Rakul preet Singh Wedding : શું રકુલ પ્રીત સિંહ આ વર્ષે જેકી ભગનાની સંગ લગ્ન કરવા જઇ રહી છે? તારીખ નક્કી

Rakul Preet Singh : બોલિવૂડ અભિનેત્રી રકુલ પ્રીત સિંહ આ દિવસોમાં ન્યૂયર 2024ની ઉજવણી માટે વેકેશન પર ગઈ છે. તે પરિવાર અને મિત્રો સાથે વિદેશમાં રજાઓનો આનંદ માણી રહી છે. અભિનેત્રીએ ઈન્સ્ટાગ્રામ પર તેની તસવીરો પણ શેર કરી છે, જેમાં તે મોનોબિકિનીમાં પોઝ આપતી જોવા મળી રહી છે. નવા વર્ષની શરૂઆત સાથે જ અભિનેત્રીના લગ્નની ચર્ચાએ જોર પકડ્યું છે. લેટેસ્ટ મીડિયા રિપોર્ટ્સ અનુસાર, રકુલના લગ્નની તારીખ જાહેર થઈ ગઈ છે. તે બોયફ્રેન્ડ જેકી ભગનાની સાથે લગ્ન કરવા જઈ રહી છે.

હિન્દુસ્તાન ટાઈમ્સના અહેવાલમાં દાવો કરાયો છે કે, રકુલ પ્રીત સિંહ અને જેકી ભગનાની ફેબ્રુઆરી 2024માં લગ્ન કરશે. જો રિપોર્ટ્સનું માનીએ તો અભિનેત્રી ડેસ્ટિનેશન વેડિંગ કરવા જઈ રહી છે. તે તેના લોન્ગ ટાઇમ બોયફ્રેન્ડ સાથે ગોવામાં Zeroedમાં લગ્ન કરશે. આ દિવસોમાં તે જેકી સાથે થાઈલેન્ડમાં વેકેશન માણી રહી છે. એવું કહેવામાં આવી રહ્યું છે કે તે તેના બોયફ્રેન્ડનો જન્મદિવસ પણ ત્યાં સેલિબ્રેટ કરવા જઈ રહી છે.

ઉલ્લેખનીય છે કે રકુલ પ્રીત સિંહે 2021માં જેકી ભગનાની માટે પોતાનો પ્રેમ વ્યક્ત કર્યો હતો. તેના જન્મદિવસ પર, અભિનેત્રીએ જેકી સાથે એક ફોટો શેર કરીને એક પોસ્ટ લખી હતી, જેમાં તેણે પોતાની લાગણી વ્યક્ત કરી હતી. રકુલે જેકી ભગનાનીને પોતાની શ્રેષ્ઠ અને ખાસ ભેટ ગણાવી હતી.

જો જેતી ભગનાની વાત કરીએ તો તે વ્યવસાયે નિર્માતા છે અને અભિનેત્રીનો પાડોશી પણ હતો. પરંતુ, આ સમયગાળા દરમિયાન તેઓએ ક્યારેય એકબીજા સાથે વાત કરી ન હતી. લોકડાઉન દરમિયાન તેઓ સામાન્ય મિત્રો દ્વારા મળ્યા હતા. અહીંથી જ તેમની મુલાકાતો અને વાતોનો સિલસિલો શરૂ થયો હતો.

આ પણ વાંચો : Video Vriral : અરબાઝ ખાન અને શૂરાની રોમાચિંત લવ સ્ટોરી, એક્ટરે આ રીતે 15 વર્ષ નાની પત્નીને દીકરા સામે કર્યું હતુ પ્રપોઝ, જુઓ વીડિયો

આ સિવાય જો રકુલ પ્રીત સિંહની પ્રોફેશનલ લાઈફની વાત કરીએ તો તેણે હિન્દી સિવાય તમિલ અને તેલુગુ ફિલ્મોમાં પણ કામ કર્યું છે. અભિનેત્રીએ વર્ષ 2009માં કન્નડ ફિલ્મ 'ગિલ્લી'થી પોતાના કરિયરની શરૂઆત કરી હતી. આ પછી, તેણે વર્ષ 2014માં તેની પ્રથમ હિન્દી ફિલ્મ કરી, જેનું નામ હતું 'યારિયાં'.