રકુલ પ્રીત સિંહ અને જેકી ભગનાની લગ્નના બંધનમાં બંધાયા, સામે આવી પ્રથમ તસવીર

rakul preet singh jackky bhagnani wedding : બોલિવૂડ અભિનેત્રી રકુલ પ્રીત સિંહ અને જેકી ભગનાની લગ્નના બંધનમાં બંધાઇ ગયા છે. ગોવામાં પરિવાર અને મિત્રોની હાજરીમાં લગ્ન કર્યા હતા. રકુલ પ્રીત અને જેકી ભગનાનીના લગ્નની પ્રથમ તસવીર સામે આવી છે. લગ્નથી સામે આવેલી તસવીરોમાં બંને ટ્રેડિશનલ આઉટફિટ્સમાં સુંદર લાગી રહ્યા છે.

રકુલ પ્રીત સિંહ અને જેકી ભગનાની એક થઈ ગયા

રકુલ અને જેકી લાંબા સમયથી એકબીજા સાથે રિલેશનશિપમાં હતા. બંને ઘણીવાર ડેટ પર જતા અને સાથે ઇવેન્ટમાં ભાગ લેતા જોવા મળ્યા હતા. હવે બંનેએ પોતાના સંબંધને નવું નામ આપ્યું છે. બંને હવે મિસ્ટર અને મિસિસ બની ગયા છે.

કપલના પહેલા ફોટાથી સ્પષ્ટ છે કે આ લગ્ન શાહી અંદાજમાં કરવામાં આવ્યા છે. રકુલ પ્રીત સિંહ અને જેકી ભગનાનીએ પરંપરાગત પંજાબી સમારોહમાં લગ્ન કર્યા છે. આ કપલનું મ્યુઝિક બોલિવૂડ-થીમ આધારિત હતું. સંગીતમાં આ કપલે પરિવાર અને મિત્રો સાથે ભરપૂર મસ્તી કરી હતી. લગ્નની તસવીરો જોઈને કપલના ફેન્સ પણ ખૂબ ખુશ છે. રકુલ અને જેકીને સેલેબ્સ અને ચાહકો તરફથી ખૂબ અભિનંદન મળી રહ્યા છે.

આ પણ વાંચો - વિરાટ-અનુષ્કા એ પુત્ર નું નામ અકાય આ ખાસ હેતુથી રાખ્યું, જાણો શું થાય AKAAY નો અર્થ, કેમ પસંદ કર્યું આ નામ

રકુલ પ્રીત સિંહ અને જેકી ભગનાનીનો સંબંધ વર્ષો પહેલા શરૂ થયો હતો. એવું કહેવામાં આવે છે કે એક સમયે બંને પાડોશી હતા પરંતુ પછી તે સમયે તે મળ્યા ન હતા. 2021માં બન્નેએ તેમના સંબંધોની ઇન્સ્ટા પર જાહેરાત કરી હતી. આ પછી તેઓ વેકેશન, ઇવેન્ટ્સ અને પાર્ટીઓમાં સાથે જોવા મળ્યા હતા.