તેને સ્ટારડમ મળ્યું હતું અને તેને એક્શન હીરોની ઇમેજ મળી હતી.

પીએમ મોદીએ પણ શુભેચ્છા પાઠવી

દેશના વડાપ્રધાન નરેન્દ્ર મોદીએ પણ રજનીકાંતને તેમના જન્મદિવસની શુભેચ્છા પાઠવી છે. રજનીકાંત માટે એક પોસ્ટ શેર કરતા પીએમ મોદીએ લખ્યું 'રજનીકાંત જીને તેમના 75મા જન્મદિવસના ખાસ પ્રસંગે હાર્દિક શુભેચ્છાઓ. તેમના અભિનયથી પેઢીઓ મંત્રમુગ્ધ થઈ ગઈ છે અને તેમને અપાર પ્રશંસા મળી છે. તેની ફિલ્મ યાત્રા વિવિધ ભૂમિકાઓ અને સ્ટાઇલ થી ભરેલી છે, જેણે હંમેશા નવા ધોરણો સ્થાપિત કર્યા છે. આ વર્ષ વધુ ખાસ રહ્યું છે કારણ કે તેણે ફિલ્મ ઇન્ડસ્ટ્રીમાં 50 વર્ષ પૂર્ણ કર્યા છે.'

કમલ હાસન-મોહનલાલે પણ અભિનંદન પાઠવ્યા

અભિનેતા રજનીકાંતના જન્મદિવસ નિમિત્તે, અભિનેતા મોહનલાલ અને કમલ હાસને પણ તેમને શુભેચ્છા પાઠવી છે, અને ટ્વીટર પર પોસ્ટ શેર કરી છે.

રજનીકાંતના જન્મદિવસ પર સેલિબ્રેશન

રજનીકાંતની લોકપ્રિયતા કોઈ એક રાજ્ય, દેશ કે ભાષા પૂરતી મર્યાદિત નથી. તેમના 75મા જન્મદિવસ માટે સોશિયલ મીડિયા પર જે ઉત્સાહ જોવા મળી રહ્યો છે તે એક વૈશ્વિક આઇકોનની લોકપ્રિયતા જેટલો જ છે. ફિલ્મ હસ્તીઓ, રાજકારણીઓ અને રમતગમતના દિગ્ગજો તરફથી અભિનંદનનો વરસાદ વરસી રહ્યો છે.