રકુલ પ્રિત સિંહ અને જેકી ભગનાની લગ્ન સેલિબ્રેશન શરૂ, આ પાંચ ડિઝાઈનર્સ ફંક્શનો માટે ડ્રેસ તૈયાર કરશે

Rakul-Jackky Wedding : બોલિવૂડ એક્ટ્રેસ રકુલ પ્રીત સિંહ અને એક્ટર જેકી ભગનાનીના લગ્નનું સેલિબ્રેશન શરૂ થઈ ગયું છે. એક્ટ્રેસ 21 ફેબ્રુઆરીએ જ લગ્ન કરવા જઈ રહી છે. મીડિયા રિપોર્ટ્સ અનુસાર, ગુરુવારે જેકી ભગનાનીના ઘરે ઢોલ નાઈટનું આયોજન કરવામાં આવ્યું હતું, જ્યાં રકુલ તેના આખા પરિવાર સાથે પોશાક પહેરીને પહોંચી હતી. તમને જણાવી દઈએ કે, રકુલ અને જેકી 21 ફેબ્રુઆરીએ પરિવાર અને નજીકના મિત્રો વચ્ચે ગોવામાં એક સાદા સમારંભમાં લગ્નના બંધનમાં બંધાશે.

રકુલ અને જેકી લાંબા સમયથી સાથે છે. તેમના ડેટિંગના સમાચારોએ પણ ઘણી હેડલાઈન્સ બનાવી હતી. આ કપલ ઘણીવાર ઘણા પ્રસંગોએ સાથે જોવા મળતું હતું. જો કે તેઓએ ક્યારેય તેમના સંબંધો વિશે ખુલીને વાત કરી ન હતી, પરંતુ હવે આ બંને સ્ટાર્સ કાયમ માટે સાથે રહેવા માટે સત્તાવાર રીતે તૈયાર છે. ગુરુવારે રકુલ તેના માતા-પિતા અને ભાઈ સાથે જેકીના મુંબઈના ઘરે પહોંચી હતી. તો, તેમની કારની પાછળ કેટલીક વધુ કારનો કાફલો પણ જોવા મળ્યો હતો, જેમાં તેમના નજીકના સંબંધીઓ હાજર હોવાનું કહેવાય છે. આ વીડિયો સોશિયલ મીડિયા પર વાયરલ પણ થયો હતો.

રકુલ પ્રિત સિંહ અને જેકી ભગના લગ્ન ગોવામાં 21 ફેબ્રુઆરીએ કરશે

મીડિયા રિપોર્ટ્સ અનુસાર, આ કપલ 21 ફેબ્રુઆરીએ ગોવાની એક આલીશાન હોટેલમાં લગ્ન કરશે. ઉલ્લેખનીય છે કે આ કપલના પ્રેમની શરૂઆત ગોવામાં થઈ હતી અને અહીં જ તેમનો પ્રેમ ખીલ્યો હતો, જેના કારણે આ કપલે ગોવામાં લગ્ન કરવાનો નિર્ણય લીધો છે. જો કે, એવી પણ ચર્ચા હતી કે, રકુલ અને જેકીએ પહેલા મિડલ ઈસ્ટમાં લગ્ન કરવાનો નિર્ણય લીધો હતો, પરંતુ બાદમાં જ્યારે વડાપ્રધાન નરેન્દ્ર મોદીએ દેશના લોકોને લગ્ન અને વિદેશમાં અન્ય મોટા કાર્યક્રમોને બદલે ભારતમાં તેનું આયોજન કરવા કહ્યું ત્યારે, દંપતીએ તેમના નિર્ણય પર પુનર્વિચાર કર્યો અને ગોવામાં લગ્નનું આયોજન કર્યું.

જો રિપોર્ટ્સનું માનીએ તો, એક નહીં પરંતુ પાંચ ડિઝાઈનર્સ લગ્નના અનેક ફંક્શન માટે તેનો ડ્રેસ તૈયાર કરશે. જેમાં તરુણ તાહિલિયાની, શાંતનુ અને નિખિલ, ફાલ્ગુની શેન પીકોક, કુણાલ રાવલ અને અર્પિતા મહેતા જેવા પ્રખ્યાત ડિઝાઇનર્સનો સમાવેશ થાય છે.

આ પણ વાંચો - Rakul Jackky Wedding : રકુલ પ્રીત સિંહ અને જેકી ભગનાની ગોવાની આ લક્ઝુરિયસ હોટલમાં કરશે ઇકો ફ્રેન્ડલી મેરેજ, જાણો આ મેરેજ થીમની ખાસિયત

લગ્ન બાદ રકુલ પ્રીત સિંહ આ વર્ષે 'મેરી પટની'ની રિમેકમાં જોવા મળશે. આ ફિલ્મનું નિર્દેશન મુદસ્સર અઝીઝ કરી રહ્યા છે. જ્યારે ગયા વર્ષે રકુલ 'છત્રીવાલા' અને 'આઈ લવ યુ' ફિલ્મમાં જોવા મળી હતી. રકુલના લગ્નની સાથે દર્શકો તેની આગામી ફિલ્મની પણ આતુરતાથી રાહ જોઈ રહ્યા છે.